Stórsigur Stólastúlkna á Fjölni úr Grafarvoginum
Tindastóll tók á móti Fjölni í gærkvöldi í lokaleik fjórðu umferðar í Inkasso-deild kvenna á Sauðárkróksvelli. Leikurinn endaði með stórsigri Tindastóls 6-2, en fyrir leikinn voru Tindastóll í áttunda sæti með þrjú stig og Fjölnir í því níunda með eitt stig.
Tindastólsstúlkur byrjuðu leikinn af miklum krafti og þurftu þær ekki að bíða lengi eftir fyrsta markinu, því markaskorarinn Murrielle Tiernan var komin á blað strax á áttundu mínútu með glæsilegu skoti rétt fyrir utan vítateig. Tólf mínútum síðar skoraði Hrafnhildur Björnsdóttur með skalla úr föstu leikatriði og staðan þar með 2-0, sannkölluð draumabyrjun fyrir Tindastól. Á fertugustu mínútu minnkuðu Fjölnisstúlkur muninn með marki frá Írisi Ósk Valmundardóttur þegar hún skallaði boltann í netið eftir góða aukaspyrnu, staðan 2-1 í hálfleik fyrir Tindastól.
Seinni hálfleikurinn byrjaði með svipuðum nótum og fyrri hálfleikur, því eftir fjórar mínútur af seinni hálfleiknum skoraði Jacqueline Altschuld með góðu skoti fyrir utan teig. Á 77. mínútu var Jacqueline Altschuld aftur á ferðinni þegar hún komst inn fyrir vörn Fjölnisstúlkna og lék á markmanninn og renndi boltanum í markið. Fjórum mínútum síðar kom fimmta mark Tindastóls og var það Murrielle Tiernan sem skoraði með skalla eftir fyrirgjöf Jacqueline Altschuld. Murielle Tiernan var ekki hætt og bætti hún þriðja marki sínu og sjötta marki Tindastóls með þrumu skoti. Fjölnisstúlkur náðu svo að minnka muninn á 88. mínútu með marki frá Söru Montoro og þar við sat, 6-2 sigur Tindastóls í höfn.
Með þessum sigri er Tindastólsstúlkur komnar í sjötta sæti deildarinnar eftir fjórar umferðir með 6. stig, en Fjölnisstúlkur sitja í næstneðsta sæti með 1.stig.
Tindastólsstúlkur spiluðu vel á köflum miðað við aðstæður, því mikill vindur var á meðan leik stóð. Bestu leikmenn Tindastóls voru þær Murrielle Tiernan og Jacqueline Altschuld en þær voru einfaldlega magnaðar í þessum leik.
Næsti leikur Tindastóls er útileikur á móti Augnablik föstudaginn 21 júní.
Myndir og viðtal koma hér fyrir neðan.
/EÍG
Viðtal við Jón StefánPosted by Feykir on Föstudagur, 7. júní 2019
Viðtal við Jón StefánPosted by Feykir on Föstudagur, 7. júní 2019
Fleiri fréttir
-
Skagamenn höfðu betur gegn Stólum í bikarnum
feykir.is Skagafjörður, Íþróttir 25.04.2024 kl. 21.04Lið Tindastóls fór á Skagann í dag og lék gegn heimamönnum í ÍA í 32 liða úrsltum Mjólkurbikarsins. Leikið var í Akraneshöllinni og fóru leikar þannig að Skagamenn, sem eru með lið í Bestu deild karla, höfðu betur og enduðu þar með bikarævintýri Stólanna. Lokatölur þó aðeins 3-0.Meira -
Erum allar ready í alvöru seríu - segir Brynja Líf
feykir.is Skagafjörður, Íþróttir, Ljósmyndavefur 25.04.2024 kl. 14.22Það hefur verið gaman að fylgjast með liði Stólastúlkna í körfunni í vetur og nú spilar liðið til úrslita um sæti í Subway-deildinni að ári. Það er mikil breyting á liðinu frá því árið áður, mörg púsl bættust í hópinn síðasta haust sem Helgi þjálfari hefur náð að sameina í heilsteypta mynd. Eitt lykilpúslið er Brynja Líf Júlíusdóttir, 16 ára stúlka frá Egilsstöðum, sem kom á Krókinn til að spila með liði Tindastóls og stunda nám á náttúruvísindabraut og í körfuboltaakademíu FNV. Hún er ein efnilegasta körfuboltastúlka landsins í sínum árgangi og í síðasta leiknum gegn Snæfelli á dögunum þá gerði hún átta af tíu stigum Tindastóls í framlengingu.Meira -
Kvenfélag Svínavatnshrepps hélt upp á 150 ára afmælið með kökuveislu af gamla skólanum
feykir.is Austur-Húnavatnssýsla, Mannlíf 25.04.2024 kl. 13.43Kvenfélag Svínavatnshrepps hélt upp á 150 ára afmæli sitt 20. apríl sl. Var öllum kvenfélagskonum í Austur-Húnavatnssýslu boðið í kaffi í Dalsmynni. Þar var mikil kökuveisla sem einkenndist af því að hafa kaffibrauð sem hugsanlega hefði getað verið á borðum er kvenfélagið var stofnað.Meira -
Gleðilegt sumar
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2024 kl. 11.55„Það er komið sumar...“ sungu Mannakorn um árið og það á við í dag. Í það minnsta er sumardagurinn fyrsti í dag og þó það sé kannski ekki sami stemmari fyrir þessum degi á þessari öld og var á þeirri síðustu þá fylgir deginum oftar en ekki bjartsýni og ylur í hjarta – já, eiginlega sama hvernig viðrar.Meira -
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.