Fréttir

Gæran stendur nú sem hæst núna en í gær léku fyrir gesti, listamenn á borð við Contalgen Funeral, Ottoman, Blakkák og Páll Óskar. Góður rómur var gerður að tónlistaratriðunum. Eftir tónleikana héldu margir á ball á Mælifelli þar sem Páll Óskar skemmti fram á rauða nótt.

Inga Björk Bjarnadóttir gefur kost á sér í 1. –2. sæti Samfylkingarinnar í Norðvesturkjördæmi. Þetta kemur fram í forsíðuviðtali við Ingu í Fréttablaðinu í dag. Inga Björk er fædd árið 1993 og uppalin í Borgarnesi en hefur verið búsett í Reykjavík síðastliðin ár þar sem hún stundar meistaranám í listfræði við Háskóla Íslands.

Skottafilm hefur gefið út skemmtileg myndskeið um Gretti sterka sem unnin voru í samstarfi við Matarkistuna Skagafjörð. Þar sést Gretti sterka, í ögn nútímanlegri búningi en venja er, ásamt griðkonum tveimur, gæða sér á kræsingum úr Matarkistunni.

Ellefu gefa kost á sér í forvali um sex efstu sætin á lista Vinstri hreyfingarinnar græns framboðs í Norðvesturkjördæmi fyrir komandi Alþingiskosningar, fimm konur og sex karlar. Framboðsfrestur rann út á miðvikudag og kjörskrá verður lokað 21. ágúst. Forvalið fer fram í póstkosningu frá 31 ágúst – 5. september, sem er síðasti dagur til að póstleggja atkvæði.

Sveitarstjórn Blönduósbæjar vill gera gamla bæinn á Blönduósi að verndarsvæði í byggð. Skipulagfulltrúi kynnti drög að nýrri umsókn Blönduósbæjar til Minjastofnunar þess efnis, sem hann hefur unnið að í samstarfi við ráðgjafa á fundi skipulags,-umhverfis- og umferðarnefndar Blönduósbæjar í gær.

Nýjustu tölur frá heimasíðu Landssambands veiðifélaga, sýna að Blanda er komin yfir 2000 laxa en í heild hafa veiðst 2028 laxar. Í fyrra veiddust alls 4829 laxar í blöndu og því talsvert í þá tölu.

Breski tónlistarmaðurinn Eric Clapton krækti á föstudaginn fyrir viku síðan í stærsta lax sem veiðst hefur í Vatnsdalsá í Austur-Húnavatnssýslu í sumar. Reyndist það vera 108 sm langur hængur sem að öllum líkindum er jafnframt sá stærsti sem veiðst hefur á landinu það sem af er sumri.

Í tilefni SveitaSælu ætla Boðið á býli - The Icelandic Farm Animals, sem samanstendur af þremur sveitabæjum í Lýtingsstaðahreppi, að bjóða upp á skemmtilega uppákomu á sunnudaginn. Um er að ræða Fjársjóðsleit fram í sveit, sem er ratleikur fyrir alla fjölskylduna.

Um þessa helgi, 12-13. ágúst, verður haldið félagsmót Skagfirðings, samhliða landbúnaðarsýningu og bændahátíðinni Sveitasælu. Er þetta fyrsta félagsmót Skagfirðings og fer fram á Sauðárkróki.

Samkvæmt íþróttadeild 365 hefur Arnar Freyr Arnasson, samið við sænska liðið Kristianstads. Kemur þetta fram í frétt Vísis um málið.