Veðurguðunum gefið langt nef

Það var ansi blautt um helgina en strákarnir og fylgisveinar þeirra létu það ekki á sig fá. MYNDIR: ÓAB
Það var ansi blautt um helgina en strákarnir og fylgisveinar þeirra létu það ekki á sig fá. MYNDIR: ÓAB

Króksmót Tindastóls í knattspyrnu fór fram um helgina en þar sprettu mest megnis ungir drengir úr spori í þeim tilgangi að skora fleiri mörk en andstæðingarnir – eða bara hafa gaman.

Það var ekki laust við að það væri blautt og kalt á vellinum á laugardeginum en þó kannski heldur skárra veður en spámenn höfðu gert ráð fyrir. Sólargeislar létu sjá sig annað veifið og voru vel þegnir. Að kvöldi laugardags bætti í vindinn og rigninguna og boðið var upp á viðvarandi vosbúð á sunnudeginum. Ekki er annað hægt en að taka ofan fyrir knattspyrnukempunum ungu sem börðust glaðbeittir gegn andstæðingum sínum og veðrinu.

Elstu menn muna ekki annað eins veður á Króksmóti en þrátt fyrir það tókst mótshald með miklum ágætum Hér eru nokkrar myndir frá laugardeginum þó sunnudagurinn hafi kannski frekar staðið undir því nafni. /ÓAB

Athugasemdir eru á ábyrgð þeirra sem þær skrá.

Feykir áskilur sér þó rétt til að eyða ummælum sem metin verða sem ærumeiðandi eða ósæmileg.

Smelltu hér til að tilkynna óviðeigandi athugasemdir.

Fleiri fréttir