Ullarþvottur í Sauðá
Í Feyki sem kom út í dag skrifar Hörður Ingimarsson hugleiðingar sínar um ljósmynd Þorsteins Jósepssonar af Emmu og Binna að þvo ull í Sauðánni, sem rann austan Árbæjar þar til farvegi árinnar var breytt og flutt í Tjarnartjörnina.
„Ullarþvottar kröfðust undirbúnings sem hófst um vorjafndægur. Þá var tunnu skotið á bakvið hurð þar sem að hún var ekki fyrir neinum eða hún var sett í útihús nálægt bæ. Í tunnuna var safnað innihaldinu úr koppunum sem fólk pissaði í á kvöldin og á nóttunni en koppar voru notaðir sem næturgögn fyrir tíma vatnsklósettanna. Það var auðveldara að safna mannahlandi en kúahlandi, sem sumir notuðu með til að drýgja vökvann,“ hefst frásögn Harðar.
Jafnframt fjallar hann nánar um sæmdarhjónin Binna og Emmu í Árbæ, sem koma fyrir á myndinni, sem settu mikinn svip á bæjarlífið á Króknum í meira en hálfa öld og voru öllum kunn um sína daga.
„Kúnum úr Króknum var skilað á morgnanna sunnan og neðan við Sýsluhestshúsið og síðan reknar suður með brekkunum niður í Sauðármýrar. Á kvöldin komu þær sömu leið tilbaka og vitjuðu eigenda sinna. Þegar kýrnar voru flestar voru þær um og yfir 140 talsins þegar allt var talið. Margir áttu tvær til fjórar mjólkandi kýr og fólkið safnaðist saman að sækja sína gripi í góðum tíma. Það var mikil deigla við Árbæinn er mönnum, hestum og kúm ægði saman er halla tók degi. Binni og Emma voru staðarhaldarar þessa margslungna mannlífs. Oft stóð Emma á tröppunum eins og forseti Alþingis og lá ekki á liði sínu í umræðunum sem endaði oftar en ekki í sólskinsbrosi og dillandi smitandi hlátri,“ segir meðal annars í greininni.
Skemmtilega frásögn Harðar Ingimars má lesa í Feyki vikunnar.
Fleiri fréttir
-
Kynbótasýning á Hólum, Önnur tilraun
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 16.01Vorin eru uppskerutími hrossabænda en þá mæta þeir með merar sínar og stóðhesta á kynbótasýningar. Þar eru hrossin vegin og mæld og riðið fyrir dómnefnd skipaða þremur sérfræðingum.Meira -
Skákmótið Húnabyggð Open 2025
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 09.15Huni.is segir frá því að á föstudaginn 20. júní verður haldið skákmótið Húnabyggð open sem er í tengslum við skákhátíðina sem stendur yfir á Blönduósi og lýkur þann 21. júní. Enn er hægt að skrá sig til leiks.Meira -
Víðismenn í vandræðum á Blönduósi
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 15.06.2025 kl. 16.24Það var spilað á Blönduósvelli í gær við fínar aðstæður en þá tóku heimamenn í Kormáki/Hvöt á móti liði Víðis í Garði. Liðin voru bæði í neðri hluta 2. deildar en Húnvetningar með einu stigi meira og leikurinn því mikilvægur fyrir bæði lið. Það fór svo að Húnvetningar voru sterkara liðið og unnu sanngjarnan 2-0 sigur og komu sér enn á ný upp í efri hluta deildarinnar.Meira -
Uppskriftir að hætti Jóhanns Daða
feykir.is Skagafjörður, Í matinn er þetta helst 15.06.2025 kl. 10.00Jóhann Daði er 24 ára Skagfirskur viðburðastjóri, fæddur og uppalinn á Sauðárkróki. Foreldrar hans eru Gísli Sigurðsson og Lydía Ósk Jónasdóttir. Jóhann býr fyrir sunnan, nánar tiltekið í Kópavogi, og vinnur sem sölumaður hjá Sýn. Jóhann spilar knattspyrnu með Tindastól og er trommuleikari í þeirri víðfrægu hljómsveit Danssveit Dósa.Meira -
Níu marka veisla á Sauðárkróksvelli
feykir.is Skagafjörður, Íþróttir, Lokað efni 14.06.2025 kl. 21.17Það var leikið í 3. deildinni í knattspyrnu á Króknum í dag en þá tóku Stólarnir á móti liði Árbæjar í áttundu umferð. Liðin voru bæði um miðja deild en gestirnir þó ofan við miðlínuna en Stólarnir neðan hennar. Eftir nokkurt ströggl síðasta mánuðinn þá sýndu heimamenn sparihliðarnar og rúlluðu gestunum upp eins og gómsætri vöfflu með rjóma og rabarbarasultu. Lokatölur 7-2 og allt í gúddi.Meira
