Örvar farinn í sína síðustu veiðiferð fyrir FISK Seafood
Rúv.is segir frá því að landfestar frystitogarans Örvars SK-2 frá Sauðárkróki voru leystar í gær um leið og skipið hélt í sína síðustu veiðiferð fyrir FISK Seafood en Örvar hefur verið seldur til Rússlands.
Eins og áður hefur komið fram á Feykir.is var 30 manna áhöfn sagt upp í kjölfar sölunnar en ekki liggur fyrir hvort sjómennirnir verði endurráðnir. FISK Seafood hyggst draga úr bolfiskvinnslu úti á sjó og efla vinnslu í landi en þessi þróun á sér nú stað um allt land.
Í samtali við Rúv.is segir Jón Eðvald Friðriksson framkvæmdastjóri FISK Seafood: „Í fyrsta lagi má segja það að menn standa frammi fyrir því að grípa til hagræðingaraðgerða. Við fengum 700 milljóna króna aukareikning í formi auðlindaskatts á síðasta ári.“
Þá hafi aflaheimildir breyst mikið en grálúðuheimildir hafa minnkað um 1000 tonn á tæpum áratug og heimildir í úthafskarfa séu aðeins 11 prósent af því sem var fyrir 10 árum: „Og menn hafa bara trú á því að landvinnslan sé arðbærari og skili meiri árangri fyrir fyrirtækin og þjóðina", segir Jón.
Og þótt áherslubreytingar hafi í för með sér tímabundna fækkun starfa, fjölgi þeim þegar til lengri tíma er litið með frekari úrvinnslu og bættri nýtingu hráefnis.
Heimild: Rúv.is
Fleiri fréttir
-
Þögn og Nóa kropp í skál er best með bóklestri
feykir.is Skagafjörður, Listir og menning, Lokað efni 08.06.2025 kl. 13.33Hrund Malín Þorgeirsdóttir býr á Krithóli í Skagafirði, gift þriggja barna móðir, kennari í Varmahlíðarskóla og bóndi. Hrund hefur haft í nægu að snúast, sauðburður á fullu og skólaárinu að ljúka með tilheyrandi pappírsvinnu og húllumhæi eins og hún orðar það sjálf. Hún gaf sér þó tíma til að svara Bókhaldi Feykis þessa vikuna.Meira -
Haustið 1994 afar eftirminnilegt
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 08.06.2025 kl. 11.27Rétt eins og skólameistarinn þá lætur aðstoðarskólameistarinn, Þorkell V. Þotsteinsson, af störfum að loknu skólaárinu. Keli starfaði sem skólameistari í vetur þar sem Ingileif var í leyfi. Hann hóf störf við skólann haustið 1980 eða ári eftir að Fjölbraut á Króknum hóf kennslu og kenndi þá ensku. Það verða því viðbrigði þegar starfsmenn skólans mæta til vinnu í haust og enginn Keli til staðar.Meira -
Bóndabrie og þorskhnakkar | Matgæðingur Feykis
feykir.is Skagafjörður, Í matinn er þetta helst, Lokað efni 08.06.2025 kl. 11.20Matgæðingur vikunnar í tbl 4 á þessu ári var Arndís Brynja, gift Guðmundi Óla Hartmannssyni, en þau eru bæði fædd og uppalin á Króknum. Þau eiga þrjá uppkomna syni og eitt barnabarn og eru öll búsett í Reykjavík. Arndís starfar hjá Landhelgisgæslunni sem bryti á varðskipinu Þór og eldar fyrir mannskapinn.Meira -
Flest í þokkalegri rútínu
feykir.is Skagafjörður, Lokað efni, Hvað segja bændur? 07.06.2025 kl. 16.49Bessi Freyr Vésteinsson í Hofsstaðaseli, nánar tiltekið í Viðvíkursveit í Skagafirði, býr þar ásamt konu sinni Sólrúnu Ingvadóttur. „Einnig búa hér sonur okkar Ingvi Þór Bessason og kona hans Fanndís Viðarsdóttir ásamt sonum þeirra Braga Frey sex ára, Bjarka Viðari fjögurra ára og Birki Þór tveggja ára.“ Öll vinna þau við reksturinn auk 4-6 starfsmanna, en það fer aðeins eftir árstíma. Feykir heyrði í Bessa til að taka stöðuna í sveitinni en viðtalið var birt í fréttablaðinu Feyki í byrjun febrúar á þessu ári.Meira -
Stólastúlkur náðu í stig gegn liði Vals í fyrsta sinn
feykir.is Skagafjörður, Íþróttir, Lokað efni 07.06.2025 kl. 15.18Í gær mættust lið Tindastóls og Vals í Bestu deild kvenna og var spilað við ágætar aðstæður á Króknum. Úr varð hörkuleikur og fór svo að lokum að liðin deildu stigunum en lokatölur voru 2-2. Þetta var í fyrsta skipti sem Stólastúlkur ná í stig gegn liði Vals og máttu eiginlega vera svekktar með að þau urðu ekki fleiri.Meira
