Stólarnir voru jafnvel verri en veðrið!
Tindastóll fékk lið Hauka úr Hafnarfirði í heimsókn á Sauðárkróksvöll í kvöld. Völlurinn var fínn en veðrið frekar hryssingslegt; norðan-kuldaboli. Stólarnir voru nálægt því að næla í stig í síðasta leik og gerðu stuðningsmenn sér vonir um að hægt væri að næla í stig í kvöld. Því fór fjarri því gestirnir úr Hafnarfirði unnu 5-0.
Haukarnir léku undan þéttum vindi í fyrri hálfleik en Tindastólsmenn voru þéttir fyrir og börðust vel. Haukarnir pressuðu með vindinn í bakið en gekk illa að hemja boltann þegar þeir reyndu að stinga inn fyrir vörn Stólanna. Það var nokkur heppnisstimpill yfir fyrsta marki leiksins en þá datt boltinn vel fyrir gestina sem komust á auðan sjó og skoraði Krickic af miklu öryggi. Eftir þetta komust Stólarnir betur inn í leikinn og reyndu að spila boltanum og gekk ágætlega. Það kom þó ekki á óvart þegar Haukar bættu öðru marki sínu við á 38. mínútu. Staðan í hálfleik 0-2.
Það mátti reikna með því að Stólarnir kæmu dýrvitlausir til leiks í síðari hálfleik og pressuðu gestina. En það var rétt í blábyrjun því leikmenn virtust ekki hafa mikla hugmynd um hvernig best væri að brjóta niður vörn gestanna. Það var hins vegar nokkuð ljóst að endalausar fjörtíu metra sendingar kæmu ekki að gagni – það var enginn að fara ná þeim í þessum vindi. Fljjótlega náðu Haukar yfirhöndinni og síðustu 30 mínútur leiksins gerðu þeir þrjú mörk en hefðu sennilega alveg eins getað gert tíu. Varnarleikur Tindastóls var vandræðalegur og sóknarleikurinn sömuleiðis. José Figura fékk eina góða færi Stólanna í leiknum þegar skammt var eftir en brást bogalistin.
Þetta var ansi kaflaskipt frammistaða í kvöld. Fyrri hálfleikur ágætur en síðari hálfleikurinn hrein hörmung. Það var helst að Blönduósingarnir Kristinn og Benni stæðu upp úr og svo kom Hólmar Skúlason inn á þegar stundarfjórðungur var eftir og gladdi stuðningsmenn með góðri baráttu.
Fleiri fréttir
-
Axel Íslandsmeistari í pílu í U18 flokki stráka
feykir.is Skagafjörður, Íþróttir, Lokað efni 24.05.2025 kl. 18.08Það fór þó aldrei svo að Axel Arnarsson yrði ekki Íslandsmeistari í vikunni. Í dag varð hann fyrsti Íslandsmeistari Pílukastfélags Skagafjarðar þegar hann sigraði í U18 flokki stráka en fyrr í vikunni munaði mjóu að hann yrði Íslandsmeistari í körfuknattleik með meistaraflokki Tindastóls.Um var að ræða Íslandsmót ungmenna í pílu sem fram fór á Bullseye í Reykjavík.Meira -
Fann þegar hún var skiptinemi á Ítalíu hvað tónlist getur verið mikll félagi / VIGDÍS HAFLIÐA
feykir.is Vestur-Húnavatnssýsla, Tón-Lystin, Lokað efni 24.05.2025 kl. 17.27Það fer ekkert alltaf allt eins og planað er þrátt fyrir góðan vilja. Þannig til dæmis ætlaði snillingurinn sem hún Vigdís Hafliðadóttir er að svara Tón-lystinni og nokkrum spurningum um ferminguna í tíma fyrir útgáfu Fermingar-Feykis. En svo togar lífið í nokkra spotta og tíminn flýgur út i tómið. Vigdís var engu að síður harðákveðin í því að bregðast Feyki ekki og eftir þétta vinnutörn stökk hún í að klára að svara.Meira -
Heimavöllur Húnvetninga heldur áfram að gefa
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 24.05.2025 kl. 17.15Lið Kormáks/Hvatar og Kára frá Akranesi mættust í fjórðu umferð 2. deildar karla í knattspyrnu á Blönduósi í dag. Liðin höfðu mæst fjórum sinnum áður og jafnan verið hart barist og alls kyns óvænt atvik litað leiki liðanna. Eitt mark dugði þó til að fá fram hagstæð úrslit fyrir Húnvetninga og 1-0 sigur staðreynd.Meira -
Heimavöllur Húnvetninga heldur áfram að gefa
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 24.05.2025 kl. 17.15Lið Kormáks/Hvatar og Kára frá Akranesi mættust í fjórðu umferð 2. deildar karla í knattspyrnu á Blönduósi í dag. Liðin höfðu mæst fjórum sinnum áður og jafnan verið hart barist og alls kyns óvænt atvik litað leiki liðanna. Eitt mark dugði þó til að fá fram hagstæð úrslit fyrir Húnvetninga og 1-0 sigur staðreynd.Meira -
Sannfærð um að búvörulögin séu til góðs fyrir bændur, neytendur og fyrirtækin
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.05.2025 kl. 22.34Dómur Hæastaréttar Íslands í máli Inness gegn Samkeppnisstofnunu varðandi lögmæti búvörulaganna umdeildu hefur verið mikið í umræðunni í vikunni og sitt sýnist hverjum. Forstjóri Samkeppnisstofnunar hefur gengið hvað harðast fram í gagnrýni á lögin og sakað þá sem töluðu fyrir búvörulögunum um lygar. Til stendur að breyta lögunum eða fella þau niður en dómur Hæstaréttar verður varla til að einfalda það. Feykir hafði samband við Margréti Gísladóttur frá Glaumbæ sem jafnframt er framkvæmdastjóri Samtaka fyrirtækja í landbúnaði og lagði fyrir hana nokkrar spurningar.Meira
