Stefnir að miðju Íslands – Hestamaðurinn Sigfús Ingi Sigfússon
Líklegt má telja að hestafólk hafi fagnað kærkomnum tilslökunum frá Covit takmörkunum í sumar, lagt á sína traustu gæðinga og lagt landið undir hóf. Það gerði a.m.k. sveitarstjóri Sveitarfélagsins Skagafjarðar, Sigfús Ingi Sigfússon, í júlí síðastliðnum og ferðaðist, ekki bara innan lands heldur innan héraðs, á fjórfættum hófaljónum. Feykir hafði samband við Sigfús sem sagði varla hægt að kalla sig hestamann en hann hefur þó gaman af að leggja á bak góðum hestum og svarar hér spurningum í Hestamanninum á Feyki.
Sigfús Ingi býr í Stóru-Gröf syðri á Langholti í Skagafirði, kvæntur Laufeyju Leifsdóttur og eiga þau þrjú börn, Leif Benedikt, Steinar Óla og Sigurbjörgu Ingu. Hann er sonur Sigfúsar Helgasonar og Guðrúnar Gunnsteinsdóttur sem bjuggu lengst af í Stóru-Gröf en búa nú á Sauðárkróki.
Hve mörg hross átt þú eða fjölskylda þín? -Það er svolítið breytilegt frá einum tíma til annars en við erum að reyna að takmarka okkur við u.þ.b. 20 stykki.
Hver er fyrsta minningin tengd hestum? -Ætli það séu ekki reiðtúrar á þeim Skjóna og Bleik sem voru barnahestar æsku minnar. Ekki beint viljahross en afar hentugir fyrir börn.
Er eitthvert hestanafn sem þú manst eftir sem talið getur óvenjulegt eða skrítið? -Þau eru auðvitað nokkur sem maður hefur rekið augun í. Það er ágætur nafnabanki í WorldFeng sem ég fletti iðulega í gegnum þegar ég er að velja nöfn á mín folöld. Þar eru sérkennileg nöfn eins og Afsökun, Skömm, Asni, Skelfing o.fl. sem ég vona að séu ekki of lýsandi fyrir viðkomandi hross.
Hver er uppáhaldshesturinn þinn og af hverju? -Ja, það er nú það. Við eigum nokkra alveg ágæta hesta en þau hross sem mér líkar best við eru ganggóð viljahross sem nýtast vel í bæði reiðtúra og smalamennsku. Svo höfum við fengið spennandi hesta úr tamningu núna í sumar sem lofa góðu.
Hvað var það skemmtilegasta sem þú gerðir í sumar, tengt hestum? -Það er líklega hestaferð sem við fórum í með ágætum vinum okkar en sú ferð var um Skagafjörðinn að þessu sinni. Félagsskapurinn var góður, umhverfið fallegt, hrossin fín og veðrið gott, þannig að maður gat ekki beðið um mikið betra.
Áttu einhverja sögu tengda hesti sem fallinn er frá? -Ekki neina merkilega sögu en því miður þurfti að fella minn fyrsta hest þegar ég var krakki sem var auðvitað hábölvað á þeim tíma.
Hvað ertu að gera þessa dagana, eða á næstunni, tengt hestum? -Það er á döfinni að ríða upp að landfræðilegri miðju Íslands en sú miðja er að sjálfsögðu í Sveitarfélaginu Skagafirði, norðaustan undir Hofsjökli.
Áður birst í 30. tbl. Feykis 2020
Fleiri fréttir
-
Valið vekur furðu vestan Þverárfjalls
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 11.20Heimasíða RÚV flytur fréttir en þar mátti í morgun sjá athyglisverða og skemmtilega úttekt á fótboltavöllum landsins. Þar eru nefndir til sögunnar fótboltavellirnir á Sauðárkróki og á Hofsósi þó svo að þeir ágætu vellir hafi ekki komist í hóp tíu flottustu valla landsins. Blönduósvöllur og Sjávarborgarvöllur á Hvammstanga voru ekki nefndir á nafn í úttektinni og því leitaði Feykir viðbragða hjá Aðdáendasíðu Kormáks og þar stóð ekki á svörum en umsjónarmaður furðar sig á valinu.Meira -
Atli Þór fullkomnar hóp Kormáks/Hvatar
feykir.is Austur-Húnavatnssýsla, Íþróttir, Vestur-Húnavatnssýsla 26.04.2024 kl. 09.44Síðasti dagur félagaskipta í efri deildum Íslandsmótanna í knattspyrnu var nú á miðvikudaginn. Þá bætti lið Kormáks/Hvatar við sig einum leikmanni því Atli Þór Sindrason var síðasta liðsstyrking hópsins fyrir mót.Meira -
Sæluvikan að bresta á
feykir.is Skagafjörður, Listir og menning 26.04.2024 kl. 08.34„Skipulagning Sæluviku gengur vel og viðburðir eru enn að bætast við,“ segir Heba Guðmundsdóttir sem hefur veg og vanda af skipulagningu Sæluvikunnar líkt og undanfarin ár og má því mögulega kalla verkefnastjóra Sæluvikunnar. „Það verða flestir fastir liðir á sínum stað á Sæluviku og mér finnst alltaf vera metnaður og spenna fyrir því að vera með hjá þeim sem skapað hafa þá hefð að standa fyrir viðburði á Sæluviku.“Meira -
Vinnustofa um gerð loftlagsstefnu sveitarfélaga
feykir.is Austur-Húnavatnssýsla, Vestur-Húnavatnssýsla 26.04.2024 kl. 08.32SSNV stóð fyrir vinnustofu í félagsheimilinu á Hvammstanga nú í vikunni um gerð loftlagsstefnu sveitarfélaga í samtarfi við KPMG. Vinnustofan var sérstaklega fyrir Húnavatnssýslur. Góð þátttaka var á vinnustofunni og áhugaverðar umræður sköpuðust.Meira -
Áfram Hvöt er nýtt stuðningsmannalag þeirra hvítu og rauðu
feykir.is Austur-Húnavatnssýsla, Listir og menning 26.04.2024 kl. 07.47„Ungmennafélaginu Hvöt hefur lengi vantað gott stuðningsmannalag en þónokkur ár eru síðan Ekki vera löt, allir í Hvöt kom út. Þegar ég hafði samband við Einar Örn og Baldur síðsumars 2023 stóð ekki á svörum. Úr varð þessi frábæri hittari sem mun án efa fá góðar viðtökur hjá félagsmönnum Hvatar, íbúum Húnabyggðar og bara öllum öðrum. Áfram Hvöt!” segir Grímur Rúnar Lárusson, formaður Ungmennafélagsins Hvatar, í færslu á Facebook-síðu Umf. Hvatar þar sem nýtt stuðningsmannalag, Áfram Hvöt, er kynnt til sögunnar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.