Fréttir

Húnavaka, rit Ungmennasambands Austur-Húnvetninga, hefur verið birt á vefsíðunni timarit.is. Að sögn Ingibergs Guðmundssonar ritstjóra var vaxandi eftirspurn á að koma efni Húnavöku á netið svo það yrði öllum aðgengilegt. Samningur við Landsbókasafn Íslands – Háskólabókasafn var gerður í lok síðasta árs um að mynda síður ritsins og lauk því verki í byrjun febrúar.

Skipulagsstofnun, sem hefur til meðferðar tillögu að matsáætlun vegna Sprengisandslínu, hefur óskað eftir afstöðu Sveitarfélagsins Skagafjarðar til þess hvort meta beri sameiginlega umhverfisáhrif svokallaðrar Sprengisandslínu, Hólasandslínu, línu milli Kröflu og Hólasands (áður Kröflulínur 3 og 4), Kröflulínu 3 og Blöndulínu 3.

Sveitarstjórn Sveitarfélagsins Skagafjarðar lýsir yfir þungum áhyggjum af boðaðri breytingu á póstþjónustu í Skagafirði sem og á landsbyggðinni. Málið var tekið fyrir á sveitarstjórnarfundi Svf. Skagafjarðar þann 17. febrúar sl. Í bókun sveitarstjórnar segir að ljóst sé boðaðar breytingar muni þýða þjónustuskerðingu fyrir íbúa og fyrirtæki á svæðinu sem skerðir samkeppnishæfni þess.

Fjölmennur íbúafundur var haldinn í Félagsheimilinu á Blönduósi síðastliðinn mánudag en þar voru tvö megin mál til umræðu. Annars vegar endurvinnslutunnur á hvert heimili og hins vegar umferðarhraði í íbúðagötum.

Suðaustan 3-8 m/s er á Stöndum og Norðurlandi vestra, lengst af bjartviðri og frost 2 til 12 stig, kaldast til landsins. Víða er hálka á Norðurlandi en sums staðar snjóþekja á útvegum.

Veðurstofa Íslands vinnur að hættumati á helstu vatnsföllum landsins. Hluti af því verkefni er að safna öllum tiltækum upplýsingum um söguleg flóð við eftirfarandi vatnsföll og þverár þeirra:

Stjórn Stéttarfélagsins Samstöðu samþykkti í dag 24. febrúar eftirfarandi yfirlýsingu: „Stéttarfélagið Samstaða lýsir yfir fullum stuðningi við starfsfólk í álverinu í Straumsvík og þeirra stéttarfélög í þeirri hörðu kjarabaráttu sem þau eru í. Stéttarfélagið Samstaða skorar á Samtök atvinnulífsins og Rio Tinto Alcan að ganga þegar í stað til samninga við launafólk í álverinu.“

Vegna rafmangsbilunarinnar í Skagafirði í gær þarf að gera prófanir á spenninum í aðveitustöðinni á Sauðárkróki. Því verður keyrt varaafl í nótt frá klukkan 00:30 til 06:00 og undir lok keyrslu þarf að taka rafmagn af í stutta stund á meðan kerfið er tengt aftur saman. Ekki er hægt að útiloka aðrar truflanir á tímabilinu, segir í tilkynningu frá Rarik.

Á fundi atvinnu-, menningar- og kynningarnefndar Sveitarfélagsins Skagafjarðar þann 12. febrúar sl. var samþykkt að efna til ljósmynda- og myndbandasamkeppni sveitarfélagsins. Var starfsmönnum nefndarinnar falið að kynna og auglýsa nánari tilhögun keppninnar.

Hin árlega Skagfirska mótaröð hefst annað kvöld, miðvikudagskvöldið 24. febrúar. Á þessu fyrsta móti vetrarins verður keppti í fjórgangi V5 í öllum flokkum; 1. flokki, 2. flokki, ungmenna- og barnaflokkum.