Fréttir

Ríkislögreglustjóri hefur ákveðið að lýsa yfir óvissustigi á landinu vegna óveðurs, í samráði við alla lögreglustjóra landsins. Óvissustig einkennist af atburðarás sem er hafin og ætla má að geti leitt til þess að öryggi fólks og/eða byggðar sé stefnt í hættu.

Drög að samningi á milli Sveitarfélagsins Skagafjarðar og nýstofnaðs sameinaðs hestamannafélags í Skagafirði um uppbyggingu reiðvega í sveitarfélaginu var lagður fyrir Umhverfis- og samgöngunefnd í lok nóvember. Um er að ræða samning sem fyrir árin 2016 til 2020.

Í dag var Matarkistan Skagafjörður búin að auglýsa opinn fund í Húsi Frítímans. Samkvæmt vef Svf. Skagafjarðar hefur þessum fundi verið frestað um viku vegna slæmrar veðurspár.

Aðalfundur Ferðafélags Skagfirðinga fyrir árið 2014 verður haldinn í Sveinsbúð, húsnæði Skagfirðingasveitar að Borgarröst 1, miðvikudaginn 9. desember nk. kl. 20:30.

Aðvaranir Veðurstofunnar hafa vonandi ekki farið fram hjá neinum. Veðrið skellur fyrst á Suðurlandi og er ekki ráðlegt að vera á ferðinni þar eftir klukkan 12 á hádegi. Annars staðar á landinu, þar með talið á höfuðborgarsvæðinu, er ráðlegt að vera ekki á ferðinni eftir klukkan fimm síðdegis.

Veður hefur verið hundleiðinlegt á Norðurlandi vestra í dag, það hefur snjóað duglega í snarpri norðanáttinni og ekkert ferðaveður verið síðasta sólarhringinn. Fjallvegir eru nú flestir ófærir en óveðrið er þó að mestu gengið niður og á morgun, sunnudag, er gert ráð fyrir ágætu veðri.

Skagfirðingar kepptu á þremur vígstöðvum í sjónvörpum landsmanna í gærkvöldi og máttu bíta í það súra epli að fara halloka á þeim öllum. Frammistaðan var hins vegar til mikillar fyrirmyndar og geta keppendur í Útsvari, The Voice og körfuboltalið Tindastóls borið höfuðið hátt þrátt fyrir svekkelsið. Tindastóll tapaði fyrir liði Íslandsmeistara KR í Vesturbænum eftir æsispennandi og að lokum framlengdan leik. Lokatölur 80-76.

Síðasti þátturinn í The Voice Ísland fór fram í gærkvöldi og spennan mikil. Tveir Skagfirðingar, Ellert og Sigvaldi, voru í fjögurra manna úrslitum og því gerðu Skagfirðingar sér nokkrar vonir um að annar þeirra færi heim sem sigurvegari. Það var hinsvegar kraftakrúnerinn Hjörtur Traustason sem hneppti hjörtu þjóðarinnar í gíslingu með því að syngja lagið Ferðalok í tveggja manna úrslitum og stóð uppi sem sigurvegari.

„Eitt af því allra skemmtilegasta sem ég geri er að elda góðan mat.,“ segir Gísli Einarsson, ritstjóri Landans og tengdasonur Skagafjarðar, en hann gefur lesendum uppskrift af önd í bláberjabruggi í Jólablaði Feykis.

Skagfirðingar hafa setið límdir við sjónvarpsskjái sína í kvöld, það er þeir sem ekki voru í beinni útsendingu að fylgjast með körfubolta, leitinni að bestu röddinni eða æsispennandi spurningakeppni. Þó ekki yrðu skagfirskir sigrar á neinum þessarra vígstöðva stóðu fulltrúar héraðsins sig með stakri prýði og buðu upp á spennandi keppni, hver á sínu sviði.