Hættum þessu væli!
feykir.is
Hr. Hundfúll
27.01.2022
kl. 11.01
Lið Íslands hefur undanfarna daga tekið þátt í Evrópumótinu í handbolta í Ungverjalandi og Serbíu. Eftir nokkuð magurt gengi síðustu árin eftir kynslóðaskipti í liðinu voru menn nokkuð bjartsýnir á gengi liðsins þó árangurinn hafi í raun farið fram úr væntingum að þessu sinni... þrátt fyrir kórónuveirusmit ríflega helmings leikmanna liðsins. Er óhætt að fullyrða að lítt þekktir handknattleiksmenn hafi heillað þjóðina með góðum handbolta og sálarstyrkjandi eldmóði, sama hvað á hefur dunið. Á endanum stóðu vonir þjóðarinnar til þess að frændur vorir Danir dröttuðust nú til þess að vinna leik sinn gegn Ólympíumeisturum Frakka og tryggja þannig liði Íslands sæti í undanúrslitum mótsins.
Eftir að hafa byggt upp væntingar landsmanna og leikið Frakka grátt framan af leik þá fór allt í skrúfuna hjá Dönum síðustu tíu mínútur leiksins og fór svo að lokum að Frakkar unnu með einu marki. Að mati þjóðarinnar var þetta ekki Frökkum að kenna heldur Dönum sem enn mötuðu Íslendinga á mygluðu mjöli, fólk sem engan áhuga hefur á gömlu handritunum vildi nú fá allt safnið heim frá Danmörku og sennilega helst á stafrænu formi. Skagfirsk Júróvisjónhetja vildi skila stigunum þremur sem hann fékk á Parken í denn. Þingmaður Pírata vill dönsku kórónuna og danska kónginn af þinghúsinu og Hagkaup aflýsir dönskum dögum... kannski að eilífu!? Já, menn voru ekki lengi að komast í þennan gír, sumir fyndnir og aðrir ekki.
Eftir að hafa fylgst með yfirlýsingagleði landans dágóða stund fór Herra Hundfúll að pæla í því hvort Íslendingar væru upp til hópa röflandi grenjuskjóður sem vilja að gamla herraþjóðin dragi þá að landi? Hvernig væri nú að setja kassann út og fagna frabærum árangri Íslands við fáránlegar aðstæður. Hvernig sem fer erum við sigurvegarar þessa móts.
Fleiri fréttir
-
Lið Tindastóls sló út Subway-deildar lið Snæfells
feykir.is Skagafjörður, Íþróttir 18.04.2024 kl. 22.53Það var gleði og gaman í Síkinu í kvöld en sennilega þó ekki síður stress og naglanögun fram á síðustu sekúndu framlengingar þegar Tindastóll og Snæfell mættust í fjórða leik einvígis síns um réttinn til að spila um sæti í efstu deild. Leikurinn var jafn og spennandi allan tímann en gestirnir náðu góðum kafla snemma í fjórða leikhluta, náðu 13 stiga forystu og virtust ætla að tryggja sér oddaleik í Stykkishólmi. Lið Tindastóls gafst ekki upp og náði að jafna í blálokin og tryggja sér framlengingu þar sem heimaliðið reyndist sterkara. Lokatölur 82-78 og rjúkandi stemning hjá Stólastúlkum.Meira -
Jordyn Rhodes komin með leikheimild
feykir.is Skagafjörður, Íþróttir 18.04.2024 kl. 18.42Tindastóll teflir fram liði í þriðja skipti í efstu deild kvennafótboltans eftir ansi gott tímabil síðastliðið sumar. Besta deildin hefst nú á sunnudag og þá kemur FH í heimsókn á Krókinn. Það vita allir að það er bara ein Murr en hún hefur nú skipt um heimavöll og spilar með Fram í sumar í Lengjudeildinni. Jordyn Rhodes tekur hennar stöðu í fremstu víglínu og eru miklar vonir bundnar við hana.Meira -
Snjódýpt í Fljótum yfir meter að jafnaði
feykir.is Skagafjörður, Ljósmyndavefur 18.04.2024 kl. 14.31„Tíðarfarið hefur verið nokkuð óvenjulegt frá 21. mars en allar helgar síðan þá hafa skollið á norðan stórhríðir en lítill snjór var annars þennan vetur,“ segir Halldór Gunnar Hálfdansson, bóndi á Molastöðum í Fljótum en hann sér einnig um skólaakstur í sveitinni. Halldór bætir við að það sé nokkuð óvenjulegt að fá svona mikinn snjó seint og segir að yfirleitt þegar snjóþungt sé í Fljótum hafi sá snjór verið að safnast allan veturinn, oft frá því í október.Meira -
Máttur menntunar | Álfhildur Leifsdóttir skrifar
feykir.is Skagafjörður, Aðsendar greinar 18.04.2024 kl. 13.45Það hefur lengi verið sagt að menntun sé máttarstólpi samfélagsins. Fjöreggið. Skólakerfið okkar á að vera öflugasta jöfnunartækið, þar eiga allir að hafa sömu tækifærin. En er það svo? Við getum vissulega fagnað þeim breytingum að fríar skólamáltíðir verða að veruleika, aðgerð sem jafnar leikinn að einhverju leyti og er breyting til batnaðar fyrir öll.Meira -
Enskumælandi ráð Mýrdalshrepps hlaut Landstólpa Byggðastofnunar
feykir.is Skagafjörður, Austur-Húnavatnssýsla, Vestur-Húnavatnssýsla 18.04.2024 kl. 12.56Enskumælandi ráð Mýrdalshrepps er handhafi Landstólpans, samfélagsviðurkenningar Byggðastofnunar, árið 2024. Alls bárust 26 tilnefningar víða af landinu. Viðurkenningin var afhent á ársfundi Byggðastofnunar sem fram fór í Bolungarvík og er þetta í þrettánda sinn sem viðurkenningin er veitt.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.