Fréttir

Menningarfélag Húnaþings vestra var formlega stofnað í desember síðastliðnum með það að markmiði að hlúa að hverskyns menningarstarfsemi í héraðinu, skapa umgjörð fyrir fólk til að iðka menningarstarf og að skipuleggja viðburði. Á morgun, laugardaginn 4. júní, verður fyrsti viðburðurinn á vegum félagsins haldinn, Sumartónleikar Menningarfélags Húnaþings vestra, sem fer fram í Sjávarborg á Hvammstanga og verða fjáröflunartónleikar til að renna stoðum undir starfsemi félagsins.

Sundlaugin á Sauðárkróki verður lokuð á morgun, föstudag, milli kl. 8 og 17, vegna námskeiðs starfsfólks. Eftir það tekur við venjulegur sumaropnunartími en hann er sem hér segir:

Hjónin Hugrún Sif Hallgrímsdóttir og Jón Ólafur Sigurjónsson eru búsett á Skagaströnd og segja að hvergi sé betra að vera. Hugrún er frá Blönduósi en Jón, eða Jonni eins og hann er oftast kallaður, innfæddur Skagstrendingur. Tónlistin er stór partur af lífi þeirra beggja og kynntust þau einmitt í gleðskap á vegum Tónlistarskólans þar sem þau kenndu bæði um tíma.

Þjóðminjasafn Íslands hefur samið við Byggðasafn Skagfirðinga um að það taki við staðarvörslu á Víðimýri. „Kirkjan er ein af mestu djásnum Skagafjarðar frá gamalli tíð,“ segir á heimasíðu Byggðasafnsins.

Skipulagning Húnavökuhátíðarinnar 2016 er í fullum gangi en hátíðin mun fara fram dagana 15. - 17. júlí n.k. Hátíðin verður með hefðbundnu sniði í ár eins og áður en þó að sjálfsögðu með nýjum dagskrárliðum í bland við eldri.

Sumardagskrá Héraðsbókasafns Austur-Húnavatnssýslu er hafin. Í tilkynningu frá bókasafninu kemur fram að í júní og júlí er ætlunin að gera sumarið enn skemmtilegra og bjóða upp á sumardagskrá á bókasafninu.

Hin árlega Bjórhátíð verður haldin í sjötta sinn að Hólum í Hjaltadal næstkomandi laugardag. Eins og áður munu íslenskir bjórframleiðendur mæta og kynna sínar vörur, nýjungar á bjórmarkaðnum og svo vonandi hvað er væntanlegt.

Það er óhætt að segja að gleðin hafi verið við völd þegar árviss Gleðiganga Árskóla á Sauðárkróki fór fram í blíðaskaparveðri í gærmorgun. Lítríkir nemendur og starfsfólk fylktu liði frá skólanum að túninu við HSN á Sauðárkróki þar sem þeir brugðu á leik, sungu og dönsuðu við áhorf heimilis- og starfsfólk stofnunarinnar, áður en þau héldu áfram leið sinni niður í bæ. Gleðigangan endaði svo með grillveislu við Árskóla.

Hestamannafélagið Skagfirðingur býður börnum, unglingum og ungmennum sem stefna á úrtöku fyrir Landsmót boðið upp á æfingartíma. Æfingar fara fram föstudaginn 3. og laugardaginn 4. júní á Hólum í Hjaltadal. Kennarar verða Pétur Örn Sveinsson og Heiðrún Ósk Eymundsdóttir.

Tónlistarkonan Harpa Þorvaldsdóttir er uppalin á Hvammstanga en býr nú í Reykjavík. Harpa er dóttir Þovaldar Böðvarssonar, fyrrum rekstrarstjóra Vegagerðarinnar á Norðurlandi vestra, og Hólmfríðar Skúladóttur. Harpa hefur sungið síðan hún man eftir sér en hljóðfærið hennar er píanó. „Hef ekki geta skilið það við mig frá því ég byrjaði að læra 6 ára gömul,“ segir Harpa, en hún kemur fram á tónleikum á Hvammstanga þann 4. júní til styrktar Menningarfélagi Húnaþings vestra.