Fréttir

Vel hefur viðrað til skíðaiðkunar á landinu undanfarið og þá sérstaklega á skíðasvæðinu í Tindastóli. Færið er gott og veðurguðirnir glaðir. Í tilkynningu segir að skíðasvæðið verði opið í dag til klukkan 19:00 en þar er nú hægviðri, -2c og léttskýjað.

Fram kemur á vef Húnahornsins, huni.is að Sveitarfélagið Skagaströnd auglýsir eftir umsóknum um að leigja og reka kaffi-og menningarhúsið Bjarmanes á Skagaströnd. Bjarmanes er gamalt og fallegt steinhús, byggt 1913 en var allt endurbyggt 2004, og í því er aðstaða til kaffihúsreksturs. Húsið stendur miðsvæðis á Skagaströnd og þaðan er afbragðs útsýni yfir höfnina og Húnaflóann.

Vegna óviðráðanlegra aðstæðna þurfum við að fresta aðalfundi U.Í.Smára (sem á að vera í dag 6. mars) til 13.mars.

Ísak Óli Traustason, frjálsíþróttamaður hjá UMSS, keppti um helgina í sjöþraut karla á skoska meistaramótinu í fjölþrautum sem fram fór í Glasgow. Auk Ísaks kepptu í þrautinni þeir Tristan Freyr Jónsson ÍR, og Blikarnir Ingi Rúnar Kristinsson og Ari Sigþór Eiríksson, en þessir kappar urðu í fjórum fyrstu sætunum á Meistaramóti Íslands í fjölþrautum í lok janúar sl.

Íslandsmóti skákfélaga 2016-2017 lauk um helgina, í Rimaskóla í Grafarvogi en fyrri hluti mótsins fór fram um mánaðarmótin september - október sl. Eftir fyrri umferð sat sveit Skákfélags Sauðárkróks í öðru sæti í fjórðu deild og og hélt því eftir viðureignir helgarinnar og vann sig þar með upp í þá þriðju.

Það var boðið upp á hraðan og skemmtilegan leik í Síkinu í kvöld þegar Tindastóll tók á móti sprækum Grindvíkingum. Einhvernveginn tókst gestunum á hanga í Tindastólsmönnum framan af leik og þegar til kom þá voru það Grindvíkingar sem höfðu innanborðs tvo kappa sem hreinlega stálu stigunum með geggjuðum leik, þá Dag Kár og Ólaf Ólafs. Stólarnir hreinlega réðu ekki við þá í kvöld. Lokatölur 98-101.

Fisk – Seafood á Sauðárkróki fékk í síðustu viku nýjan lyftara, knúinn rafgeymi sem þolir betur kulda en almennt gerist. Að sögn Arnar Kjartanssonar hjá Fisk er fyrirtækið það fyrsta á Íslandi sem tekur slíkan geymi í notkun en hann á að endast mun lengur þegar unnið er á frystunum en rafgeymar eiga það til að dofna í miklu frosti.

Stjórnstöð Landhelgisgæslunnar barst um áttaleytið í gærkvöldi neyðarkall frá bát sem var að veiðum á utanverðum Skagafirði. Leki var kominn að bátnum og útlit fyrir að skipverjarnir tveir þyrftu að yfirgefa hann. Öllum nærstöddum skipum var beint að bátnum ásamt því að þyrla Landhelgisgæslunnar og björgunarskip Slysavarnafélagsins Landsbjargar á Skagaströnd og Siglufirði héldu á vettvang. Þá var Herkúlesflugvél frá bandaríska flughernum send til leitar.

Í vikunni völdu Blönduskóli og Grunnskólli Húnaþings vestra fulltrúa sína í Framsagnarkeppnina í Húnavatnsþingi sem fram fer í Félagsheimilinu á Hvammstanga þann 7. mars kl. 14:00.

Skagfirðingar fjölmenntu í Borgarnes sl. fimmtudag þegar Skallagrímsmenn tóku á móti Tindastóli í Dominos deildinni í körfubolta. Mikil stemning var á leiknum og stuðningsmannasveitin Grettir stóð fyrir sínu og sem fyrr, líkt og sjötti maður Stólanna. En það setti blett á annars góða stuðningsmenn að einhverjir supu áfengið meira en þeir sjálfir þoldu og voru gestunum ekki til fyrirmyndar. Formaður Grettis, en svo heitir sveitin, sendi frá sér afsökunarbeiðni í gær enda ekki sú ásýnd sem hún vill standa fyrir, sem sýnd var í Fjósinu í Borgarnesi.