Sveitarfélagið Skagafjörður fær leyfi til að urða riðufé á Skarðsmóum við Sauðárkrók
Í gær var allt fé á Stóru-Ökrum í Blönduhlíð skorið niður vegna riðusmits sem greindist á bænum fyrr í vetur og gekk sú framkvæmd vel eftir plani, að sögn Jóns Kolbeins Jónssonar, héraðsdýralæknis Matvælastofnunar. Allt fullorðið fé auk nokkurra lamba fór í sorpeyðingarstöðina Kölku í Reykjanesbæ en annað sem ekki komst þangað verður urðað á Skarðsmóum við Sauðárkrók.
Á heimasíðu MAST kemur fram að áhrifaríkasta leiðin til að eyða príonum sem valda riðu sé að brenna úrganginn í viðeigandi brennsluofni. Slíkur ofn er til staðar í Kölku Sorpeyðingastöð sf. í Reykjanesbæ en stöðin annar ekki að brenna öllum úrganginum sem um ræðir þar sem einungis er talið að hægt sé að taka á móti 30 tonnum á viku.
Umhverfis- og auðlindaráðuneytið hefur því veitt Sveitarfélaginu Skagafirði tímabundna undanþágu fyrir notkun urðunarstaðar á Skarðsmóum við Sauðárkrók til að taka á móti og urða allt að 100 tonn af sauðfé úr Tröllaskagahólfi. Þar var áður starfræktur urðunarstaður sem hætti starfsemi árið 2014.
Á grundvelli laga um dýrasjúkdóma og varnir gegn þeim hefur atvinnuvega- og nýsköpunarráðuneytið, að undangengnum tillögum Matvælastofnunar, fyrirskipað niðurskurð alls fjár á þeim búum sem riðusmit fannst í eða á um 2.500 gripum. Auk fjárins á Stóru-Ökrum hefur niðurskurður einnig verið framkvæmdur á búunum Hofi í Hjaltadal. Að sögn Jóns Kolbeins liggur ekki fyrir hvenær verður farið í niðurskurð á Grænumýri né Syðri-Hofdölum.
Sigurjón Þórðarson, framkvæmdastjóri Heilbrigðiseftirlits Norðurlands vestra, segir vandann fyrst og fremst til kominn vegna þess að verkferlar skuli ekki vera til hjá stjórnvöldum til að takast á við svona mál þar sem ljóst er að hættan á að smit greinist á stórum búum hafi ávallt verið fyrir hendi. Núna hafi tekist að leysa málið með tímabundinni undanþágu en menn munu standa í sömu sporum næst þegar álíka kemur upp.
„Menn þurfa að horfa til framtíðar,“ segir Sigurjón sem telur jafnvel skynsamlegast að leggja eld að hræjunum á urðunarstaðnum.
Fleiri fréttir
-
Sumardagurinn fyrsti á Hvammstanga
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 14.50Í Húnaþingi vestra hefur sumardagurinn fyrsti verið haldinn hátíðlegur allt frá árinu 1957 og í ár verður engin breyting á því þegar félag eldri borgara í samstarfi við Hestamannafélagið Þyt og hefst með ókeypis sirkussýningu í Þytsheimum klukkan 12:00.Meira -
Sóldísir í Gránu
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 11.32Kvennakórinn Sóldís heldur lokatónleika söngársins í Gránu á Sauðárkróki í kvöld, miðvikudaginn 24.apríl, svo nú er síðasti séns að hlusta á kórinn flytja lög Magnúsar Eiríkssonar.Meira -
Jón Oddur sigraði A-deild á lokamóti Kaffi Króks mótaraðarinnar
feykir.is Skagafjörður, Íþróttir 24.04.2024 kl. 11.00Lokamótið í Kaffi Króks mótaröðinni í pílu þetta vorið fór fram í gærkvöldi. Átján kempur mættu til leiks hjá Pílukastfélagi Skagafjarðar að þessu sinni og var keppt í þremur deildum. Sigurvegari í A deild var Jón Oddur Hjálmtýsson en í B deild var það Brynjar Snær Halldórsson sem sigraði. í C deildinni var það síðan Heiðar Örn Stefánsson sem stóð uppi sem sigurvegari.Meira -
Karlakórinn Lóuþrælar syngja inn vorið
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 10.57Karlakórinn Lóuþrælar syngja inn vorið í Félagsheimilinu á Hvammstanga í kvöld, miðvikudaginn 24. apríl, og hefjast tónleikarnir kl. 20.00.Meira -
Vortónleikar Skagfirska Kammerkórsins
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 09.40Í aðdraganda Sæluviku þegar vorið fer að koma halda kórar gjarnan tónleika og deila með áheyrendum uppskeru vetrarstarfsins. Skagfirski Kammerkórinn er engin undantekning á því. Árlega heldur kórinn tónleika á Sumardaginn fyrsta. Sumar er í sveitum er yfirskrift tónleikannan en kórinn syngur undir stjórn Rannvá Olsen.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.