Fréttir

Tónlistarmaðurinn Páll Óskar, sem kom fram á tónlistarhátíðinni Gærunni á Sauðárkróki í fyrra er væntanlegur aftur á hátíðina í ár. Verður hátíðin haldin í húsakynnum Loðskinns, líkt og verið hefur, að sögn Adams Smára Hermannssonar og Ásdísar Þórhallsdóttur, sem eru framvkæmdastjórar hátíðarinnar í ár.

Húnavaka byrjar í dag en þá verða ýmis söfn opin og bæjarbúar á Blönduósi fara um bæinn og skreyka hann hátt og lágt. Á Húnahorni er sagt frá viðburði sem haldinn verður í kvöld en það er Blö Quiz sem haldið var fyrst á Húnavöku í fyrra.

Stelpur rokka! eru sjálfboðaliðarekin samtök sem starfa af feminískri hugsjón við að efla ungar stelpur í gegnum tónlistarsköpun. Kjarninn í starfinu eru rokksumarbúðirnar, þar sem stelpur læra á hljóðfæri, spila saman í hljómsveit, kynnast farsælum tónlistarkonum, fræð­ast um ýmsar hliðar tónlistar og jafnréttisstarfs og koma fram á lokatónleikum fyrir framan fullan sal vina og fjölskyldu. Samtökin fagna fimm ára afmæli og hafa nú verið stofnuð undirsamtök, Stelpur Rokka Norðurland. Feykir ræddi við Önnu Sæunni Ólafsdóttur verkefnisstýru um samtökin og rokkbúðir sem haldnar verða á Akureyri í lok mánaðarins.

Ferðafélag Skagfirðinga stóð í gær fyrir göngu frá Kálfárdal í Trölla. Þátttaka var með allra mesta móti, 32 göngugarpar á öllum aldri tóku þátt. Veðrið lék við þátttakendur og friðsælt umhverfið skartaði sínu fegursta. Að sögn Ágústs Guðmundssonar, formanns Ferðafélags Skagfirðinga var þessi ganga sú næst fjölmennasta sem hann man eftir á vegum félagsins.

Í dag voru Íslensku safnaverðlaunin afhent í 10. Sinn við hátíðlega athöfn á Bessastöðum en verðlaunin féllu í skaut Byggðasafns Skagfirðinga. Sagt er frá þessu á fréttasíðu morgunblaðsins.

Húnavaka, bæjarhátíð og fjölskylduskemmtun Austur-Húnvetninga, verður haldin dagana 14.–17. júlí nk. „Hátíðin hefur skipað sér fastan sess hjá heimamönnum sem og brottfluttum Blönduósingum. Segja má að hátíðin sé nokkurs konar „reunion“ fyrir brottflutta Blönduósinga sem hafa sótt hana vel undanfarin ár sem og heimamenn og aðrir gestir, enda allir velkomnir á Blönduós,“ sagði Kristín Ingibjörg Lárusdóttir, annar umsjónaraðili hátíðarinnar, í samtali við Feyki. Þetta er fjórða árið sem þau systkinin, Kristín og Eysteinn Pétur, annast framkvæmd hátíðarinnar.

Þingeyraverkefnið, sem verið er að hleypa af stokkunum, var kynnt fyrir íbúum í Austur-Húnavatnssýslu á Þingeyrum í síðustu viku. Um er að ræða umfangsmikið verkefni sem er í raun þríþætt. Það miðar að uppgreftri minja tengdum klaustrinu, greiningu gróðurfars á miðöldum í næsta nágrenni þess og loks athugunum á handritamenningu miðalda.

Næsta skólaár verður boðið upp á svæðisleiðsögunám á Norðurlandi vestra, ef nægur áhugi reynist fyrir hendi. Verða þá 20 ár síðan síðast var boðið upp á námið á þessu svæði.

Veiðin í Blöndu er komin yfir 1000 laxa þetta árið og vermir áin annað sæti á lista Landssambands veiðifélaga yfir 75 aflahæstu laxveiðiár landsins. Samanlögð veiði í tíu aflahæstu ám landsins er rúmlega tvöfalt meiri en á sama tíma í fyrra.

Dalahlaupið Ultra Valley Run 2016 fer fram í Húnaveri 23. júlí næstkomandi og er þetta í annað sinn sem hlaupið fer fram. Í ár er boðið upp á þrjár vegalengdir, 36 km hring, leið B, 28 km beina leið og 10 km.