Skaflasteik og eftirréttur óbyggðanna
„Við þökkum fyrir áskorunina frá Steinunni og Sigga. Stefán hefur í gegnum tíðina ferðast mikið á fjöllum og er uppáhaldsmaturinn hans svokölluð skaflasteik. Það er því kærkomið að segja ykkur frá því hvernig slík steik er matreidd en hana má grilla jafnt í holu í jörðinni sem og í holu sem grafin er í skafl. Eftirrétturinn er svo réttur sem varð til úr afgöngum í hálendisgæslu Skagfirðingasveitar sumarið 2015 en við erum bæði virkir félagar í björgunarsveitinni,“ sögðu þau Hafdís Einarsdóttir, kennari við Árskóla, og Stefán Valur Jónsson, starfsmaður Steypustöðvarinnar á Sauðárkróki sem voru matgæðingar Feykis í 44. tbl. ársins 2018.
AÐALRÉTTUR
Skaflasteik
lambalæri
Heiðmerkurblanda (eða krydd að eigin vali)
olía
Aðferð:
Úrbeinið læri þremur dögum fyrr, leggið í kryddlög. Okkar uppáhalds krydd er Heiðmerkurblanda. Þá blöndum við hana með olíu og dreifum yfir kjötið. Geymið kjötið í kæli. Þegar á að fara að grilla lærið er það vafið í fjórfalt lag af álpappír. Kjötið er svo lagt ofan á heit kol (vel grá) og gott er að láta steina eða steinflögur undir kolin til að hitinn nýtist betur. Kjötið haft á kolunum í um það bil 30 mínútur og svo snúið við, látið liggja í aðrar 30 mínútur og þá snúið og haft um það bil 15 mínútur á hvorri hlið.
Sveppasósa
½ líter rjómi
slatti af sveppum
olía
sveppateningur
sósuþykkni
Aðferð:
Sveppirnir steiktir létt í olíu á pönnu eða í potti, rjóminn settur út í og látið malla í dágóðan tíma. Sveppateningur settur saman við og sósan þykkt eftir smekk. Sósan smökkuð til eftir að sósuþykkni hefur verið bætt í. Saltað að auki eða hálfum sveppateningi bætt í.
Salat
iceberg
spínat
vínber
gúrka
tómatar
jarðaber
paprika
fetaostur
salatblanda (hnetur)
Skorið að vild og blandað saman.
EFTIRRÉTTUR
Eftirréttur óbyggðanna
kex - ýmsar tegundir
rjómi
súkkulaði
rúsínur og fleira gómsætt sem hægt er að tína til.
Aðferð:
Kex mulið í botninn á formi. Rjómi þeyttur í gosflösku (tveggja lítra flösku ef um hálfan líter er að ræða - athugið að það á eftir að koma ykkur á óvart þegar þið komist að því hversu fljótleg þessi aðferð er) og settur ofan á kexið. Súkkulaðið brætt og hellt yfir rjómann. Ávöxtum eða öðru góðgæti bætt við efst á kökuna eða blandað saman við rjómann.
Á meðan beðið er - snúrubrauð fyrir börnin
Það er alltaf gaman fyrir börn að grilla brauð yfir opnum eldi eða heitum kolum. Ef þau eru ekki mikið fyrir lambakjöt má leyfa þeim að setja pylsur inn í brauðið og grilla. Þá þarf að passa að setja ekki of mikið brauð utan um pylsurnar vegna þess að brauðið brennur þá áður en pylsurnar ná að hitna.
2 dl volgt vatn
5 dl hveiti
2 tsk. þurrger
2 msk. matarolía
1 msk. salt
1 msk. pizzakrydd
1 tsk. hvítlaukssalt
Aðferð:
Öllu blandað saman, hnoðað og látið hefa sig í u.þ.b. 60 mínútur. Vafið á grillpinna og grillað.
Fleiri fréttir
-
Lið Tindastóls sló út Subway-deildar lið Snæfells
feykir.is Skagafjörður, Íþróttir 18.04.2024 kl. 22.53Það var gleði og gaman í Síkinu í kvöld en sennilega þó ekki síður stress og naglanögun fram á síðustu sekúndu framlengingar þegar Tindastóll og Snæfell mættust í fjórða leik einvígis síns um réttinn til að spila um sæti í efstu deild. Leikurinn var jafn og spennandi allan tímann en gestirnir náðu góðum kafla snemma í fjórða leikhluta, náðu 13 stiga forystu og virtust ætla að tryggja sér oddaleik í Stykkishólmi. Lið Tindastóls gafst ekki upp og náði að jafna í blálokin og tryggja sér framlengingu þar sem heimaliðið reyndist sterkara. Lokatölur 82-78 og rjúkandi stemning hjá Stólastúlkum.Meira -
Jordyn Rhodes komin með leikheimild
feykir.is Skagafjörður, Íþróttir 18.04.2024 kl. 18.42Tindastóll teflir fram liði í þriðja skipti í efstu deild kvennafótboltans eftir ansi gott tímabil síðastliðið sumar. Besta deildin hefst nú á sunnudag og þá kemur FH í heimsókn á Krókinn. Það vita allir að það er bara ein Murr en hún hefur nú skipt um heimavöll og spilar með Fram í sumar í Lengjudeildinni. Jordyn Rhodes tekur hennar stöðu í fremstu víglínu og eru miklar vonir bundnar við hana.Meira -
Snjódýpt í Fljótum yfir meter að jafnaði
feykir.is Skagafjörður, Ljósmyndavefur 18.04.2024 kl. 14.31„Tíðarfarið hefur verið nokkuð óvenjulegt frá 21. mars en allar helgar síðan þá hafa skollið á norðan stórhríðir en lítill snjór var annars þennan vetur,“ segir Halldór Gunnar Hálfdansson, bóndi á Molastöðum í Fljótum en hann sér einnig um skólaakstur í sveitinni. Halldór bætir við að það sé nokkuð óvenjulegt að fá svona mikinn snjó seint og segir að yfirleitt þegar snjóþungt sé í Fljótum hafi sá snjór verið að safnast allan veturinn, oft frá því í október.Meira -
Máttur menntunar | Álfhildur Leifsdóttir skrifar
feykir.is Skagafjörður, Aðsendar greinar 18.04.2024 kl. 13.45Það hefur lengi verið sagt að menntun sé máttarstólpi samfélagsins. Fjöreggið. Skólakerfið okkar á að vera öflugasta jöfnunartækið, þar eiga allir að hafa sömu tækifærin. En er það svo? Við getum vissulega fagnað þeim breytingum að fríar skólamáltíðir verða að veruleika, aðgerð sem jafnar leikinn að einhverju leyti og er breyting til batnaðar fyrir öll.Meira -
Enskumælandi ráð Mýrdalshrepps hlaut Landstólpa Byggðastofnunar
feykir.is Skagafjörður, Austur-Húnavatnssýsla, Vestur-Húnavatnssýsla 18.04.2024 kl. 12.56Enskumælandi ráð Mýrdalshrepps er handhafi Landstólpans, samfélagsviðurkenningar Byggðastofnunar, árið 2024. Alls bárust 26 tilnefningar víða af landinu. Viðurkenningin var afhent á ársfundi Byggðastofnunar sem fram fór í Bolungarvík og er þetta í þrettánda sinn sem viðurkenningin er veitt.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.