Sjávarleður útnefnt Sútunarverksmiðja ársins 2016 í Evrópu
Sjávarleður, eða Atlantic Leather, á Sauðárkróki hefur verið valið sútunarverksmiðja ársins (Tannery of the Year) í Evrópu. Samkvæmt heimasíðunni aplf.com var fyrirtækið upphaflega tilnefnt fyrir fyrirmyndar vinnubrögð og vinnsluaðferðir með sérstaka áherslu á hvernig fyrirtækið er meðvitað um umhverfið, starfsfólk sitt og nærsamfélag. Tilkynnt var um verðlaunahafann við hátíðlega athöfn í Hong Kong í gærkvöldi. Að sögn Gunnsteins Björnssonar framkvæmdastjóra Sjávarleðurs er þetta mikil viðurkenning fyrir fyrirtækið og fyrst og fremst góð kynning.
Um er að ræða alþjóðleg verðlaun sem eru svæðisskipt í fimm flokka; bestu sútunarverksmiðju ársins í Evrópu, Kína, Asíu (fyrir utan Kína), Ameríku og Afríku. Þetta er í fimmta sinn sem„Tannery of the Year“ verðlaunin eru afhent en megin tilgangur þeirra er að vekja athygli á því sem vel er gert í iðnaðnum.
„Það hefur verið í umræðunni að leðuriðnaðurinn sé skítugur og mengandi en það er líka fullt af fyrirtækjum sem eru að gera hlutina mjög vel. Meginatriðið með þessum verðlaunum er að draga þau fram,“ sagði Gunnsteinn þegar Feykir sló á þráðinn til hans í morgun.
Framkvæmd var umfangsmikil úttekt hjá fyrirtækjunum og var Sjávarleður heimsótt síðastliðið sumar. Að sögn Gunnsteins önnuðust tveir aðilar úttektina, annar þeirra er prófessor í sútunarskóla í Northampton og skoðar hann allt sem snýr að efnafræðilegri tækni, vélbúnaði og slíkt. Hinn starfar sem blaðamaður hjá tímariti sem heitir „World Leather Magazine“. Sá fer yfir samfélagslega þýðingu fyrirtækjanna á hverjum stað fyrir sig, hvernig hugsað er um starfsfólkið og þess háttar. Að yfirferð lokinni gefa þeir út skýrslu sem er notuð til grundvallar við tilnefningu fyrirtækjanna.
„Tilnefnd voru tíu fyrirtæki og tvö þeirra voru boðuð til Hong Kong þar sem til stóð að afhenda verðlaunin yfir hátíðarkvöldverði. Það voru Atlantic Leather og sænskt fyrirtæki sem nefnist Tärnsjö Garveri,“ útskýrir Gunnsteinn og segist hæstánægður með verðlaunaafhendinguna.
Leiðandi í sútun á fiskroði
Sjávarleður er orðið eitt af leiðandi sútunarfyrirtækjunum í heiminum í dag, sérstaklega í sútun á fiskroði. Sjávarleður og annað brasilískt fyrirtæki, sem notast við aðrar fisktegundir en Sjávarleður, eru tvö fremstu fyrirtækin í þeim bransa. Fyrirtækið hefur um árabil skipt við stærstu tískuhús heims og fer orðspor þess vaxandi frá ári til árs.
Sjávarleður og dótturfyrirtæki þess, Loðskinn, eru bæði staðsett í sútunarverksmiðjunni á Sauðárkróki, en starfa hvort á sínu sviði. Sjávarleður framleiðir leður úr roði af fjórum fisktegundum, á meðan helsta framleiðsluvara Loðskinns eru hinar sígildu langhára loðgærur af haustlömbum.
Fleiri fréttir
-
Kynbótasýning á Hólum, Önnur tilraun
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 16.01Vorin eru uppskerutími hrossabænda en þá mæta þeir með merar sínar og stóðhesta á kynbótasýningar. Þar eru hrossin vegin og mæld og riðið fyrir dómnefnd skipaða þremur sérfræðingum.Meira -
Skákmótið Húnabyggð Open 2025
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 09.15Huni.is segir frá því að á föstudaginn 20. júní verður haldið skákmótið Húnabyggð open sem er í tengslum við skákhátíðina sem stendur yfir á Blönduósi og lýkur þann 21. júní. Enn er hægt að skrá sig til leiks.Meira -
Víðismenn í vandræðum á Blönduósi
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 15.06.2025 kl. 16.24Það var spilað á Blönduósvelli í gær við fínar aðstæður en þá tóku heimamenn í Kormáki/Hvöt á móti liði Víðis í Garði. Liðin voru bæði í neðri hluta 2. deildar en Húnvetningar með einu stigi meira og leikurinn því mikilvægur fyrir bæði lið. Það fór svo að Húnvetningar voru sterkara liðið og unnu sanngjarnan 2-0 sigur og komu sér enn á ný upp í efri hluta deildarinnar.Meira -
Uppskriftir að hætti Jóhanns Daða
feykir.is Skagafjörður, Í matinn er þetta helst 15.06.2025 kl. 10.00Jóhann Daði er 24 ára Skagfirskur viðburðastjóri, fæddur og uppalinn á Sauðárkróki. Foreldrar hans eru Gísli Sigurðsson og Lydía Ósk Jónasdóttir. Jóhann býr fyrir sunnan, nánar tiltekið í Kópavogi, og vinnur sem sölumaður hjá Sýn. Jóhann spilar knattspyrnu með Tindastól og er trommuleikari í þeirri víðfrægu hljómsveit Danssveit Dósa.Meira -
Níu marka veisla á Sauðárkróksvelli
feykir.is Skagafjörður, Íþróttir, Lokað efni 14.06.2025 kl. 21.17Það var leikið í 3. deildinni í knattspyrnu á Króknum í dag en þá tóku Stólarnir á móti liði Árbæjar í áttundu umferð. Liðin voru bæði um miðja deild en gestirnir þó ofan við miðlínuna en Stólarnir neðan hennar. Eftir nokkurt ströggl síðasta mánuðinn þá sýndu heimamenn sparihliðarnar og rúlluðu gestunum upp eins og gómsætri vöfflu með rjóma og rabarbarasultu. Lokatölur 7-2 og allt í gúddi.Meira
