Selfyssingar fóru heim með stigin þrjú
Tindastóll og Selfoss mættust í 1. deild karla á Sauðárkróksvelli í gærkvöldi. Selfyssingar hafa ekki verið að gera sérstakt mót í sumar en það reyndist ekki stórkostlegt vandamál að leggja Stólana í gras í gær en sífellt kvarnast úr liði heimamanna. Lokatölur voru 0-2.
Það voru engar partíaðstæður á vellinum í gær, kalt og norðansuddi en leikmenn gerðu sitt besta til að spila fótbolta. Selfyssingar höfðu vindinn í fangið í fyrri hálfleik en voru talsvert hættulegri án þess þó að skapa sér dauðafæri. Fyrsta mark leiksins kom eftir um 20 mínútna leik en þá fengu Selfyssingar hornspyrnu. Einbeitingin var ekki í lagi hjá heimamönnum og boltinn skaust inn á markteig þar sem gestirnir voru fyrri til og Andri Björn Sigurðsson skóflaði boltanum í markið. Ódýrt. Korteri síðar bættu þeir um betur, unnu boltann á vallarhelmingi Tindastóls og sóttu hratt að marki, Elton Barros fékk boltann á vítateigslínu og afgreiddi hann laglega í vinstra hornið. Tindastólsmenn sköpuðu sér lítið í fyrri hálfleik en fengu eina eða tvær aukaspyrnur á sæmilegum stað en ekki náðist að nýta þær.
Í síðari hálfleik komu heimamenn baráttuglaðir til leiks og til að gera langa sögu stutta þá hélt vörnin en hana skipuðu að þessu sinni Loftur, Fannar Kolbeins, Bjarni Smári og Bjarki þjálfari. Næst komust Selfyssingar því að skora þegar þeir áttu hörkuskot í þverslá en Kristinn Snjólfsson setti boltann sömuleiðis í slá Selfossmarksins og undir lokin fengu Stólarnir ágætt færi en náðu ekki nógu föstu skoti að marki og gestirnir náðu að bjarga á línu.
Leikbönn og meiðsli settu svip sinn á lið Stólanna í gærkvöldi og nokkrir leikmanna liðsins sem kláruðu leikinn í gær varla í nokkru standi til að klára erfiðan leik. Þrír leikmenn, Guðni, Ben og Hólmar, fóru meiddir af velli í gær og einhverjir til viðbótar hefðu sennilega þurft að yfirgefa völlinn löngu áður en yfir lauk en bitu á jaxlinn. Í raun hafa stanslaus meiðsli og leikbönn í sumar komið í veg fyrir að jafnvægi næðist í leik Stólanna og má fullvíst telja að Bjarki hafi aldrei getað stillt upp sama liði tvo leiki í röð. Nú er ljóst að fall í 2. deild verður niðurstaða sumarsins en Tindastólsmenn verða að sýna úr hverju þeir eru gerðir og berjast áfram allt til enda. Leikur liðsins var ágætur í síðari hálfleik í gær og ef liðið hættir að gefa ódýr mörk og fer að endurheimta menn úr meiðslum þá gæti verið von til að bæta við stigatöluna.
Þá má geta þess að ágætur vallarþulur sagðist ætla að spila Geirmund í leikhléi en áhorfendur fengu síðan bara að hlýða á útlenskar endurvinnslur – menn auglýsa eitt og annað... ;)
Fleiri fréttir
-
Sannfærð um að búvörulögin séu til góðs fyrir bændur, neytendur og fyrirtækin
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.05.2025 kl. 22.34Dómur Hæastaréttar Íslands í máli Inness gegn Samkeppnisstofnunu varðandi lögmæti búvörulaganna umdeildu hefur verið mikið í umræðunni í vikunni og sitt sýnist hverjum. Forstjóri Samkeppnisstofnunar hefur gengið hvað harðast fram í gagnrýni á lögin og sakað þá sem töluðu fyrir búvörulögunum um lygar. Til stendur að breyta lögunum eða fella þau niður en dómur Hæstaréttar verður varla til að einfalda það. Feykir hafði samband við Margréti Gísladóttur frá Glaumbæ sem jafnframt er framkvæmdastjóri Samtaka fyrirtækja í landbúnaði og lagði fyrir hana nokkrar spurningar.Meira -
Murr með sigurmark Fram í uppbótartíma
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 23.05.2025 kl. 20.15Þetta hefur verið erfið vika fyrir stuðningsfólk Tindastóls. Tveir tapleikir í röð gegn Stjörnunni í körfunni og í kvöld máttu Stólastúlkur þola enn eitt tapið. Og ekki eru lokamínúturnar að standa með okkur því það lið Fram gerði eina mark leiksins örfáum sekúndum fyrir leikslok og til að bæta gráu ofan á svart var það sjálf Murr sem setti boltann í markið þegar allt leit út fyrir jafntefli. Lokatölur 1-0.Meira -
Besta rekstrarniðurstaða Skagafjarðar frá sameiningu 1998
feykir.is Skagafjörður, Lokað efni 23.05.2025 kl. 14.55Ársreikningur sveitarfélagsins Skagafjarðar fyrir árið 2024 var samþykktur samhljóða við síðari umræðu í sveitarstjórn miðvikudaginn 14. maí sl. Feykir innti Sigfús Inga Sigfússon sveitarstjóra hverjar væru helstu niðurstöður ársreiknings 2024 og sagði hann rekstrarniðurstöðuna vera þá bestu í sögu sameinaðs sveitarfélags í Skagafirði, frá árinu 1998.Meira -
Afmælistónleikar í Miðgarði 23. maí
feykir.is Skagafjörður, Listir og menning, Lokað efni 23.05.2025 kl. 14.21Í tilefni af 60 ára afmæli tónlistarkennslu á Sauðárkróki verða haldnir tónleikar í Menningarhúsinu Miðgarði, laugardaginn 23. maí og hefjast þeir kl. 16:00, þar sem nemendur koma fram.Meira -
Munum að ganga vel um hoppubelginn
feykir.is Skagafjörður, Mannlíf, Lokað efni 23.05.2025 kl. 14.18Borið hefur á slæmri umgengni við hoppubelginn á tjaldsvæðinu á Sauðárkróki en frá þessu segir á heimasíðu Skagafjarðar.„ Viljum við því biðla til foreldra að brýna fyrir börnum sínum að ganga vel um eignir okkar allra svo ekki þurfi að fara í frekari aðgerðir og loka hoppubelgnum.“Meira
