Samstaða og kærleikur á aðventutónleikum Jólahúna
Hópur sem kallar sig Jólahúna stendur fyrir aðventutónleikum í Húnaþingi vestra og Austur-Húnavatnssýslu, þar sem tónlistarmenn úr báðum héruðum leiða saman hesta sína á fernum tónleikum.
Tónleikarnir verða á Skagaströnd 2. desember, á Blönduósi 3. desember og á Laugarbakka 4. desember. „Við erum með hljómsveit sem að æfir upp lögin og hóp af söngvurum , sem hafa verið frá 10-15 á hverju ári og þeir koma af öllu svæðinu,“ segir Skúli Einarsson á Tannstaðabakka, einn af umsjónarmaður tónleikanna. „Við köllum þetta rythmíska tónleika. Þó slæðast ef til vill inn nokkur róleg lög. Tónlistarstjórinn okkar, hann Daníel Geir Sigurðsson, skrifar þetta bara allt út á nótur fyrir mannskapinn. Svo erum við með magnaðan hljóðmann, sem er Íslandsmeistarinn í þeim bransa, hann Gunnar Smára Helgason. Hann fer svo beint frá okkur á jólatónleika Björgvins og stýrir þeim.“
„Tónleikarnir eru tvískiptir og á milli fyrri og seinni hluta þeirra er um hálftíma hlé þar sem boðið er upp á kaffi, jólaglögg og „kósýstemningu“ og jólalykt ilmar í húsinu. Kvenfélögin hafa gjarnan séð um þennan hluta fyrir okkur,“ segir Skúli ennfremur. Undir kaffinu er svo leikin hugljúf tónlist á fiðlu, kontrabassa og kassagítar. „Það náðist alveg þvílík stemning á Laugarbakka í fyrra með þessu fyrirkomulagi og jólaglöggið og jólalyktin gerði nú sitt. Ég vil hvetja fólk til að vera duglegt að sækja viðburði í heimabyggð og halda þar uppi fjörinu,“ segir Skúli að lokum.
Skúli segir að jafnframt sé venja að „leikmaður“ flytji ávarp á tónleikunum og sé það gjarnan í anda yfirskriftar tónleikanna sem er samstaða og kærleikur. „Við erum mjög ánægð með viðtökurnar enn sem komið er,“ segir Skúli, en fyrirtækjum hafa verið boðin pakkatilboð á tónleikana. Meðal styrktaraðila tónleikanna eru KVH og SKVH á Hvammstanga. Miðasalan er annars hjá Skúla í síma 898 0719. Tónleikarnir á Skagaströnd og Blönduósi hefjast klukkan 21 á föstudags- og laugardagskvöld og á Laugarbakka eru tvennir tónleikar, klukkan 13:30 og 17:00.
Þeir söngvarar sem fram koma á tónleikunum eru: Ástrós Elísdóttir, Ólafur E. Rúnarsson, Hrund Jóhannsdóttir, Kristinn Víglundsson, Helga Dögg Jónsdóttir, Valdimar Gunnlaugsson, Skúli Einarsson, Hrafnhildur Ýr Víglundsdóttir, Hugrún Sif Hallgrímsdóttir, Jón Ó. Sigurjónsson, Halldór G. Ólafsson og Sigríður Stefánsdóttir.
Hljómsveitina skipa Daníel Geir Sigurðsson, bassi og tónlistarstjórn, Guðmundur Hólmar Jónsson, gítar, Sigurvald Í Helgason, trommur og tæknistjórn, Elínborg Sigurgeirsdóttir, hljómborð og Ellinore Anderson, lágfiðla. Um hljóðblöndun sér Gunnar Smári Helgason.
Fleiri fréttir
-
Umhverfisdagur FISK Seafood 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 20.04.2024 kl. 00.12Umhverfisdagur FISK Seafood verður haldinn 4. maí nk. frá klukkan 10-12. Áætlað er að tína rusl á strandlengjunni á Sauðárkróki (sem verður skipt upp í svæði), Nöfunum, í Varmahlíð, á Hólum og á Hofsósi. Frá 12:15 mun FISK Seafood bjóða öllum þátttakendum að þiggja veitingar að Sandeyri 2.Meira -
Ævintýrið úti hjá liði Tindastóls
feykir.is Skagafjörður, Íþróttir 19.04.2024 kl. 23.34Strax í haust voru bara þrjú hjól undir bíl meistara Tindastóls og eftir það var nánast sama hvaða hindrun varð á vegi hans, það varð allt til að hægja ferðina. Hann hökti reyndar inn í bikarúrslit og í úrslitakeppnina þó með naumindum væri. Stólakagginn sem allir biðu eftir að hrykki í gírinn, kæmi sterkur inn á endasprettinum, var eiginlega hálf vélarvana allt tímabilið. Leikurinn í Smáranum í kvöld var reyndar góður en enn og aftur voru Stólarnir sjálfum sér verstir. Lokakarfan var Grindvíkinga og hún skipti sköpum – lokastölur 91-89. Stólarnir því snemma í sumarfrí þennan veturinn og kannski allir fegnir – þessi bíll þarf í allsherjar yfirhalningu.Meira -
Gul viðvörun á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 22.24Veðurstofan hefur smellt á okkur gulri veðurviðvörun mest allan laugardaginn og fram á aðfaranótt sunnudags. Gert er ráð fyrir ört hækkandi hita og því má búast má við miklum leysingum, auknu afrennsli og vatnavöxtum í ám og lækjum. Mikilvægt er að hreinsa frá niðurföllum til að forðast vatnstjón vegna rigningar og leysingavatns. Gula viðvörunin gildir fyrir Vestfirði og allt Norðurland.Meira -
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.