Fréttir

Eins og undanfarin ár verður opið hús á Varmalandi í Sæmundarhlíð föstudaginn fyrir Laufskálarétt 25. september frá kl. 13-17. Þess má geta að Varmaland hlaut umhverfisviðurkenningu Sveitarfélagsins Skagafjarðar á dögunum fyrir sveitabýli með búskap.

Í vor var samþykkt á fundi atvinnu-, menningar- og kynningarnefndar Svf. Skagafjarðar að ráðast í gerð könnunar á búsetuskilyrðum í sveitarfélaginu þar sem m.a. yrði leitað skýringa á fólksfækkun á svæðinu. Úttektin var unnin af sérfræðingum frá Capacent og voru niðurstöðurnar kynntar á fjölmennum íbúafundi þann 3. september sl. Ákveðið var að skipa í vinnuhópa sem hafa það hlutverk að vinna úr tillögum skýrslunnar.

Fjárlögin liggja nú fyrir, fyrsta umræða hefur farið fram og frumvarpið komið til fjárlaganefndar. Nú þegar afrakstur erfiðra aðgerða sem gerðar voru vegna efnahagshrunsins er að skila ríkissjóði góðum tekjuafgangi mætti ætla að fjárlögin bæru þess vitni og veruleg innspýting væri í málaflokka sem höfðu tekið á sig skerðingar og nú væri komið að því að setja verulega fjármuni í innviðauppbyggingu samfélagsins.

Húnaþing vestra tekur nú í fyrsta sinn þátt í Hreyfiviku (Move Week) sem fer fram um alla Evrópu dagana 21.-27. september. Tilgangurinn er að hvetja til virkrar hreyfingar og þátttöku í íþróttum. Boðið verrður upp á fjölbreytta hreyfingu fyrir alla fjölskylduna. Það er von sveitarfélagsins að íbúar þess kynni sér það sem í boði er í Hreyfivikunni, taki þátt í einhverjum viðburðanna og skilji jafnvel bílinn eftir heima og gangi eða hjóli í vinnuna.

Á fundi sveitarstjórnar Svf. Skagafjarðar sl. miðvikudag lýsti sveitarstjórn yfir vonbrigðum með naumt skammtaðar fjárveitingar sem veittar eru til verkefnisins Brothættar byggðir, á vegum Byggðastofnunar. Í bókun sveitarstjórnar segir að umrædd afgreiðsla Byggðastofnunar sé enn eitt dæmið um það hversu Norðurland vestra er sniðgengið í fjárveitingum hins opinbera.

Laugardaginn 12. september var réttað í Holtsrétt í Fljótum, auk fjölda annarra rétta á Norðurlandi vestra. Réttarstörfin fóru fram í blíðskaparveðri og var ekki annað séð en gagnamenn og réttargestir kynnu vel að meta þennan sumarauka.

Frjálsa kótilettufélagið í Austur-Húnavatnssýslu, sem telur 82 félagsmenn, ætlar að standa fyrir kótilettukvöldi á Pottinum á Blönduósi laugardaginn 26. september. Fjögur slík kvöld voru haldin síðasta vetur og að sögn forsprakka þeirra, Valdimars Guðmannssonar, fór mætingin vaxandi og nálgaðist fimmtíu manns síðasta kvöldið.

Lið Tindastóls hefur unnið alla þrjá leiki sína hingað til í Lengjubikarnum en á laugardag kom lið Breiðabliks í heimsókn í Síkið og reyndist ekki mikil fyrirstaða fyrir lið Stólanna. Lokatölur urðu 96-69.

Við Íslendingar erum eftirá! Við erum takmörkuð og takmörkum hvert annað, þannig er Ísland í dag. Við veifum höndum og fótum og höldum því fram að Ísland sé best í heimi og ég trúði því í 40 ár, eða þar til ég þurfti skyndilega að fara að nota hjólastól. Aðgengi takmarkar mig á hverjum degi og það sem áður var svo sjálfsagt er í dag stór hindrun. Heimsóknir til vina og ættingja í lyftulausum blokkum er liðin tíð, búðaráp á Laugavegi er úr myndinni og ég get alls ekki keypt mér litla risíbúð eða snotra kjallaraíbúð o.s.frv.