Fréttir

Í dag hófst vinabæjamót í Skagafirði en um 30 manns frá hinum Norðurlöndunum komu í fjörðinn í gærkvöldi. Vinabæirnir eru Espoo í Finnlandi, Køge í Danmörku, Kristianstad í Svíþjóð og Kongsberg í Noregi. Mótið stendur til 2. júní.

Búvörusamningur og tollasamningurinn við Evrópusambandið eru til umfjöllunar í nefndum Alþingis. Hægt er að gagnrýna báða þessa samninga út frá mörgum sjónarmiðum. Eins og komið hefur fram hefur tollasamningurinn ekki verið unninn í neinu samráði við bændur, aðra hagsmunaaðila, neytendur eða aðra flokka en þá flokka sem sitja í ríkisstjórn.

Tindastóll vann góðan sigur á Dalvík/Reyni á laugardaginn í 3. umferð 3. deildar Íslandsmótsins í knattspyrnu. Leikið var á Dalvíkurvelli við ágætar aðstæður og fór svo að Stólarnir unnu góðan 0-3 sigur.

Meðfylgjandi myndband tók áhugaljósmyndarinn Róbert Daníel Jónsson á Blönduósi á ferð sinni um Ísafjarðardjúp. Róbert hefur undanfarið fengist við að taka myndir með dróna og er sérlega fundvís á fallegt myndefni í náttúrunni, eins og þessar einstöku myndir bera með sér.

Á fimmtudaginn kemur stendur Félag ferðaþjónustunnar í Skagafirði fyrir árlegum súpufundi á Hótel Varmahlíð. Fundurinn hefst klukkan 12 og stendur til klukkan 14.

Rallýáhugafólk er farið að setja sig í stellingar en fyrsta umferð í Íslandsmótinu í rallý 2016 verður ekin á Suðurnesjum dagana 3. og 4. júní næstkomandi. Að venju er það Akstursíþróttafélag Suðurnesja sem sér um þessa fyrstu keppni en hún hefst með akstri á sérleið um Nikkel klukkan 18:10 á föstudeginum.

Á sunnudaginn var opnuð árleg sumarsýning í Heimilisiðnaðarsafninu á Blönduósi, að viðstöddu fjölmenni. Að þessu sinni er það Anna Þóra Karlsdóttir úr Reykjavík sem sýnir í safninu.

Þau Ragna Jóhannsdóttir og Pétur Valdimarsson á Sauðárkróki voru Matgæðingar vikunnar í 28. tölublaði Feykis 2012, Þau buðu upp á grænmetissúpu með tortellinni í forrétt, svínakjöt í súrsætri sósu í aðalrétt og rabarabaraköku með ristuðu kókosmjöli í eftirrétt.

Lilja Rún Bjarnadóttir varði meistararitgerð í matvælafræði frá Háskóla Íslands í Verinu Vísindagörðum á Sauðárkróki sl. mánudag. Verkefnið var alfarið unnið við Iceprotein, í samstarfi við Kjötafurðarstöð KS, Sláturhús Kaupfélags Vestur-Húnvetninga, Ísaga og Matís. Um er að ræða stóran áfanga í sögu Iceprotein sem ber vitni um gróskuna í lífhagkerfi Skagafjarðar.

Þá er tæpur mánuður í tónlistarhátíð sumarsins á Norðurlandi, Drangey Music Festival - þar sem vegurinn endar, sem verður haldin í annað sinn laugardagskvöldið 25. júní nk. Ný tónlistaratriði hafa bæst við dagskránna en Stebbi og Eyfi og Beebee and the bluebirds ætla að stíga á svið hátíðarinnar, auk strákanna í Úlfur Úlfur, Retro Stefson og Sverri Bergmann.