Plata Ásgeirs Trausta gefin út um allan heim
Ásgeir hefur gert útgáfusamning við breska útgáfufyrirtækið One Little Indian. Fyrirtækið mun gefa út plötu hans, Dýrð í dauðaþögn, um allan heim innan tíðar. Fréttatíminn greinir frá þessu.
Ásgeir segir í samtali við Fréttatímann að fleiri plötufyrirtæki hafi sýnt sér áhuga en One Little Indian hafi frá upphafi verið mest spennandi. One Little Indian hefur gefið út plötur Sykurmolanna, Bjarkar og fyrstu plötur Sigur Rósar.
Samkvæmt grein Fréttatímans var Derek Birkett, framkvæmdastjóra One Little Indian, bent á Ásgeir Trausta síðasta haust og setti sig í samband við hann. Hann kom hingað til lands og hitti Ásgeir og hans fólk og snéri svo aftur á Iceland Airwaves, síðan þá hafa samningaviðræður staðið yfir.
„Honum leist rosa vel á tónlistina og spurði hvort við myndum ekki gera enska útgáfu til að ná til fleira fólks,“ segir Ásgeir. Plata Ásgeirs Trausta kemur út á íslensku á vegum One Little Indian á næstu dögum en sú útgáfa er fyrst um fremst hugsuð sem kynning í tengslum við tilnefningu Ásgeirs til Norrænu tónlistarverðlaunanna.
Verið að leggja lokahönd á enska útgáfu plötunnar þessa dagana. Það er tónlistarmaðurinn John Grant sem þýðir íslensku textana yfir á ensku. John Grant hefur verið búsettur hér á landi síðasta árið og unnið að annarri sólóplötu sinni en hann þykir glúrinn tungumálamaður og hefur náð góðu valdi á íslensku. Hann tók því þessari áskorun fagnandi, segir í Fréttatímanum. Ásgeir segir allar þýðingarnar vera klárar en nú er verið að ákveða hvað platan á að heita.
Tónleikahald vítt og breitt um heiminn
Ásgeir Trausti er bókaður á fjölda tónleika á árinu og er meira í bígerð en eins og fram hefur komið hefur Ásgeir gert samning við stóra erlenda umboðsskrifstofu, William Morris Entertainment sem hefur listamenn á borð við Björk og Lady Gaga á sínum snærum.
Í næstu viku spilar Ásgeir á norsku tónlistarhátíðinni By:Larm en þar eru Norrænu tónlistarverðlaunin einmitt afhent. Þá taka við tónleikar á Sónar-hátíðinni í Reykjavík. Því næst fer hann með alla hljómsveitina sína á ferðalag um Ameríku dagana 6. til 24. mars. Þar mun bandið til að mynda troða upp á South by Southwest tónlistarhátíðinni í Austin í Texas og á Canadian Music Week í Toronto.
Í apríl fer Ásgeir Trausti ásamt Júlíusi Róbertssyni gítarleikara frá Reykjum í Hrútafirði á tónleikaferðalag með Mads Langer um Danmörku. Þá er hann bókaður á G! festival í Færeyjum hinn 20. júlí, Pohoda festival í Slóvakíu í sama mánuði og fleiri tónlistarhátíðir verða staðfestar á næstunni.
Vinsældirnar komu öllum að óvörum
Dýrð í dauðaþögn seldist í um 22 þúsund eintökum fyrir síðustu jól. Hún varð þar með söluhæsta frumraun íslensks tónlistarmanns hér á landi. Vinsældirnar komu öllum að óvörum og líf þessa tvítuga tónlistarmanns hefur tekið óvænta beygju á síðustu mánuðum. Hann varð til að mynda nýverið að segja upp starfi sínu sem kennari í tónlistarskólanum á Hvammstanga.
Ásgeir segist eiga nóg af nýjum lögum en hins vegar er ekki von á nýrri plötu á þessu ári. „En mjög líklega á næsta ári,“ segir hann. Velgengni hans erlendis verður sumsé til þess að aðdáendur hér heima þurfa að bíða lengur eftir nýju efni en ella. Það verður víst ekki á allt kosið.
