Öruggur sigur Tindastóls fór langt með að gulltryggja sætið í 1. deild
Tindastóll nánast gulltryggði sæti sitt í 1. deild að ári með ansi öruggum sigri á liði Knattspyrnufélags Fjallabyggðar í dag. Gestirnir komust yfir í byrjun leiks en það var klassamunur á liðunum og Stólarnir unnu sanngjarnan 3-1 sigur þegar upp var staðið og eru sem stendur í 7. sæti í næst efstu deild.
Í lið Tindastóls vantaði þá Rodrigo Morin og Ingva Hrannar Ómarsson sem báðir voru í leikbanni. Sjö Króksarar voru í byrjunarliði Stólanna og fjórir erlendir leikmenn. Gestirnir voru aðgangsharðir í byrjun leiks en sóttu þá með svolítinn vind í bakið. Þórður Birgisson kom KF yfir en hann virtist ná að pota boltanum í hægra hornið hjá Furness eftir góða sendingu fyrir markið. Stólarnir náðu betri tökum á leiknum þegar á leið og á 31. mínútu gerði Atli Arnarson glæsilegt mark, hann fékk boltann inni á miðjum vallarhelmingi gestanna og komst í gott skotfæri og setti boltann upp í hægra hornið án þess að Björn Hákon Sveinsson kæmi vörnum við. Fimm mínútum síðar tók Atli hornspyrnu og varnarjaxlar Stólanna voru sterkir á fjærstöng og Björn Anton kom boltanum í markið eftir skalla frá Edda. Staðan orðin 2-1 og þannig var hún í hálfleik.
Gestirnir úr Fjallabyggð voru næstum búnir að jafna strax í byrjun síðari hálfleiks þegar varnarmenn Stólanna dottuðu eitt augnablik, en boltann settu gestirnir í stöngina og fyrir markið en heimamenn hreinsuðu frá. Eftir þetta náðu Tindastólsmenn yfirhöndinni og voru nær því að bæta við mörkum en KF að jafna metin. Atli Arnarson gerði síðan út um leikinn þegar hann var skyndilega á auðum sjó á 74. mínútu og setti boltann snyrtilega í markið. Örfáum mínútum síðar meiddist Atli hins vegar illa og óttuðust menn að um krossbandameiðsli væri að ræða, en Atli, sem hefur verið besti leikmaður Tindastóls í sumar, var umsvifalaust fluttur með sjúkrabíl á spítalann. Eftir þetta gerðist fátt markvert, annað en að spjaldaglaður dómari leiksins hélt áfram að veifa spjöldum, og öruggur sigur Tindastóls í höfn. Lokatölur 3-1.
Sem fyrr segir hafa Tindastólsmenn með sigrinum í dag nær örugglega tryggt sæti sitt í 1. deild að ári en Þróttur og KF berjast um sæti í deildinni en Völsungur er fallinn. Eftir nokkuð erfiða byrjun í sumar hefur Tindastóll spilað fínan fótbolta og liðsheildin verið góð. Besti maður liðsins í dag var Atli en Jordan Branco var einnig í hörku stuði. Annars skiluðu allir leikmenn hlutverki sínu vel. Stemningin á vellinum var í daufari kantinum en vanalega hefur verið hægt að treysta á að Siglfirðingar fjölmenni á Krókinn og hvetji sína menn – það er kannski af sem áður var?
Fleiri fréttir
-
Níu marka veisla á Sauðárkróksvelli
feykir.is Skagafjörður, Íþróttir, Lokað efni 14.06.2025 kl. 21.17Það var leikið í 3. deildinni í knattspyrnu á Króknum í dag en þá tóku Stólarnir á móti liði Árbæjar í áttundu umferð. Liðin voru bæði um miðja deild en gestirnir þó ofan við miðlínuna en Stólarnir neðan hennar. Eftir nokkurt ströggl síðasta mánuðinn þá sýndu heimamenn sparihliðarnar og rúlluðu gestunum upp eins og gómsætri vöfflu með rjóma og rabarbarasultu. Lokatölur 7-2 og allt í gúddi.Meira -
Vel heppnuð vinnustofa um íþróttir fatlaðra
feykir.is Skagafjörður, Íþróttir, Mannlíf, Lokað efni 14.06.2025 kl. 20.04Í byrjun mánaðar héldu Ungmennasamband Skagafjarðar (UMSS), Svæðisstöðvar íþróttahéraða og Íþróttasamband fatlaðra (ÍF) sameiginlega vinnustofu um íþróttir fyrir fatlaða á Sauðárkróki. Vinnustofan var fyrir foreldra, forsjáraðila, íþróttaþjálfara, starfsfólk skóla og áhugafólk um íþróttir í sveitarfélaginu. „Vinnustofan var vel sótt og greinilegt að mikil þörf var á þessum viðburði. Miklar og góðar umræður sköpuðust um íþróttir fatlaðra í Skagafirði. Það verður gaman að vinna úr þeim punktum sem fram komu og koma þeim í farveg,“ segir Halldór Lárusson, svæðisfulltrúi íþróttahéraða á Norðurlandi vestra.Meira -
Þjóðhátíðardagsskráin á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 14.06.2025 kl. 14.00Þjóðhátíðin 17 júní er á næsta leyti og af því tilefni ætlar Feykir að taka saman það helsta sem í boði verður á Norðvesturlandi.Meira -
„Ég er sveitavargur og hefur alltaf liðið vel að koma í Skagafjörðinn“
feykir.is Skagafjörður, Íþróttir, Lokað efni 14.06.2025 kl. 13.47Blaðamaður Feykis hitti nýjan þjálfara meistaraflokks Tindastóls föstudaginn 7. júní þegar hann skrifaði undir tveggja ára samning. Blaðamaður settist niður með Arnari og spjallaði aðeins við kauða og tók stöðuna. Fyrst var kannski að fá að vita hver Arnar Guðjónsson er en hann er sveitastrákur úr Borgarfirði, sonur tveggja íþróttakennara, sem hefur alla tíð haft ótrúlega gaman af íþróttum og fólki og lá þá kannski beinast við að fara í þjálfun.Meira -
Grænmetis lasagna og tómatasalat | Matgæðingur Feykis
feykir.is Skagafjörður, Í matinn er þetta helst, Lokað efni 14.06.2025 kl. 10.00Matgæðingur vikunnar í tbl 6 var að þessu sinni Guðbjörg Gunnarsdóttir en hún er gift Sigurjóni Sæland. Guðbjörg er fædd og uppalin á Króknum en flutti í Reykholt í Bláskógarbyggð 1998. Guðbjörg og Sigurjón eiga þrjú börn og fjögur barnabörn. Guðbjörg starfar sem deildarstjóri á leikskólanum Álfaborg og hefur unnið þar í 15 ár.Meira
