Viðeigandi 3-0 tap í síðasta heimaleik sumarsins
Aðeins 47 áhorfendur sáu leik Tindastóls og Grindavíkur í 1. deild karla í knattspyrnu í dag. Gestirnir náðu snemma yfirhöndinni og var sigur þeirra í raun aldrei í hættu þó svo að Stólarnir ættu nokkra ágæta spretti í leiknum. Lokatölur urðu 0-3.
Það var snarpur sunnanvindur á Sauðárkróksvelli og Grindvíkingar hafa sennilega haldið að þeir væru á heimavelli. Þeir byrjuðu í það minnsta af mikilli ákefð og Juraj Grizelj kom þeim yfir með ódýru marki strax á 6. mínútu leiksins. Það var ansi dauft yfir Stólunum í fyrri hálfleik og hefði mátt halda að leikmenn hefðu fremur kosið að sitja heima í stofu að horfa Enska boltann. Grindvíkingar fengu slatta af ágætum færum fyrir hlé en það var í raun aðeins einu sinni sem Tindastólsmenn ógnuðu marki gestanna, þá átti Benni ágætt skot rétt fyrir leikhlé en boltinn flaug naumlega yfir.
Það var allt annað uppi á teningnum í síðari hálfleik en gegn vindinum reyndu heimamenn að sækja á fleiri mönnum og áttu þá ágætis spilkafla. Ingvi Hrannar fékk óvænt færi rétt við markteig eftir aukaspyrnu en setti boltann rétt framhjá og Fannar Kolbeins skallaði naumlega framhjá marki Grindvíkinga þegar um klukkutími var liðinn af leiknum. Eftir það náðu gestirnir aftur yfirhöndinni en þeim tókst ekki að skora annað mark sitt í leiknum fyrr en á 89. mínútu en það gerði Alex Freyr Hilmarsson eftir hornspyrnu. Stólarnir þustu í sókn en fengu mark í andlitið mínútu síðar þegar Juraj gerði annað mark sitt í leiknum eftir snarpa skyndisókn.
Sem fyrr segir var leikurinn kaflaskiptur af hálfu Tindastólsmanna. Loftur Páll átti fínan síðari hálfleik í hægri bakvarðarstöðunni og Terrence Dietrich var öflugur í markinu eftir að hafa örugglega verið ósáttur við fyrsta markið sem hann fékk á sig. Þá er yfirleitt gaman að sjá Benna leika kúnstir með boltann, sem hann gerði nokkrum sinnum í dag, en því miður á hann það til að velja erfiðari leiðina frekar en að spila einfalt þannig að uppskeran er oft rýr.
Sem fyrr segir voru áhorfendur aðeins 47 í dag á síðasta heimaleik sumarsins og óhætt að fullyrða að strákunum hefði ekki veitt af meiri stuðningi í sumar. Liðið hefur að megninu til verið skipað heimastrákum sem er jú það sem flestir heimamenn segjast vilja sjá. En það er auðvitað gömul saga að þegar gengið er ekki gott þá minnkar stemningin. Kannski verða fleiri Króksarar á síðasta leik sumarsins í Breiðholtinu um næstu helgi þegar Tindastóll mætir Leikni en voru á heimavellinum í dag? Það kæmi ekki á óvart.
Áfram Tindastóll!
Fleiri fréttir
-
Sannfærð um að búvörulögin séu til góðs fyrir bændur, neytendur og fyrirtækin
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.05.2025 kl. 22.34Dómur Hæastaréttar Íslands í máli Inness gegn Samkeppnisstofnunu varðandi lögmæti búvörulaganna umdeildu hefur verið mikið í umræðunni í vikunni og sitt sýnist hverjum. Forstjóri Samkeppnisstofnunar hefur gengið hvað harðast fram í gagnrýni á lögin og sakað þá sem töluðu fyrir búvörulögunum um lygar. Til stendur að breyta lögunum eða fella þau niður en dómur Hæstaréttar verður varla til að einfalda það. Feykir hafði samband við Margréti Gísladóttur frá Glaumbæ sem jafnframt er framkvæmdastjóri Samtaka fyrirtækja í landbúnaði og lagði fyrir hana nokkrar spurningar.Meira -
Murr með sigurmark Fram í uppbótartíma
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 23.05.2025 kl. 20.15Þetta hefur verið erfið vika fyrir stuðningsfólk Tindastóls. Tveir tapleikir í röð gegn Stjörnunni í körfunni og í kvöld máttu Stólastúlkur þola enn eitt tapið. Og ekki eru lokamínúturnar að standa með okkur því það lið Fram gerði eina mark leiksins örfáum sekúndum fyrir leikslok og til að bæta gráu ofan á svart var það sjálf Murr sem setti boltann í markið þegar allt leit út fyrir jafntefli. Lokatölur 1-0.Meira -
Besta rekstrarniðurstaða Skagafjarðar frá sameiningu 1998
feykir.is Skagafjörður, Lokað efni 23.05.2025 kl. 14.55Ársreikningur sveitarfélagsins Skagafjarðar fyrir árið 2024 var samþykktur samhljóða við síðari umræðu í sveitarstjórn miðvikudaginn 14. maí sl. Feykir innti Sigfús Inga Sigfússon sveitarstjóra hverjar væru helstu niðurstöður ársreiknings 2024 og sagði hann rekstrarniðurstöðuna vera þá bestu í sögu sameinaðs sveitarfélags í Skagafirði, frá árinu 1998.Meira -
Afmælistónleikar í Miðgarði 23. maí
feykir.is Skagafjörður, Listir og menning, Lokað efni 23.05.2025 kl. 14.21Í tilefni af 60 ára afmæli tónlistarkennslu á Sauðárkróki verða haldnir tónleikar í Menningarhúsinu Miðgarði, laugardaginn 23. maí og hefjast þeir kl. 16:00, þar sem nemendur koma fram.Meira -
Munum að ganga vel um hoppubelginn
feykir.is Skagafjörður, Mannlíf, Lokað efni 23.05.2025 kl. 14.18Borið hefur á slæmri umgengni við hoppubelginn á tjaldsvæðinu á Sauðárkróki en frá þessu segir á heimasíðu Skagafjarðar.„ Viljum við því biðla til foreldra að brýna fyrir börnum sínum að ganga vel um eignir okkar allra svo ekki þurfi að fara í frekari aðgerðir og loka hoppubelgnum.“Meira
