Pavel um Evrópukeppnina: ,,Það má segja að óvissan sé jákvæð"
Líkt og Feykir greindi frá í vikunni var dregið í riðla í forkeppni FIBA Europe Cup. Tindastóll dróst þar í C-riðil ásamt BC Pärnu Sadam frá Eistlandi og BC Trepca frá Kósóvó. Leikið verður í borginni Pärnu í Eistlandi dagana 3. - 6. október í haust.
Feykir heyrði í Pavel Ermolinski, þjálfara Tindastóls, sem lýst þokkalega á liðin og að spila í Eistlandi þótt það sé erfitt að segja til um andstæðingana að svo stöddu.
,,Þetta er bara fínt held ég. Gott upp á ferðalag. Við vitum ekki mikið um liðin í augnablikinu en auðvitað eru þetta flott lið fyrst þau eru í Evrópukeppni," segir Pavel.
Eru þetta erfiðari andstæðingar en þú varst að vonast eftir?
Eins og ég sagði þá vitum við ekki mikið akkúrat núna. Þessi lið eru ekki mönnuð ennþá. Að því sögðu þá voru önnur lið þarna sem var vitað að yrðu erfið viðureignar. Það má segja að óvissan sé jákvæð.
Er Hópurinn byrjaður að æfa?
Hópurinn er dálítið út um allt en allir að æfa. Sumir eru enn í heimalandi sínu og aðrir með landsliðinu. Allir eru að æfa en ekki saman í augnablikinu. Það munu allir vera í toppstandi þegar við komum saman sem auðveldar hlutina.
Hvenær gerir þú ráð fyrir því að hópurinn verði fullmannaður?
Hópurinn er svo gott sem fullmannaður, okkur tókst að halda í ákveðinn kjarna frá því í fyrra sem er frábært. Það kemur allavega einn leikmaður í viðbót en við erum á mjög flottum stað í dag með leikmenn.
/SMH
Fleiri fréttir
-
Lokamót í Skagfirsku mótaröðinni
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 29.04.2024 kl. 15.06Á heimasíðu Hestamannafélagsins Skagfirðings segir að lokamótið í Skagfirsku mótaröðinni hafi verið haldið á dögunum þar sem keppt var í gæðingakeppni, tölti og skeiði en hér að neðan eru úrslitin:Meira -
Kirkjukvöld Kirkjukórs Sauðárkrókskirkju í kvöld
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 29.04.2024 kl. 14.55Kirkjukvöld Kirkjukórs Sauðárkróks er að venju haldið mánudag í Sæluviku nánar tiltekið í kvöld 29. apríl kl. 20:00.Meira -
Halla Hrund á Norðurlandi vestra í dag
feykir.is Skagafjörður, Austur-Húnavatnssýsla, Vestur-Húnavatnssýsla 29.04.2024 kl. 11.41Forsetaframbjóðandinn Halla Hrund Logadóttir verður á ferð og flugi um Norðurland í vikunni og býður heimamönnum til opinna funda og samtals um embætti forseta Íslands. Tveir fundir verða í Húnavatnssýslum, í Víðigerði og á Blönduósi í dag og þá verður hún á Sauðárkróki í kvöld.Meira -
Sýning á ljósmyndum Stebba Ped á Sæluviku
feykir.is Skagafjörður, Listir og menning 29.04.2024 kl. 08.22Við setningu Sæluviku í gær var opnuð sýning á myndum Stefáns B. Pedersen í Safnahúsi Skagfirðinga og verður hún opin á meðan á Sæluviku stendur. Í tilkynningu á vef Héraðsskjalasafns Skagfirðinga segir. „Árið 2018 afhenti Stebbi Ped, eins og hann var ávallt kallaður, ljósmyndasafn sitt til Héraðsskjalasafns Skagfirðinga. Hér er um stórt safn að ræða enda afrakstur ævistarfs Stebba sem stofnaði ljósmyndastofu á Sauðárkróki árið 1958.“Meira -
Sæluvikan var sett í dag
feykir.is Skagafjörður, Listir og menning, Mannlíf 28.04.2024 kl. 23.07Sæluvikan var sett í dag við athöfn í Safnahúsi Skagfirðinga við Faxatorgið á Króknum, Það var fullur salur og góð stemning. Á samkomunni var tilkynnt um hverjir hlutu Samfélagsverðlaun Skagafjarðar 2024 og úrslit í Vísnakeppni Safnahússins. Nemendur í Tónlistarskóla Skagafjarðar léku við hvurn sinn fingur og opnuð var ljósmyndasýning með myndum Stefáns heitins Pedersen.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.