Sterkur sigur á ÍR í Breiðholtinu
Tindastóll bar í kvöld sigurorð af ÍR-ingum í Hertz-hellinum í Seljaskóla í fimmtu umferð Dominos-deildarinnar. Stólarnir náðu smá forskoti í öðrum leikhluta og bættu við í þeim þriðja. Heimamenn söxuðu á forskotið á lokamínútunum en náðu ekki að ógna forystu Stólanna að ráði. Lokatölur 86-92.
Heimamenn í ÍR byrjuðu leikinn betur ok komust í 9-4 eftir 96 sekúndur. Stólarnir þéttu vörnina og leikurinn jafnaðist. Staðan 19-19 að loknum fyrsta leikhluta eftir að Flake kastaði niður þristi. Þriggja stiga körfur frá Helga Margeirs og Dempsey bjuggu til forskot fyrir gestina sem voru yfir 28-37 um miðjan leikhlutann en í hálfleik var staðan 38-46.
Baráttan hélt áfram í upphafi þriðja leikhluta. ÍR-ingar brutu óíþróttamannslega á Finnboga á 23. mínútu og hann notaði mínútuna vel, setti vítaskotin niður af öryggi og setti síðan þrist og jók muninn í 13 stig, 45-58. Pétur var sjóðheitur utan 3ja stiga línunnar í þriðja leikhluta og setti niður þrjá þrista. Þegar fjórði leikhluti hófst var staðan 60-73 og heimamenn komnir upp að vegg. Tindastólsmenn héldu ÍR-ingum í mátulegri fjarlægð, munurinn yfirleitt 10-12 stig þangað til tvær mínútur voru eftir að þeir fóru að nálgast Stólana betur. Staðan varð 80-87 en Darrel Lewis var að vanda góður á lokakaflanum og setti niður mikilvæg stig. Sveinbjörn Claessen minnkaði muninn í 85-89 þegar hálf mínúta var eftir en Lewis kláraði leikinn af vítalínunni.
Lið Tindastóls var jafnt í leiknum. Helgi Viggós átti góðan leik, gerði 14 stig, tók 9 fráköst, átti 4 stoðsendingar og stal 3 boltum. Lewis var stigahæstur með 18 stig og 8 fráköst. Þá átti Viðar góða innkomu, gerði 7 stig og tók 7 fráköst. Dempsey nýtti sínar fáu mínútur vel, hann lék í rúmar 17 mínútur, gerði 14 stig, tók 7 fráköst og fékk 5 villur. Þriggja stiga nýting Stólanna var fín eða 41% (9/22) en vítanýtingin er enn slæm, 62% á meðan hittni ÍR var 81%. Tindastóll frákastaði mun meira en heimamenn, hirtu 46 fráköst en ÍR-ingar 35 og munar um minna.
Stig Tindastóls: Lewis 18, Helgi Viggós 14, Dempsey 14, Pétur 14, Helgi Margeirs 8, Viðar 7, Ingvi 5, Finnbogi 5, Flake 5 og Svavar 2.
Fleiri fréttir
-
Sannfærð um að búvörulögin séu til góðs fyrir bændur, neytendur og fyrirtækin
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.05.2025 kl. 22.34Dómur Hæastaréttar Íslands í máli Inness gegn Samkeppnisstofnunu varðandi lögmæti búvörulaganna umdeildu hefur verið mikið í umræðunni í vikunni og sitt sýnist hverjum. Forstjóri Samkeppnisstofnunar hefur gengið hvað harðast fram í gagnrýni á lögin og sakað þá sem töluðu fyrir búvörulögunum um lygar. Til stendur að breyta lögunum eða fella þau niður en dómur Hæstaréttar verður varla til að einfalda það. Feykir hafði samband við Margréti Gísladóttur frá Glaumbæ sem jafnframt er framkvæmdastjóri Samtaka fyrirtækja í landbúnaði og lagði fyrir hana nokkrar spurningar.Meira -
Murr með sigurmark Fram í uppbótartíma
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 23.05.2025 kl. 20.15Þetta hefur verið erfið vika fyrir stuðningsfólk Tindastóls. Tveir tapleikir í röð gegn Stjörnunni í körfunni og í kvöld máttu Stólastúlkur þola enn eitt tapið. Og ekki eru lokamínúturnar að standa með okkur því það lið Fram gerði eina mark leiksins örfáum sekúndum fyrir leikslok og til að bæta gráu ofan á svart var það sjálf Murr sem setti boltann í markið þegar allt leit út fyrir jafntefli. Lokatölur 1-0.Meira -
Besta rekstrarniðurstaða Skagafjarðar frá sameiningu 1998
feykir.is Skagafjörður, Lokað efni 23.05.2025 kl. 14.55Ársreikningur sveitarfélagsins Skagafjarðar fyrir árið 2024 var samþykktur samhljóða við síðari umræðu í sveitarstjórn miðvikudaginn 14. maí sl. Feykir innti Sigfús Inga Sigfússon sveitarstjóra hverjar væru helstu niðurstöður ársreiknings 2024 og sagði hann rekstrarniðurstöðuna vera þá bestu í sögu sameinaðs sveitarfélags í Skagafirði, frá árinu 1998.Meira -
Afmælistónleikar í Miðgarði 23. maí
feykir.is Skagafjörður, Listir og menning, Lokað efni 23.05.2025 kl. 14.21Í tilefni af 60 ára afmæli tónlistarkennslu á Sauðárkróki verða haldnir tónleikar í Menningarhúsinu Miðgarði, laugardaginn 23. maí og hefjast þeir kl. 16:00, þar sem nemendur koma fram.Meira -
Munum að ganga vel um hoppubelginn
feykir.is Skagafjörður, Mannlíf, Lokað efni 23.05.2025 kl. 14.18Borið hefur á slæmri umgengni við hoppubelginn á tjaldsvæðinu á Sauðárkróki en frá þessu segir á heimasíðu Skagafjarðar.„ Viljum við því biðla til foreldra að brýna fyrir börnum sínum að ganga vel um eignir okkar allra svo ekki þurfi að fara í frekari aðgerðir og loka hoppubelgnum.“Meira
