Arnar Geir og félagar á lokamóti NAIA mótaraðarinnar í Arizona
Arnar Geir Hjartarson, frá Sauðárkróki, og félagar hans í Missouri Valley College leika nú á lokamóti NAIA háskólamótaraðarinnar sem þeir unnu sér þátttökurétt í lok apríl. Mótið er risastórt enda landskeppni þar sem bestu golfspilarar háskólanna mætast en mótið fer fram í Arizona, nánar tiltekið á Las Sendas Golf Club. https://www.lassendas.com.
Á heimasíðu Golfklúbbs Sauðárkróks segir að um sé að ræða lokamót mótaraðarinnar þar sem þau lið sem unnu sínar deildir víðsvegar um Bandaríkin koma saman. Þrjátíu lið eru mætt til leiks með 150 leikmenn auk sex einstaklinga sem unnu sér keppnisrétt. Leikar hófust í gær en ekki tókst að ljúka fyrstu umferð áður en dimma tók.
Byrjað verður á að leika 36 holur í dag og á morgun en síðan verður skorið niður og 17 bestu liðin klára mótið á fimmtudag og föstudag.
Arnar náði að klára 17. holu í gær og þarf því að byrja daginn í dag á því að klára völlinn áður en önnur umferð verður sett af stað. Hann átti ekki sinn besta leik í gær, 10 höggum yfir pari eftir daginn. Fimm golfarar skipa liðin og eru fjögur bestu skor sem telja. Svo einkennilega vill til að lið Arnars eingöngu skipað strákum frá Evrópu, (varamaðurinn kanadískur) en þetta er í fyrsta sinn í sögu skólans, Missouri Valley College, sem lið nær inn á þetta lokamót.
Eftir því sem fram kemur á gss.is er umhverfið keppnisstaðarins allt mjög sérstakt þar sem völlurinn er eiginlega í eyðimörk og vissara að halda sig á brautinni þar sem röffið samanstendur af sandi, grjóti, kaktusum og snákum.
Sjá nánar HÉR
Fleiri fréttir
-
Samningur undirritaður um styrk til tækniaðstöðu á Hvammstanga
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 19.01SSNV og Húnaþing vestra hafa undirritað samning vegna styrks til uppsetningar á tæknimiðstöð í anda FabLab smiðju í samfélagsmiðstöð í Félagsheimilinu á Hvammstanga að upphæð 10.500.000 kr. Fram kemur í frétt á síðu SSNV að verkefnið snýst um að koma upp nýsköpunar-, viðgerða- og þróunaraðstöðu fyrir íbúa á svæðinu, sem og aðstöðu fyrir félagsstarf.Meira -
Valið vekur furðu vestan Þverárfjalls
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 11.20Heimasíða RÚV flytur fréttir en þar mátti í morgun sjá athyglisverða og skemmtilega úttekt á fótboltavöllum landsins. Þar eru nefndir til sögunnar fótboltavellirnir á Sauðárkróki og á Hofsósi þó svo að þeir ágætu vellir hafi ekki komist í hóp tíu flottustu valla landsins. Blönduósvöllur og Sjávarborgarvöllur á Hvammstanga voru ekki nefndir á nafn í úttektinni og því leitaði Feykir viðbragða hjá Aðdáendasíðu Kormáks og þar stóð ekki á svörum en umsjónarmaður furðar sig á valinu.Meira -
Atli Þór fullkomnar hóp Kormáks/Hvatar
feykir.is Austur-Húnavatnssýsla, Íþróttir, Vestur-Húnavatnssýsla 26.04.2024 kl. 09.44Síðasti dagur félagaskipta í efri deildum Íslandsmótanna í knattspyrnu var nú á miðvikudaginn. Þá bætti lið Kormáks/Hvatar við sig einum leikmanni því Atli Þór Sindrason var síðasta liðsstyrking hópsins fyrir mót.Meira -
Sæluvikan að bresta á
feykir.is Skagafjörður, Listir og menning 26.04.2024 kl. 08.34„Skipulagning Sæluviku gengur vel og viðburðir eru enn að bætast við,“ segir Heba Guðmundsdóttir sem hefur veg og vanda af skipulagningu Sæluvikunnar líkt og undanfarin ár og má því mögulega kalla verkefnastjóra Sæluvikunnar. „Það verða flestir fastir liðir á sínum stað á Sæluviku og mér finnst alltaf vera metnaður og spenna fyrir því að vera með hjá þeim sem skapað hafa þá hefð að standa fyrir viðburði á Sæluviku.“Meira -
Vinnustofa um gerð loftlagsstefnu sveitarfélaga
feykir.is Austur-Húnavatnssýsla, Vestur-Húnavatnssýsla 26.04.2024 kl. 08.32SSNV stóð fyrir vinnustofu í félagsheimilinu á Hvammstanga nú í vikunni um gerð loftlagsstefnu sveitarfélaga í samtarfi við KPMG. Vinnustofan var sérstaklega fyrir Húnavatnssýslur. Góð þátttaka var á vinnustofunni og áhugaverðar umræður sköpuðust.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.