Nýr leikskóli í Varmahlíð opnaður
Það voru glöð börn sem mættu í nýja leikskólann í Varmahlíð í morgun sem beðið hefur verið eftir með mikilli eftirvæntingu í ansi mörg ár. Leikskólinn er 540 fermetrar að stærð með tengibyggingu og lóðin er um 20.000 fermetrar.
Skólinn samanstendur af fjórum deildum sem heita: Könglaland, Kvistaland, Reyniland og Furuland. Að þessu sinni verður hægt að opna þrjár deildar af fjórum því ekki hefur tekist að ráða starfsfólk í allar lausar stöður við leikskólann og því verður einungis hægt að taka inn fjögur börn af biðlistanum sem er vel á annan tug barna.
Aðalverktakar verkefnisins voru annars vegar Uppsteypa ehf., sem sá um uppsteypu, allan ytri frágang hússins og lóðarframkvæmdir, og hins vegar Stígandi ehf. sem sá um allar innanhússframkvæmdir og uppsetningu innréttinga. Þá má einnig nefna að fjölmargir undirverktakar komu að verkinu.
Þó að lóðarframkvæmdum sé ekki lokið að fullu hefur vinnusvæði verið girt af og leikskólinn tilbúinn til notkunar.
Þessi glæsilega bygging á svo sannarlega eftir að halda vel utan um börn og starfsfólk í leik og starfi til framtíðar.
Fleiri fréttir
-
Jólahlaðborð og jólaljós
feykir.is Skagafjörður, Austur-Húnavatnssýsla, Lokað efni 26.11.2025 kl. 12.33Fyrsta aðventuhelgin er framundan og dagarnir fram að jólum hafa oft tilhneygingu til að vera ansi annasamir. Komandi helgi er engin undantekning á því og nóg um að vera, fyrst ber að nefna árlegt jólahlaðborð Rótarýklúbbs Sauðárkróks nk. laugardag 29. nóvember.Meira -
Fyrsti Björnis huggunarbangsinn afhentur á Íslandi
feykir.is Skagafjörður, Lokað efni 26.11.2025 kl. 12.30Brunavarnir Skagafjarðar afhentu Kolbeini Ara Gíslasyni fyrsta Björnis huggunarbangsann á Íslandi í vikunni sem leið.Meira -
Heldur hvessir fram að helgi
feykir.is Skagafjörður, Austur-Húnavatnssýsla, Vestur-Húnavatnssýsla 26.11.2025 kl. 08.57Það er gert ráð fyrir stilltu veðri í dag á Norðurlandi vestra, hita um eða rétt undir frostmarki og vindur frá 1-4 m/sek. Á morgun, fimmtudag, hvessir talsvert af norðaustan á landinu en síst þó hér Norðanlands. Talsverður norðanstrekkingur verður á svæðinu á föstudag en dregur úr þegar líður á daginn. Um helgina er spáð rólegu veðri en allt að 15 stiga frosti á laugardaginn og því vissara að fara að grafa upp þær síðu.Meira -
Breytt þjónusta – lækkað verð | Frá Landbúnaðar- og innviðanefnd Skagafjarðar
feykir.is Skagafjörður, Aðsendar greinar 26.11.2025 kl. 08.16Landbúnaðar- og innviðanefnd Skagafjarðar hefur oft á liðnum mánuðum fjallað um rekstur og stöðu sorpmála í Skagafirði. Bæði vegna þess að málaflokkurinn er stór, en einnig vegna mikilla breytinga sem gerðar voru á sorpsöfnunarkerfinu í Skagafirði, eftir að Alþingi breytti lögum um meðhöndlun úrgangs. Í kjölfar leiðbeinandi könnunar meðal íbúa í dreifbýli í júlí 2022, var ákveðið af sveitarstjórn að sorp skyldi sótt á öll heimili í Skagafirði frá og með áramótum 2023.Meira
