Stólarnir fengu slæma útreið á Akureyrarvelli
Tindastólsmenn heimsóttu Akureyri í gær en þar var leikið við lið KA við ágætar aðstæður. Bæði liðin voru fyrir leikinn nokkuð örugg með sæti sín í 1. deild en KA menn voru engu að síður tveimur sætum fyrir neðan Stólana. Þegar upp var staðið höfðu lærisveinar Bjarna Jó í KA unnið sanngjarnan, en þó helst til of stóran, 5-1 sigur.
Jafnræði var með liðunum til að byrja með og vildu Tindastólsmenn fá víti snemma leiks þegar brotið var á Bödda. KA menn komust yfir á 18. mínútu þegar Gunnar Valur Gunnarsson skoraði ágætt mark. KA bætti um betur átta mínútum síðar þegar Gunnar Örvar Stefánsson klobbaði Furness í markinu eftir að hafa fengið laglega stungusendingu inn fyrir vörn Stólanna. Staðan 2-0 í hálfleik.
Heimamenn létu kné fylgja kviði í upphafi síðari hálfleik og gerðu vonir Tindastólsmanna um endurkomu að engu. Á 48. mínútu skoraði Ævar Ingi Jóhannesson eftir mistök í vörn Tindastóls og hann bætti öðru marki við fjórum mínútum síðar með góðu skoti eftir baráttu á vítateig Tindastóls. Fimmta mark KA gerði síðan Brian Gilmour úr aukaspyrnu á 58. mínútu, þrumuskot í markvinkilinn. Þegar þarna var komið sögu höfðu KA menn átt fimm skot á mark og skorað úr þeim öllum. Eftir þetta róaðist leikurinn nokkuð en það voru þó Stólarnir sem áttu síðasta orðið en Jordan Branco gerði gott mark eftir að hafa rennt sér framhjá nokkrum KA mönnum.
Það var að sjálfsögðu skarð fyrir skildi að lið Tindastóls er nú án þeirra tveggja miðjumanna sem hafa verið hvað mest áberandi í spili liðsins í sumar, þeirra Atla Arnarsonar og Rodrigo Morin, og þarf Donni þjálfari að púsla saman liðinu fyrir næsta leik sem verður laugardaginn 7. september en þá mætir Óli Þórðar með Víkingana sína á Krókinn.
Lið Tindastóls fór með tapinu í gær úr sjöunda sæti í það níunda og er með 25 stig. Lið Þróttar gerði sér lítið fyrir á sama tíma og sigraði Fjölni og er sem stendur með 20 stig en KF er með 15 stig en á einn leik inni, eiga að mæta Völsungi á Ólafsfirði í kvöld. Völsungur er enn með 2 stig og að sjálfsögðu löngu fallinn.
Fleiri fréttir
-
Þjóðhátíðardagsskráin á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 14.06.2025 kl. 14.00Þjóðhátíðin 17 júní er á næsta leyti og af því tilefni ætlar Feykir að taka saman það helsta sem í boði verður á Norðvesturlandi.Meira -
„Ég er sveitavargur og hefur alltaf liðið vel að koma í Skagafjörðinn“
feykir.is Skagafjörður, Íþróttir, Lokað efni 14.06.2025 kl. 13.47Blaðamaður Feykis hitti nýjan þjálfara meistaraflokks Tindastóls föstudaginn 7. júní þegar hann skrifaði undir tveggja ára samning. Blaðamaður settist niður með Arnari og spjallaði aðeins við kauða og tók stöðuna. Fyrst var kannski að fá að vita hver Arnar Guðjónsson er en hann er sveitastrákur úr Borgarfirði, sonur tveggja íþróttakennara, sem hefur alla tíð haft ótrúlega gaman af íþróttum og fólki og lá þá kannski beinast við að fara í þjálfun.Meira -
Grænmetis lasagna og tómatasalat | Matgæðingur Feykis
feykir.is Skagafjörður, Í matinn er þetta helst, Lokað efni 14.06.2025 kl. 10.00Matgæðingur vikunnar í tbl 6 var að þessu sinni Guðbjörg Gunnarsdóttir en hún er gift Sigurjóni Sæland. Guðbjörg er fædd og uppalin á Króknum en flutti í Reykholt í Bláskógarbyggð 1998. Guðbjörg og Sigurjón eiga þrjú börn og fjögur barnabörn. Guðbjörg starfar sem deildarstjóri á leikskólanum Álfaborg og hefur unnið þar í 15 ár.Meira -
Vinnsluholan að Reykjum var vígð í dag
feykir.is Austur-Húnavatnssýsla, Lokað efni 13.06.2025 kl. 20.02Ný vinnsluhola, RR-38, var formlega vígð í dag, föstudaginn 13. júní, að Reykjum í Húnabyggð. Þar með lýkur umfangsmiklu verkefni sem hófst árið 2021 með það markmið að auka afkastagetu hitaveitunnar og tryggja nægjanlegt framboð á heitu vatni fyrir ört vaxandi eftirspurn á svæðinu.Meira -
Selma Barðdal er nýr skólameistari FNV
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 13.06.2025 kl. 17.06Líkt og Feykir hefur greint frá þá ákvað Ingileif Oddsdóttir skólameistari Fjölbrautaskóla Norðurlands vestra að láta af störfum að loknu skólaári. Nú hefur Guðmundur Ingi Kristinsson, mennta- og barnamálaráðherra, skipað nýjan skólameistara og það er Selma Barðdal Reynisdóttir sem hefur verið sett í embætti skólameistara FNV til fimm ára frá 1. ágúst næstkomandi.Meira
