Svanni lánatryggingasjóður kvenna auglýsir eftir umsóknum
Svanni lánatryggingasjóður kvenna auglýsir eftir umsóknum fyrir haustið 2014 en umsóknarfrestur er til og með 9. október. Verkefnið er liður í viðleitni stjórnvalda til að efla atvinnulíf og hvetja til nýsköpunar á Íslandi. Ennfremur hafa rannsóknir sýnt að konur eru síður tilbúnar að veðsetja eignir sínar en karlar og hefur það oft staðið verkefnum kvenna fyrir þrifum.
„Vakin er athygli á því að þetta er síðasta úthlutun sjóðsins, en verkefninu lýkur um áramótin, ef eigendur ákveða að framlengja ekki verkefnið en nú stendur yfir endurskoðun á starfsemi sjóðsins,“ segir á vef sjóðsins.
Hægt er að sækja um lánatryggingar vegna lána hjá Landsbankanum, allt frá kl.1.000.000 til 10.000.000. Hægt er að sækja um lán vegna stofnkostnaðar, markaðssetningar, vöruþróunar og vegna nýrra leiða í framleiðslu.
Skila þarf inn umsókn á rafrænan máta, og henni þarf að fylgja viðskiptaáætlun ásamt fjármögnunar- og endurgreiðsluáætlun. Mikilvægt er að umsókn sé vel útfyllt og allar upplýsingar séu greinargóðar og skýrar.
Allar nánari upplýsingar veitir starfsmaður í síma 515-4860 eða í netfangið svanni@svanni.is.
Fleiri fréttir
-
Sannfærð um að búvörulögin séu til góðs fyrir bændur, neytendur og fyrirtækin
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.05.2025 kl. 22.34Dómur Hæastaréttar Íslands í máli Inness gegn Samkeppnisstofnunu varðandi lögmæti búvörulaganna umdeildu hefur verið mikið í umræðunni í vikunni og sitt sýnist hverjum. Forstjóri Samkeppnisstofnunar hefur gengið hvað harðast fram í gagnrýni á lögin og sakað þá sem töluðu fyrir búvörulögunum um lygar. Til stendur að breyta lögunum eða fella þau niður en dómur Hæstaréttar verður varla til að einfalda það. Feykir hafði samband við Margréti Gísladóttur frá Glaumbæ sem jafnframt er framkvæmdastjóri Samtaka fyrirtækja í landbúnaði og lagði fyrir hana nokkrar spurningar.Meira -
Murr með sigurmark Fram í uppbótartíma
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 23.05.2025 kl. 20.15Þetta hefur verið erfið vika fyrir stuðningsfólk Tindastóls. Tveir tapleikir í röð gegn Stjörnunni í körfunni og í kvöld máttu Stólastúlkur þola enn eitt tapið. Og ekki eru lokamínúturnar að standa með okkur því það lið Fram gerði eina mark leiksins örfáum sekúndum fyrir leikslok og til að bæta gráu ofan á svart var það sjálf Murr sem setti boltann í markið þegar allt leit út fyrir jafntefli. Lokatölur 1-0.Meira -
Besta rekstrarniðurstaða Skagafjarðar frá sameiningu 1998
feykir.is Skagafjörður, Lokað efni 23.05.2025 kl. 14.55Ársreikningur sveitarfélagsins Skagafjarðar fyrir árið 2024 var samþykktur samhljóða við síðari umræðu í sveitarstjórn miðvikudaginn 14. maí sl. Feykir innti Sigfús Inga Sigfússon sveitarstjóra hverjar væru helstu niðurstöður ársreiknings 2024 og sagði hann rekstrarniðurstöðuna vera þá bestu í sögu sameinaðs sveitarfélags í Skagafirði, frá árinu 1998.Meira -
Afmælistónleikar í Miðgarði 23. maí
feykir.is Skagafjörður, Listir og menning, Lokað efni 23.05.2025 kl. 14.21Í tilefni af 60 ára afmæli tónlistarkennslu á Sauðárkróki verða haldnir tónleikar í Menningarhúsinu Miðgarði, laugardaginn 23. maí og hefjast þeir kl. 16:00, þar sem nemendur koma fram.Meira -
Munum að ganga vel um hoppubelginn
feykir.is Skagafjörður, Mannlíf, Lokað efni 23.05.2025 kl. 14.18Borið hefur á slæmri umgengni við hoppubelginn á tjaldsvæðinu á Sauðárkróki en frá þessu segir á heimasíðu Skagafjarðar.„ Viljum við því biðla til foreldra að brýna fyrir börnum sínum að ganga vel um eignir okkar allra svo ekki þurfi að fara í frekari aðgerðir og loka hoppubelgnum.“Meira
