Fréttir

Íslenska landsliðið U20 ára í körfuknattleik er sjóðandi heitt þessa dagana en það sigraði Pólland í æsispennandi leik í gær á EM U20 karla í Grikklandi. Leikurinn fór 62-60 og réðust úrslitin ekki fyrr en á lokasekúndum leiksins. Tveir Skagfirðingar leika með liðinu, þeir Viðar Ágústsson og Pétur Rúnar Birgisson.

Fimmtudaginn 14 júlí s.l. undirritaði ég blað sem eigandi jarðarinnar Bakkakot í Blönduósbæ. Ég er ekki stoltur af þessari undirskrift, en með henni samþykkti ég að lagður yrði nýr strengur fyrir ljósleiðara gegnum land Bakkakots,ekki vegna þess að ég sjái eftir landinu fyrir strenginn, heldur sem skattgreiðandi til ríkisins og Blönduósbæjar.

Nýjasta lag Króksaranna Arnars Freys Frostasonar og Helga Sæmundar Guðmundssonar, sem skipa eina vinsælustu rappsveit landsins í dag, Úlfur Úlfur, hefur fengið frábærar viðtökur. Lagið skipar nú 16. sæti á vinsældalista Rásar tvö.

Bílaklúbbur Skagafjarðar vill vekja athygli á að nokkrir vegir í Skagafirði verða lokaðir tímabundið á morgun, föstudag og á laugardag, vegna keppni í þriðju umferð Íslandsmótsins í rallý. Lokunin er gerð með leyfi Vegagerðar og lögreglu.

Svokallaður „Ærslabelgur“ er risinn á Skagaströnd en um er að ræða uppblásið leiktæki sem er um 100 fermetrar að flatarmáli. Sagt er frá þessu á vefsíðu Skagastrandar.

Samkvæmt vef Blönduósbæjar, verður pappírstunnum dreift við hvert heimili á Blönduósi á næstu dögum. Er tunnunum ætlað að taka við öllum pappír í endurvinnslu en bæklingi verður dreift með þeim en þar er að finna upplýsingar um það sem má fara í tunnurnar og hvað eigi að fara með á endurvinnslustöðina.

Svana Berglind Karlsdóttir svarar Tón-lystinni að þessu sinni. Svana er af árgangi 72 sem hún líkir við rauðvín í eikartunnu – eldist semsagt nokkuð vel. Aðal hljóðfærið hennar er röddin en hún tók þó einnig 7. stig á píanó hjá Evu Snæbjarnar á sínum tíma. „Hljóðfærin eru því miður vanrækt síðustu árin eftir að ég fór í gullsmíðina og getan eftir því,“ segir Svana en aðspurð um helstu afrek á tónlistarsviðinu segir hún: „Afrek er stórt orð. En ætli ég sé ekki ánægðust með að hafa sungið ásamt Sopranos tríóinu mínu á nokkrum styrktartónleikum og þannig látið gott af mér leiða.“

Tindastólsstelpurnar fóru enga fýluferð á Vilhjálmsvöll á Egilsstöðum eða Villa Park eins og gárungarnir kalla völlinn. Þar mættu þær sameinuðu liði Fjarðarbyggðar, Hattar og Leiknis. Leikurinn reyndist hin mesta markaveisla en honum lyktaði með þremur mörkum gegn fimm, Tindastóli í vil. Nýráðinn leikmaður, Jesse Shugg skoraði þrennu í leiknum.

Hinn fjögurra vetra gæðingur, Dofri frá Sauðárkróki náði góðum árangri á nýliðnu Landsmóti hestamanna á Hólum en þar endaði hann í áttunda sæti fjögurra vetra stóðhesta. Dofri stóð þó efstur sem klárhestur. 



Árlegt ættarmót pönkara verður haldið á Laugarbakka verslunarmannahelgina 2016 dagana 29. til 31. júlí. Skráning á ættarmótið fer aðeins fram á heimasíðu félags áhugamanna um Íslenska jaðartónlist:www.nordanpaunk.org (engir miðar við hurð!)