Tindastóll – Snæfell í kvöld
Í kvöld má vænta þess að hart verði tekist á í Síkinu á Sauðarkróki er Tindastóll mætir Snæfelli í seinni hluta Iceland Express deildarinnar í körfubolta. Tindastóll átti góðan endasprett fyrir jólafrí og sigraði fjóra leiki í röð en kemur nú með breytt lið þar sem Trey Hamton var látinn fara en tveir nýir komnir í staðinn, Curtis Allen og Myles Luttman.
Luttman er breskur miðherji, 210 sm á hæð en kemur frá Bandaríkjunum þar sem hann var í skóla. Miklar vonir eru bundnar við Luttman og verður gaman að sjá hvernig hann fellur inn í leik liðsins en stífar æfingar hafa verið undanfarið til að koma nýjum leikmönnum inn í leikkerfin og er Bárður Eyþórsson þjálfari nokkuð sáttur með liðið í dag og stöðu þess.
-Við fórum eins og er vitað rólega af stað en erum búnir að girða okkur aðeins í brók og tekið nokkra góða sigra, segir Bárður en honum líst vel á leikinn í kvöld. -Snæfell er með hörkulið og sjálfsagt ekki ánægðir með stöðuna hjá sér. Þeir eru vel mannaðir og ætla sér eðlilega að rífa sig upp á nýju ári. Við búumst við hörkuleik og þetta verður án efa spennandi leikur og skemmtilegur.
Bárður segir að það verði að koma í ljós hvort áhorfendur sjái breytingar á liðinu. -Allar breytingar taka tíma og til að mynda eru bæði Curtis og Mylo að spila sína fyrstu heimaleiki en ég vona að við sjáum áframhaldandi breytingar á liðinu á þessu ári. Aðspurður hvort nauðsynlegt sé að vera með þrjá erlenda leikmenn þar sem laggt var upp með tvo í upphafi tímabils segir Bárður:
-Með útlendingsmálin veit ég ekki hvernig lagt var af stað í haust en ég tel að með þessum þremur séum við komnir með meiri breidd og meiri samkeppni innan liðsins sem er alltaf af hinu góða. Svo að lokum vil ég hvetja bæjarbúa til að koma í Síkið í kvöld og hvetja liðið sitt til sigurs. Þeirra þáttur er gríðarlega mikilvægur fyrir leikinn sem og framhaldið.
Fullvíst má telja að Tindastólsliðið fari inn í nýtt ár fullir sjálfstrausts eftir mikinn viðsnúning frá því er keppni hófst í haust.
Tindastóll situr nú í 9. sæti deildarinnar með 8 stig, jafnmörg og Njarðvík sem er í því 8. en Snæfell, andstæðingar kvöldsins, er sæti neðar með 6 stig.
Í 16-liða úrslitum Powerade-bikarsins keppir Tindastóll hér heima gegn Þór Þorlákshöfn sunnudaginn 8. jan kl. 19.15.
Staðan í deildinni:
- 1. Grindavík 8/1 16
- 2. Stjarnan 7/2 14
- 3. Keflavík 6/3 12
- 4. Þór Þorlákshöfn 5/4 10
- 5. ÍR 5/4 10
- 6. Fjölnir 5/4 10
- 7. KR 5/4 10
- 8. Njarðvík 4/5 8
- 9. Tindastóll 4/5 8
- 10. Snæfell 3/6 6
- 11. Haukar 2/7 4
- 12. Valur 0/9 0
Fleiri fréttir
-
Undirbúningur Landsmóts á Hólum í fullum gangi
feykir.is Skagafjörður, Íþróttir, Hestar 28.06.2025 kl. 12.45Landsmót hestamanna verður haldið á Hólum í júlí 2026, sléttum 10 árum eftir að þar fór fram vel heppnað Landsmót. Það er hestamannafélagið Skagfirðingur sem heldur mótið, en í góðu samstarfi við Háskólann á Hólum, Sveitarfélagið Skagafjörð og Landssamband hestamannafélaga. Undirbúningur fyrir mótið er þegar hafinn enda í mörg horn að líta.Meira -
Pétur, Nesi og Raggi áfram með Stólunum
feykir.is Skagafjörður, Íþróttir, Lokað efni 28.06.2025 kl. 12.28Tindastólsmennirnir Pétur Rúnar Birgisson, Hannes Ingi Másson og Ragnar Ágústsson hafa skrifað undir samninga um að halda áfram með liðinu. Í fréttatilkynningu frá körfuknattleiksdeild Tindastóls kemur fram að þeir Pétur og Ragnar semji til næstu þriggja ára en Hannes til eins árs.Meira -
Stólarnir mæta toppliði 2. deildar í Fótbolti.net bikarnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 28.06.2025 kl. 11.57Í hádeginu í gær, föstudag 27. júní, var dregið í 16-liða úrslit Fótbolta.net bikarsins, sem er bikarkeppni neðri deilda karla. Bæði Kormákur/Hvöt og Tindastóll unnu sína leiki í 32 liða úrslitum keppninnar nú fyrr í vikunni og voru því í pottinum þegar dregið var. Einhverja dreymdi um að liðin mundu dragast saman og spilaður yrði alvöru Norðurlands vestra slagur. Sá draumur rættist ekki.Meira -
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira
