Fréttir

„Ég er afar glaður að þetta skuli hafa klárast með þessum hætti. Það er ekki annað hægt, þetta verða rúmlega þrjátíu störf og 316 milljónir, þannig að það er alveg ljóst að þetta er veruleg innspýting inn á svæðið. Þetta er góður dagur,“ segir Stefán Vagn Stefánsson, formaður Norðvesturnefndarinnar, um þá ákvörðum Ríkisstjórnarinnar, sem tekin var í morgun, að samþykkja 15 af 30 tillögum sem Norðvesturnefndin setti fram í skýrslu í desember á síðasta ári.

Eins og undanfarin ár geta íbúar á Norðurlandi vestra kosið mann ársins, úr hópi þeirra sem tilnefndir voru af lesendum Feykis og Feykis.is. Í þetta skiptið bárust sjö tilnefningar til titilsins og verður kosið á milli þeirra sem hér eru nefndir í kosningunni Maður ársins á Norðurlandi vestra 2015.

Síðustu leikirnir í fyrri umferð Dominos-deildarinnar fara fram nú í vikulokin og í gær fengu Tindastólsmenn lið FSu í heimsókn í Síkið. Stólarnir sýndu sínar bestu hliðar í leiknum og skemmtu stuðningsmönnum sínum með frábærum varnarleik sem oft á tíðum skilaði skemmtilegum skyndisóknum. Lokatölur voru 107-80.

Hljómsveitin Demó, ásamt fjölda söngvara, heldur tvenna tónleika í Félagsheimilinu á Blönduósi milli jóla- og nýárs. Á efnisskránni eru vinsæl lög frá síðustu öld, eins og segir í auglýsingu. Tónleikarnir verða 26. og 27. desember og hefjast báðir klukkan 20:30.

Léttitækni ehf. á Blönduósi ákvað á dögunum að sleppa öllum jólakortum þetta árið en gefa þess í stað öllum krökkum í 1. og 2.bekk grunnskólanna í A-Hún. endurskinsvesti. „Nú þegar skammdegið er skollið á er nauðsynlegt að huga vel að börnunum sem þurfa að komast úr og í skóla en þá er myrkrið mikið,“ segir á húna.is.

Ég eignaðist disk um daginn. Það er svo sem ekkert nýtt en þegar ég var búinn að hlusta á hann og einnig upplifa útgáfutónleika í Miðgarði datt mér í hug að skrifa nokkur orð um þetta verk, einhverskonar gagnrýni með áherslu á það jákvæða.

Í fyrrinótt var óskað eftir aðstoð Björgunarsveitarinnar Húna á Hvammstanga eftir að flutningabíll lenti utan vegar og valt á Holtvörðuheiðinni. Samkvæmt facebook síðu Húna fóru björgunarsveitarmenn á heiðina snemma í gærmorgun til að bjarga farminum og aðstoða við að koma bílnum aftur upp á veg.

Eins og Feykir hefur greint frá var Sveitarfélagið Skagafjörður á dögunum verðlaunað af Ferðamálastofu sem EDEN gæðaáfangastaður Íslands 2015. Í framhaldi af viðurkenningunni fóru fulltrúar sveitarfélagsins á Evrópska ferðamáladaginn sem haldin var í Brussel í gær.

Það er alltaf stutt í gleðina og glensið hjá Gunnari Rögnvaldssyni á Löngumýri í Skagafirði. Hannar er fæddur á Hrauni á Skaga árið 1967, sonur heiðurshjónanna Valda og Gillu. Gunni er gítareigandi og er lunkinn að setja saman texta og syngja, oftar en ekki með Jóni Halli Ingólfssyni. Nú á dögunum setti hann, í félagi við marga fína tónlistarmenn í Skagafirði, á svið barnalagatónleikana Ara og Alladín í Miðgarði í Varmahlíð. Helsta afrek sitt á tónlistarsviðinu segir hann þó vera að eiga helminginn í þremur músíkkölskum börnum, en það eru þau Jakob, Sigvaldi Helgi og Dagný.

Nes listamiðstöð á Skagaströnd verður með opið hús næstkomandi sunnudag, 20. desember, og eru gestir boðnir velkomnir í stúdíóið að Fjörubraut 8 á Skagaströnd á milli kl. 15 og 17.