Fréttir

Það var fjör í Árskóla á Sauðárkróki á dögunum og örugglega einhverjir á Króknum rekið augun í danska fánann sem var flaggað við skólann og kannski klórað sér í kollinum af því tilefni. „Við fengum gesti frá Højelse skole, sem er vinaskóli Árskóla. Það komu 25 nemendur og fjórir kennarar,“ sagði Elenóra Jónsdóttir verkefnastjóri í Árskóla þegar Feykir forvitnaðist um samskipti milli 10. bekkjar Árskóla og skólans í Köge í Danmörku.

Nú ætlar Feykir að mæla með nokkrum gerðum af sósum. Fyrsta sósan er frá Lindu Ben sem hefur farið eins og eldur um sinu síðustu daga á netinu og er í grunninn jógúrtsósa sem hentar með öllu, grillkjöti, kjúkling, fiski, lambakjöti, grænmeti eða nýbökuðu brauði.

Seinni partinn í gær var haldið hóf í Landsbankanum við Suðurgötuna á Króknum og við það tækifæi var tilkynnt um útibússtjóraskipti. Birgir R Rafnsson hefur nú látið af störfum eftir 16 ár í Landsbankanum og 42 ár í bankastörfum og Helgi Freyr Margeirsson sem starfað hefur í útibúinu á Sauðárkróki í rúm 17 ár sem viðskiptastjóri fyrirtækja er tekinn við af honum sem útibússtjóri. Feykir lagði örfáar spurningar fyrir Helga.

„Að svindla er að brjóta reglur eða blekkja aðra til að fá forskot, ávinning eða niðurstöðu sem maður ætti annars ekki rétt á. Dæmi er að nota óleyfileg hjálpargögn í prófi eða breyta stigum í leik. Það sem ræður mestu er hvaða reglur eða samkomulag gilda í aðstæðunum og hvort maður fari á bak við aðra,“ segir súpergreindin.

Þingmenn Norðvesturkjördæmis hafa verið á ferð um svæðið að undanförnu og fundað víða með heimamönnum og þar á meðal var fundað með sveitarstjórn Sveitarfélagsins Skagastrandar miðvikudaginn 30. september sl. Fundurinn fór fram í aðstöðu Atwork á Skagaströnd.

Út um gluggann á skrifstofu Feykis geta blaðamenn fylgst með byggingaframkæmdum alla daga. Risin er myndarleg hvít skemma sem sem er frystigeymsla fyrir rækjuvinnsluna Dögun. Nokkrum metrum sunnar er langt kominn grunnur að viðbyggingu við vélaverkstæði KS.

Tónlistarmaðurinn með rokkröddina, Stebbi JAK, er á ferðinni um landið í október og heldur tónleika í Krúttinu á Blönduósi í kvöld, föstudaginn 2. október klukkan 20:30, en í gær var hann í Hlöðunni á Hvammstanga. Á efnisskránni verður fjölbreytt blanda af lögum af nýútkominni plötu hans, Líttu í kringum þig, ásamt vel völdum lögum frá ferlinum.

Guðni Bent Helgason skrifaði sig í sögubækurnar þegar hann varð yngsti markaskorari í Meistaraflokki í sögu Tindastóls. Guðni kom inn á í hálfleik gegn Víði í lokaleik tímabilsins og lét heldur betur til sín taka og skoraði ekki eitt, heldur TVÖ mörk, aðeins 14 ára og 218 daga gamall.

Árið 1990 gaf þýska rokkhljómsveitin Scorpions út lagið „Wind of change” sem átti eftir að verða þeirra langmest selda lag en samkvæmt listum um tónlistarsölu seldist lagið í kringum 14 milljón eintökum og selst enn. Það er allt gott um það að segja, lagið er fallegt en líklega er það textinn sem gerði lagið svona vinsælt en hann fjallaði um þá frelsisvinda sem þá léku um austur Evrópu.

Nú nýlega var greint frá því að Startup Landið, sem er nýsköpunarhraðall fyrir frumkvöðla á landsbyggðinni, hafi valið 14 fjölbreytt nýsköpunarverkefni af öllu landinu til þátttöku í viðskiptahraðlinum Startup Landið. Hraðallinn er sérstaklega hannaður til að efla atvinnulíf, verðmætasköpun og nýsköpun á landsbyggðinni.