Segja hrefnuveiðar styggja seli við Húnaflóa
Ríkisútvarpið greindi í fyrradag frá óánægju skipstjóra á selaskoðunarbátnum Brimli frá Hvammstanga með hrefnuveiðar nærri landi á Húnaflóa. Talsmaður hrefnuveiðimanna vísar þessu á bug og telur óþarft að fara út í frekari lokanir á veiðisvæðum, sem yrðu til að skemma fyrir veiðinni.
Veiðin mun hafa færst norður fyrir land vegna lokunar fyrir hrefnuveiði á Faxaflóa. Í frétt Ríkisútvarpsins í gær kemur fram að skipverjar á hrefnubátnum Hrafnreyði hafi skotið hrefnu um þrjá til fjóra kílómetra frá selalátrum á Heggstaðanesi og nú sé selurinn svo styggur að engin leið sé að sýna hann ferðamönnum.
Gunnar Bergmann Jónsson, talsmaður hrefnuveiðimanna, vísaði þessu á bug í viðtali í Morgunútvarpinu á Rás 2 í gærmorgun. „Fyrir það fyrsta þá vorum við ekki þrjá til fjóra kílómetra frá þessum skoðunarsvæðum þeirra heldur vorum við 10 kílómetra frá. Það er í rauninni ekki mögulegt fyrir þá að heyra, hvorki selina né menn í landi, þegar við erum að skjóta hrefnu á Húnaflóa.“
Ástæðu þess að hrefnuveiðimenn leita nú norður fyrir land og inn á Húnaflóa, segir Gunnar fyrst og fremst vera þá ákvörðun stjórnvalda að stækka griðasvæði hrefnu á Faxaflóa. „Við auðvitað verðum að leita annað þegar búið er að loka þessum svæðum. Við viljum að sjálfsögðu líka bera virðingu fyrir þessari starfsemi og viljum ekki vera ofan í þessum svæðum. En það þarf ekki að vera að loka svæðum fyrir okkur enn frekar, til þess að skemma hrefnuveiðarnar alveg.“
Fleiri fréttir
-
Það þarf að mæta nemendum þar sem þeirra hæfileikar og áhugi eru
feykir.is Skagafjörður, Mannlíf, Lokað efni 18.06.2025 kl. 09.54Það eru mikil tímamót í skólastarfi á Sauðárkróki nú í sumar. Í síðasta Feyki var rætt við skólameistara, aðstoðarskólameistara og annan áfangastjóra Fjölbrautaskóla Norðurlands vestra sem nú láta af störfum og eiga að baki samtals ríflega 100 ára starfsævi. Þá var skólastjóri Árskóla, Óskar G. Björnsson, kvaddur af samstarfsfólki og nemendum við skólaslit á dögunum en Óskar hefur verið skólastjóri Árskóla alla tíð síðan Gagnfræðaskóli og Barnaskóli Sauðárkróks voru sameinaðir undir einn hatt árið 1998. Já, 27 farsæl ár að baki sem skólastjóri hjá þessum öðlingi. Það var því ekki annað hægt en að leggja nokkrar spurningar fyrir Óskar.Meira -
Þrír laxar á land í Miðfjarðará á opnunardegi
feykir.is Vestur-Húnavatnssýsla, Lokað efni 18.06.2025 kl. 09.51Húnahornið segir frá því að laxveiðitímabilið í Miðfjarðará hófst sl. sunnudag og eftir hádegi komu þrír fyrstu laxarnir á land. Einn veiddist í Kambsfossi og hinir tveir í Austuránni. Í fyrra var Miðfjarðará næst aflahæst af laxveiðiám landsins með 2.458 laxa og aðeins Ytri-Rangá sem var með fleiri veidda laxa.Meira -
Kaflaskipt í Kaplakrika
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 18.06.2025 kl. 09.11Kvennlaið Tindastóls hélt suður í Hafnarfjörðinn síðastliðinn mánudag en þar beið svarthvítt lið Fimleikafélags Hafnarfjarðar eftir þeim. FH-liðið hefur verið flott í sumar og náð í marga sterka sigra og eru fyrir vikið í toppbaráttu Bestu deildarinnar. Leikurinn reyndist kaflaskiptur því gestirnir bitu vel frá sér í fyrri hálfleik en sá síðari var því miður eign FH frá upphafi til enda. Lokatölur 5-1.Meira -
Önnur tilraun til að halda kynbótasýningu á Hólum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 16.01Vorin eru uppskerutími hrossabænda en þá mæta þeir með merar sínar og stóðhesta á kynbótasýningar. Þar eru hrossin vegin og mæld og riðið fyrir dómnefnd skipaða þremur sérfræðingum.Meira -
Skákmótið Húnabyggð Open 2025
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 09.15Huni.is segir frá því að á föstudaginn 20. júní verður haldið skákmótið Húnabyggð open sem er í tengslum við skákhátíðina sem stendur yfir á Blönduósi og lýkur þann 21. júní. Enn er hægt að skrá sig til leiks.Meira
