Góður sigur Tindastóls á KS vellinum
Stelpurnar í Tindstól tóku á móti liði Aftureldingar úr Mosfellsbænum á KS vellinum á Sauðárkróki í gær í blíðuveðri. Leikurinn var varla hafinn þegar fyrsta markið kom en barátta og spenna voru einkennandi á vellinum allt til loka. Lokatölur 2-1 fyrir heimastúlkum sem sjá glitta örlítið í úrvalsdeildarsæti að ári.
Stólastúlkur áttu harma að hefna frá fyrri leik liðanna, sem fram fór snemma í júlí syðra, en þá unnu Mosfellingar með sömu markatölu 2-1. Þá var engin Murr, Murielle Tiernan, með og allt annar bragur á liðinu.
Í gær var leikurinn rétt hafinn þegar Laufey Harpa Halldórsdóttir kom heimastúlkum í draumastöðu þegar hún skoraði fallegt mark, beint úr aukaspyrnu rétt utan vítateigs, staðan 1-0.
Skömmu síðar gerði ein gestanna sig seka um brot innan eigin vítateigs er hún ýtti í bakið á Kolbrúnu Ósk Hjaltadóttur sem hrasaði og umsvifalaust dæmt víti. Murr tók vítið, skoraði sitt 20. mark í sumar og varð þar með markahæst í Inkasso deildinni.
Þrátt fyrir að Stólar væru komnir með góða forystu strax í upphafi leiks var augljóst að ekki mátti slaka neitt á. Gestirnir áttu sín færi, m.a. tvö sláarskot og ágætar rispur upp völlinn sem hæglega hefðu geta endað með marki. Enda gerðist það í uppbótartíma fyrri hálfleiks þegar Ólína Sif Hilmarsdóttir kom boltanum í netið eftir laglegt spil og gegnumbrot.
Í seinni hálfleik var jafnræði með liðunum, ekki endilega áferðarfagur leikur í gangi en færi til staðar sem hefði verið hægt að skora úr. Það gerðist hins vegar ekki og endaði leikurinn með tveimur mörkum gegn einu Stólum í vil.
Þegar tvær umferðir eru eftir situr Tindastóll í þriðja sæti með 31 stig, fjórum stigum á eftir FH sem vermir annað sætið. Þó líkurnar séu ekki miklar þá er fræðilegur möguleiki á því fyrir Stólana að komast upp fyrir FH og þar með að koma sér í deild hinna bestu. En til þess að það geti orðið að veruleika þurfa Stólar að vinna báða sína leiki og FH að tapa sínum eða skora 17 mörkum meira en FH geri þær jafntefli í öðrum leiknum.
„Draumurinn lifir! Ekki fallegasti sigurinn en 3 stig. Takk fyrir stuðninginn. Munaði öllu!,“ skrifar Jón Stefán, annar þjálfari Stólanna á stuðningsmannasíðu knattspyrnudeildar Tindastóls.
Það vakti athygli fyrr um daginn að Jón Stefán skrifaði færslu á sömu Facebooksíðu þar sem hann hvatti fólk til að koma á KS-völlinn og styðja stelpurnar. Þar átti hann við gervigrasvöllinn en fáir höfðu heyrt af þeirri nafngift. Það upplýstist þar að nýlegur styrktarsamningur knattspyrnudeildar við KS geri m.a. ráð fyrir því að gervigrasvöllurinn yrði nefndur KS - Völlurinn. Sú nafngift hafði hinsvegar ekki verið notuð formlega fyrr en þarna, að sögn Indriða Þórs Einarssonar, varaformanns deildarinnar. Gamli grasvöllurinn, aðalvöllurinn, mun áfram heita Sauðárkróksvöllur.
Áfram Tindastóll!
Fleiri fréttir
-
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira -
Alvarleg vanræksla á nautgripum kærð til lögreglu
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 10.05Í tilkynningu á vef Matvælastofnunar er greint frá því að MAST hafi kært til lögreglu alvarlega vanrækslu eftir að 29 nautgripir fundust dauðir í gripahúsi við eftirlit á lögbýli á Norðurlandi vestra. Í kjölfarið aflífuðu starfsmenn stofnunarinnar 21 grip til viðbótar á staðnum sökum slæms ástands, allt gripi sem voru hýstir í húsinu.Meira -
Nærandi ferðaþjónusta | Freyja Rut Emilsdóttir skrifar
feykir.is Skagafjörður, Aðsendar greinar 19.04.2024 kl. 09.03Nærandi ferðaþjónusta er hugtak sem fær sífellt meiri athygli í umræðunni bæði hér á Íslandi sem og um heim allan. Hugtakið felur í sér markvissar aðgerðir sem fólk og fyrirtæki geta gripið til með það að markmiði að hafa jákvæð áhrif á nærumhverfi og náttúru og skilja þannig við áfangastaðinn, samfélagið og náttúruna í betra ástandi en áður. Þannig er farið skrefi lengra en sjálfbærni þar sem markmiðið er að skilja ekki við umhverfið í verra ástandi en áður og ganga ekki á auðlindir framtíðar.Meira -
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.