Viðtalið við Ásgeir Trausta í heild sinni má lesa hér.
Fleiri fréttir
-
Sögusetur íslenska hestsins bætir við nýrri sýningu.
feykir.is Skagafjörður, Hestar, Listir og menning, Mannlíf, Lokað efni 21.06.2025 kl. 12.00Sögusetur íslenska hestsins var opnað aftur 3 júní eftir vetrarlokun. Sögusetrið er sjálfseignarstofnun í eigu Háskólans á Hólum og sveitarfélagsins Skagafjarðar. Í ár er safnið 15 ára en það var opnað 2010. Fyrsti safnvörður var Arna Björg Bjarnadóttir en nú stýrir Kristín Halldórsdóttir safninu. Ný sýning var opnuð á efri hæð sama húsnæðis og hýst hefur safnið og var af því tilefni sérstök opnunarathöfn þar sem mætti margt góðra gesta.Meira -
Fín veðurspá fyrir helgina
feykir.is Skagafjörður, Austur-Húnavatnssýsla, Vestur-Húnavatnssýsla 21.06.2025 kl. 03.00Það ætti ekki að væsa um heimamenn og gesti sem heimsækja Skagafjörðinn þessa helgina. Bæjarhátíðin Hofsós heim hófst í gær þó Sóli Hólm hafi tekið forskot á sæluna sl. fimmtudagskvöld þegar fullt var út úr dyrum á uppistandi hans í Höfðaborg. Uppselt var á seinna standið hans í gærkvöldi fyrir löngu en dagskrá Hofsósinga er stútfull af alls konar oh heldur fjörið áfram í dag. Þess má geta að í ár eru 30 ár frá fyrstu Jónsmessuhátíðinni á Hofsósi. Á Króknum fer síðan af stað Króksmót ÓB á laugardagsmorgni og stendur fram á sunnudag.Meira -
Fjögur mörk og þrjú kærkomin stig í sarpinn
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 21.06.2025 kl. 02.40Tíunda umferð Bestu deildar kvenna hófst í gærkvöldi og tvö neðstu liðin mættust í Fjarðarbyggðarhöllinni á Reyðarfirði. Þar tóku heimastúlkur í FHL á móti Stólastúlkum og bæði lið vildu stigin þrjú sem í boði voru. Leikurinn var fjörugur og jafn en reynsla Stólastúlkna og meiri gæði í fremstu víglínu skiptu sköpum. Lokatölur 1-4 og lið Tindastóls þokaði sér úr níunda sæti í það sjöunda – í það minnsta um stundarsakir.Meira -
Lagfæra á Hólaveg í Hjaltadal fyrir Landsmót
feykir.is Skagafjörður, Lokað efni 20.06.2025 kl. 14.12Í aðsendri grein Eyjólfs Ármannssonar innviðaráðherra og oddvita Flokks fólksins í Norðvesturkjördæmi, sem birtist á Feyki.is í morgun, segir ráðherra að komið sé að skuldadögum og hyggst gera skurk í vegaframkvæmdum víða um land. „Ríkisstjórnin hefur samþykkt að veita þriggja milljarða króna viðbótarframlag til viðhalds á vegakerfinu á þessu ári,“ Þar á meðal segir ráðherra að ráðist verði í endurbætur á Hólavegi í Hjaltadal.Meira -
Basile áfram með Stólunum næsta vetur
feykir.is Skagafjörður, Íþróttir 20.06.2025 kl. 13.19Í rilkynningu á Facebook-síðu körfuknattleiksdeildar Tindastólst segir að Dedrick Basile hafi samið við Tindastól um að leika með liðinu næstkomandi tímabil. Basile var einn af burðarásum liðsins í fyrra og er endurkoma hans mikið ánægjuefni. „Ég er kominn aftur! Við eigum óklárað verkefni fyrir höndum. Let´s gooo!Meira
