Öxin, Agnes og Friðrik - síðustu sýningar á Sögulofti Landnámssetursins
feykir.is
Vestur-Húnavatnssýsla, Listir og menning
30.07.2020
kl. 09.07
Magnús á Þrístöpum. Mynd:FB/Magnús - Dynur og Saga.
Síðustu sýningar Magnúsar Ólafssonar á Öxin, Agnes og Friðrik sem fara fram á Sögulofti Landnámssetursins í Borgarnesi verða föstudaginn 31. júlí klukkan 20 og laugardaginn 1. ágúst klukkan 16. Þeir sem hafa komið á sýninguna á Söguloftinu eða farið með sögumanni í hestaferðir um söguslóðir fá ókeypis leiðsögn um sögustaði sögunnar í Húnaþing sunnudaginn 2. ágúst eða mánudaginn 3. ágúst, á frídegi verslunarmanna.
Sérhver þátttakandi útvegar sér far sjálfur í söguferðina eða kemur á eigin bíl. Heimilt er þátttakendum að koma aðeins á einn eða fáa af sögustöðunum. Söguferð hvors dags hefst á Þrístöpum klukkan 13. Þar verður farið yfir kjarna sögunnar báða dagana. Engin ástæða fyrir nokkurn að koma þangað nema annað hvorn daginn, en heimilt að því er segir í tilkynningu.
- Á sunnudag verður síðan stansað hjá Stóru Borg klukkan 15. Þar voru réttarhöld og þar var Agnes í haldi og þaðan sér yfir stóran hluta af sögusviðinu.
- Klukkan 15:30 verður stansað við Vatnsenda. Þar verður talað um Skáld Rósu þá merku konu, sem í æsku var svikin af Páli sýslumanni og var ástmær Natans í nokkur ár.
- Klukkan 17:30 verður komið að Tjörn á Vatnsnesi. Gengið að leiði Agnesar og Friðriks og vonandi verður hægt sýna bikarinn sem Guðmundur Ketilsson fékk frá Konunglega Danska landbúnaðarfélaginu fyrir endurbætur á Illugastöðum.
- Söguferð þessa dags líkur á Illugastöðum klukkan 19. Þar voru morðin framin og þar sér enn fyrir smiðju Natans.
Á mánudag verður sögumaður klukkan 13 á Þrístöpum og klukkan. 14:30 á Þingeyrum. Þeir sem vilja ganga í Þingeyrakirkju og skoða hana hafa tíma til þess undir leiðsögn kirkjuvarðar. Inngangseyri þarf að greiða fyrir að skoða kirkjuna.
- Síðan verður ekinn hringur um Vatnsdal.
- Klukkan 16:30 verður stansað á Kornsá. Þar ólst Agnes upp að hluta og þar dvaldi hún síðustu mánuði í lífi sínu.
- Klukkan 17:30 verður stansað við Hvamm. Þar bjó Björn Blöndal sýslumaður.
- Klukkan 19 verður komið að Geitaskarði. Þar hófust kynni Agnesar og Natans Ketilssonar.
Þeir sem ekki hafa komið á Sögustundir í Borgarnesi eða í hestaferðir með sögumanni greiða sérstakt gjald fyrir þátttöku í ferð um sögustaði.
Húni segir frá.
Fleiri fréttir
-
Ævintýrið úti hjá liði Tindastóls
feykir.is Skagafjörður, Íþróttir 19.04.2024 kl. 23.34Strax í haust voru bara þrjú hjól undir bíl meistara Tindastóls og eftir það var nánast sama hvaða hindrun varð á vegi hans, það varð allt til að hægja ferðina. Hann hökti reyndar inn í bikarúrslit og í úrslitakeppnina þó með naumindum væri. Stólakagginn sem allir biðu eftir að hrykki í gírinn, kæmi sterkur inn á endasprettinum, var eiginlega hálf vélarvana allt tímabilið. Leikurinn í Smáranum í kvöld var reyndar góður en enn og aftur voru Stólarnir sjálfum sér verstir. Lokakarfan var Grindvíkinga og hún skipti sköpum – lokastölur 91-89. Stólarnir því snemma í sumarfrí þennan veturinn og kannski allir fegnir – þessi bíll þarf í allsherjar yfirhalningu.Meira -
Gul viðvörun á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 22.24Veðurstofan hefur smellt á okkur gulri veðurviðvörun mest allan laugardaginn og fram á aðfaranótt sunnudags. Gert er ráð fyrir ört hækkandi hita og því má búast má við miklum leysingum, auknu afrennsli og vatnavöxtum í ám og lækjum. Mikilvægt er að hreinsa frá niðurföllum til að forðast vatnstjón vegna rigningar og leysingavatns. Gula viðvörunin gildir fyrir Vestfirði og allt Norðurland.Meira -
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira -
Alvarleg vanræksla á nautgripum kærð til lögreglu
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 10.05Í tilkynningu á vef Matvælastofnunar er greint frá því að MAST hafi kært til lögreglu alvarlega vanrækslu eftir að 29 nautgripir fundust dauðir í gripahúsi við eftirlit á lögbýli á Norðurlandi vestra. Í kjölfarið aflífuðu starfsmenn stofnunarinnar 21 grip til viðbótar á staðnum sökum slæms ástands, allt gripi sem voru hýstir í húsinu.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.