Stolið frá sýslumanni
Sunnudaginn 23.febrúar er komið að næsta erindi í fyrirlestraröð Byggðasafns Húnvetninga og Strandamanna. Erindið flytur Vilhelm Vilhelmsson sagnfræðingur í Safnaðarheimili Hvammstangakirkju og hefst það kl. 14.
Á jólaföstunni árið 1835 varð uppi fótur og fit á heimili Björns Blöndals sýslumanns Húnvetninga í Hvammi í Vatnsdal þegar upp komst um margvíslegan þjófnað vinnufólksins á bænum. Málaferlin í kjölfarið veita merkilega innsýn í líf og kjör almennings í Húnaþingi á öndverðri 19. öld. Í erindinu verður greint frá þessu máli og þeim manneskjum sem þar komu við sögu eins og það birtist í dómsskjölum og öðrum samtímaheimildum. Um leið verður reynt að varpa ljósi á daglegt líf þeirra, stöðu vinnuhjúa í íslensku samfélagi og þær leiðir sem þau gátu nýtt sér til þess að andæfa valdi yfirboðara sinna og reyna að lifa með reisn þrátt fyrir fátækt sína og undirsetta stöðu í þjóðfélaginu.
Vilhelm Vilhelmsson er fæddur og uppalinn á Hvammstanga. Hann stundar nú doktorsnám í sagnfræði við Háskóla Íslands og fjallar rannsókn hans um vald og andóf í íslensku samfélagi á 19. öld.
Aðgangur er ókeypis á fyrirlesturinn og allir velkomnir meðan húsrúm leyfir. Hægt verður að kaupa kaffi og kleinur á staðnum og Ritið, tímarit Hugvísindastofnunnar Háskóla Íslands en í því er nýleg grein eftir Vilhelm. Einnig verður hægt að kaupa tímaritið Sögu með grein um Natansmálið. Vert er að geta þess að fyrirlestrar Byggðasafnsins hafa verið feykilega vel sóttir og eru þeir augljóslega kærkomin viðbót við menningarlífið á Norðurlandi vestra.
Fleiri fréttir
-
Flest í þokkalegri rútínu
feykir.is Skagafjörður, Lokað efni, Hvað segja bændur? 07.06.2025 kl. 16.49Bessi Freyr Vésteinsson í Hofsstaðaseli, nánar tiltekið í Viðvíkursveit í Skagafirði, býr þar ásamt konu sinni Sólrúnu Ingvadóttur. „Einnig búa hér sonur okkar Ingvi Þór Bessason og kona hans Fanndís Viðarsdóttir ásamt sonum þeirra Braga Frey sex ára, Bjarka Viðari fjögurra ára og Birki Þór tveggja ára.“ Öll vinna þau við reksturinn auk 4-6 starfsmanna, en það fer aðeins eftir árstíma. Feykir heyrði í Bessa til að taka stöðuna í sveitinni en viðtalið var birt í fréttablaðinu Feyki í byrjun febrúar á þessu ári.Meira -
Stólastúlkur náðu í stig gegn liði Vals í fyrsta sinn
feykir.is Skagafjörður, Íþróttir, Lokað efni 07.06.2025 kl. 15.18Í gær mættust lið Tindastóls og Vals í Bestu deild kvenna og var spilað við ágætar aðstæður á Króknum. Úr varð hörkuleikur og fór svo að lokum að liðin deildu stigunum en lokatölur voru 2-2. Þetta var í fyrsta skipti sem Stólastúlkur ná í stig gegn liði Vals og máttu eiginlega vera svekktar með að þau urðu ekki fleiri.Meira -
Taiwo beit á Krókinn á ný
feykir.is Skagafjörður, Íþróttir, Lokað efni 07.06.2025 kl. 14.08Það stefnir í alvöru hvítasunnuhelgi hjá stuðningsmönnum Tindastóls í körfunni. Í gær var Arnar Guðjónsson kynntur til sögunnar sem næsti þjálfari meistaraflokks karla og í morgun laumaði körfuknattleiksdeild Tindastóls út í kosmósið myndbandi þar sem Taiwo okkar Badmus tilkynnir endurkomu sína á Krókinn.Meira -
„Ungt fólk sjálfstæðara og ákveðnara en áður“
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 07.06.2025 kl. 13.17Eins og fram hefur komið þá láta nú af störfum þrír máttarstólpar Fjölbrautaskóla Norðurlands vestra og þar með talinn skólameistarinn sjálfur. Ingileif Oddsdóttir tók við starfi skólameistara af Jóni F. Hjartarsyni árið 2011 en þau tvö eru ein um að hafa gegnt þessari stöðu í 46 ára sögu skólans sem er auðvitað magnað í sjálfu sér. Feykir lagði nokkrar spurningar fyrir Ingileif.Meira -
Þrír hressir hundar á heimili Gunndísar | Ég og gæludýrið mitt
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni, Ég og gæludýrið mitt 07.06.2025 kl. 13.03Í þessum gæludýraþætti ætlum við að fara yfir á Skagaströnd en þar býr Gunndís Katla Þrastardóttir og fjölskyldan hennar. Gunndís er á þrettánda ári og er dóttir Vigdísar Elvu Þorgeirsdóttur, kennara í Höfðaskóla, og Þrastar Árnasonar, sjómanns á Drangey SK-2. Hún á einnig eina systur og tvo bræður. Það má svo ekki gleyma öllum loðdýrunum á heimilinu en þau eiga þrjá hunda, Óm, Dreka og Brúnó. Feyki langaði að forvitnast aðeins um gæludýrin hennar Gunndísar og sendi henni nokkrar spurningar.Meira
