Uppskriftir stríðsáranna - öðruvísi matreiðslubók
Út er komin hjá bókaforlaginu Espólín bókin Uppskriftir stríðsáranna sem er forvitnileg uppskriftabók þar sem leitað er í handskrifaðar matreiðslubækur systranna Sigurlaugar (f. 1924) og Guðbjargar (f. 1919, d. 2013) Sveinsdætra frá Tjörn á Skaga sem stunduðu báðar nám við Kvennaskólann á Blönduósi á stríðsárunum. Höfundar eru Anna Dóra Antonsdóttir sem er dóttir Sigurlaugar, og Kristrún Guðmundsdóttir.
Á heimasíðu forlagsins segir að Uppskriftir stríðsáranna sé „öðruvísi matreiðslubók þar sem finna má íslenskar, einfaldar, ódýrar gamlar og umfram allt góðar uppskriftir, sem voru allsráðandi í eldhúsum landsins eftir stríð, en þú hefur samt örugglega aldrei heyrt talað um."
Uppskriftirnar eru, sem fyrr segir, sóttar í smiðju systranna Sigurlaugar og Guðbjargar Sveinsdætra og handskrifaðar matreiðslubækur þeirra. Uppskriftunum frá Blönduósi er fylgt úr hlaði af höfundum með textum dagsins, m.a. um það sem efst er á baugi í samtímanum eða hjá höfundum, rifjaðir upp þættir úr sögu kvennafræðslu og saga réttanna. Á bókarkápu segir að vegurinn frá eldhúsi Kvennaskólans á Blönduósi á tímum síðara heimsstríðs til nútímaveitingahúss sé býsna langur en þó sé einhver samhljómur, einn og sami strengurinn, sem gangi gegnum allt ferlið.
Bókaútgáfan Espólín forlag var stofnuð á síðasta ári af þeim Önnu Dóru Antonsdóttur og syni hennar, Teiti Má Sveinssyni, en Anna Dóra rak áður Adan bókaútgáfa og gaf þar út bækur sínar. Anna Dóra var búsett á Frostastöðum í Skagafirði um 20 ára skeið og stundaði búskap en að öðru leyti hefur kennsla og kennsluráðgjöf verið hennar ævistarf, auk ritstarfanna en hún hefur gefið út nokkrar bækur um sögulegt efni auk barnabóka og smásagnasafns. Espólín, nafnið á forlaginu, hefur beina tengingu til Frostastaða en það er kennt við sýslumanninn Jón Espólín sem bjó á Frostastöðum síðustu ár ævinnar.
Þetta er önnur bók Önnu Dóru á árinu en bókin Þar sem skömmin skellur - Skárastaðamál í dómabókum kom út í vor. Sagan gerist í Miðfirði upp úr miðri 19. öldinni og fjallar um sakamál sem kennt hefur verið við bæinn Skárastaði í Austurárdal. Bókin byggir á dómabókum og fleiri samtímaskjölum en þar sem gögnum sleppir tekur höfundurinn við og fyllir upp í eyðurnar, eins og segir á heimasíðu forlagsins. Sjá frétt á Feyki.is Anna Dóra Antonsdóttir skrifar um Skárastaðamál.
Fleiri fréttir
-
Snjódýpt í Fljótum yfir meter að jafnaði
feykir.is Skagafjörður, Ljósmyndavefur 18.04.2024 kl. 14.31„Tíðarfarið hefur verið nokkuð óvenjulegt frá 21. mars en allar helgar síðan þá hafa skollið á norðan stórhríðir en lítill snjór var annars þennan vetur,“ segir Halldór Gunnar Hálfdansson, bóndi á Molastöðum í Fljótum en hann sér einnig um skólaakstur í sveitinni. Halldór bætir við að það sé nokkuð óvenjulegt að fá svona mikinn snjó seint og segir að yfirleitt þegar snjóþungt sé í Fljótum hafi sá snjór verið að safnast allan veturinn, oft frá því í október.Meira -
Máttur menntunar | Álfhildur Leifsdóttir skrifar
feykir.is Skagafjörður, Aðsendar greinar 18.04.2024 kl. 13.45Það hefur lengi verið sagt að menntun sé máttarstólpi samfélagsins. Fjöreggið. Skólakerfið okkar á að vera öflugasta jöfnunartækið, þar eiga allir að hafa sömu tækifærin. En er það svo? Við getum vissulega fagnað þeim breytingum að fríar skólamáltíðir verða að veruleika, aðgerð sem jafnar leikinn að einhverju leyti og er breyting til batnaðar fyrir öll.Meira -
Enskumælandi ráð Mýrdalshrepps hlaut Landstólpa Byggðastofnunar
feykir.is Skagafjörður, Austur-Húnavatnssýsla, Vestur-Húnavatnssýsla 18.04.2024 kl. 12.56Enskumælandi ráð Mýrdalshrepps er handhafi Landstólpans, samfélagsviðurkenningar Byggðastofnunar, árið 2024. Alls bárust 26 tilnefningar víða af landinu. Viðurkenningin var afhent á ársfundi Byggðastofnunar sem fram fór í Bolungarvík og er þetta í þrettánda sinn sem viðurkenningin er veitt.Meira -
Það verður hasar í Síkinu í kvöld
feykir.is Skagafjörður, Íþróttir 18.04.2024 kl. 11.29Það er stórleikur í Síkinu í kvöld því þá fer fram fjórði leikurinn í einvígi Tindastóls og Snæfells í baráttunni um sæti í efstu deild. Stólastúlkur standa vel að vígi, eiga heimaleikinn í kvöld þar sem liðið getur tryggt sér 3-1 sigur í einvíginu. Það væri því vel við hæfi að sýna liðinu alvöru stuðning og fjölmenna í Síkið.Meira -
Mikilvægi tækninnar til byggðarþróunar
feykir.is Skagafjörður, Austur-Húnavatnssýsla, Vestur-Húnavatnssýsla 18.04.2024 kl. 10.09Arnar Már Elíasson, forstjóri Byggðastofnunar, sagði í erindi sínu að á ársfundi Byggðastofnunar, sem fram fór í Bolungarvík í gær, að í landsbyggðunum fari fram mikilvægustu atvinnuvegir Íslands, öll orkuöflun landsins, þar sé matvælaframleiðslan, öll stóriðjan og stærstur hluti ferðamennskunnar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.