Mannlíf

Áhugasamar konur í Skagafirði ætla að stofna kvennaklúbb Kiwanis á svæðinu og hafa boðað til stofnfundar á Gott í Gogginn næstkomandi miðvikudag, 13. apríl kl. 17.

Ungur drengur á Sauðárkróki, Ívar Elí Sigurjónsson, hefur í nærri tvö ár barist við flogaveiki. Köst hans hafa náð tveimur tugum á dag þegar verst lætur. Nú er svo komið að íslenskir læknar eru ráðalausir og ákveðið hefur verið að senda hann til Boston í maí til rannsóknar og síðar aðgerðar.

Það verða ekki bara landsins bestu hestar sem munu skemmta gestum Landsmóts hestamanna á Hólum næsta sumar. Tónlist og söngur mun skipa stórt hlutverk eins og viðeigandi er í Skagafirði og sérstök áhersla verður á skemmtilega dagskrá fyrir börn og ungmenni.

Rökkurkórinn hefur frá áramótum æft skemmtilega söngdagskrá í tali og tónum sem ber yfirskriftina „Ég vil fara upp í sveit.“ Þema dagskrárinnar eru þekkt dægurlög frá seinni hluta síðustu aldar, tengda saman með texta sem helgaður er hinni einu sönnu, íslensku sveitarómantík.

Um miðjan apríl kemur út platan Gillon, en hún er nefnd eftir flytjandanafni Gísla Þórs Ólafssonar og jafnframt hans 4. sólóplata. Meðfylgjandi er lagið My Special Mine, en það er eina enska lagið á plötunni og eina enska lagið sem Gillon hefur gefið út.

Ólafur B. Óskarsson er fæddur í Víðidalstungu í Víðidal vorið 1943, hefur búið þar alla tíð síðan og tók þar við búskap af foreldrum sínum fyrir 44 árum. Hann er kvæntur Brynhildi Gísladóttur og eiga þau þrjár dætur, Ragnheiði, Hallfríði Ósk og Sigríði.

Tveggja daga ráðstefna Guðbrandsstofnunar, í samstarfi við Bandalag íslenska listamanna, Listaháskóla Íslands, Þjóðminjasafnið og Íslensku- og menningardeild Háskóla Íslands hefst á Hólum í Hjaltadal kl. 16 í dag og stendur til kl. 16 á morgun. Á ráðstefnunni er lögð áhersla á gildi menningar.

Listamenn marsmánaðar munu halda sýningu á verkum sínum, á morgun þriðjudaginn 29. mars, frá kl. 17:00 til 19:00. Sýningin ber nafnið „Þetta reddast“ og verður haldin í Bílskúrsgallerý (Lönguvitleysu) við Kvennaskólann á Blönduósi.

Karlakórinn Lóuþrælar halda tónleika í Seltjarnarnesskirkju, laugardaginn 2. apríl n.k. kl 14:00

Það er nóg um að vera á Norðurlandi vestra um Páskahelgina. Í dag, föstudag, er þar meðal annars að finna Fljótamót í skíðagöngu, guðþjónustur og lestur Passíusálma.