Svenni Siffa lést 4. maí
Sveinn Sigfússon, sem flestir Skagfirðingar þekktu sem Svenna Siffa, lést 4. maí en hann lenti í alvarlegu umferðarslysi í desember síðastliðnum. Svenni fæddist 5. ágúst1946 en hann var sonur Hólmfríðar Sveinsdóttur og Sigfúsar Svarfdal Guðmundssonar. Svenni var öflugasti leikmaður Tindastóls á upphafsárum körfuboltans á Króknum. Útför hans verður gerð frá Sauðárkrókskirkju þann 27. maí.
Fyrstu ár ævi sinnar bjó Svenni með foreldrum sínum á Vatnsleysu í Viðvíkursveit en fjölskyldan flutti síðan á Sauðárkrók og bjó hann á Suðurgötu 2 hjá foreldrum sínum og var eina barn þeirra hjóna. Hann flutti í Birkihlíð 33 ásamt Heiðrúnu konu sinni og Hólmfríði dóttur þeirra árið 1973 og í Birkihlíðinni bjó hann til dánardags.
Svenni var giftur Heiðrúnu Friðriksdóttur en hún lést 22. desember 2012. Börn þeirra eru þrjú; Hólmfríður, Ingibjörg og Rúnar. Hólmfriður er gift Stefáni Friðrikssyni og eiga þau þrjú börn og eitt barnabarn. Ingibjörg er gift Ingólfi Ingólfssyni og eiga þá eina dóttur. Rúnar er giftur Efemíu Rún Sigurbjörnsdóttur og eiga þau þrjú börn. Svenni vann allan sinn starfsferil hjá Kaupfélagi Skagfirðinga en þar á eftir grúskaði hann á Héraðsskjalasafni Skagfirðinga við myndaskráningu.
Hann var mikill hestamaður og átti góða hesta. Svenni var búinn að ferðast meira og minna um allt Ísland á hestum en árið 1995 fór hann hringinn í kringum Ísland á hestum. Þá fór hann ótal ferðir yfir hálendið og var einmitt búinn að ráðgera að ríða yfir Kjöl í sumar í tilefni af 80 ára afmælinu sínu.
Eins og áður sagði var Sveinn Sigfússon öflugasti leikmaður Tindastóls á upphafsárum körfuboltans á Króknum. „Í þeim 49 leikjum sem hann lék með liðinu á árunum 1964-1971 skoraði hann 1.028 stig sem gera tæplega 21 stig að meðaltali í leik. Sveinn var mikill íþróttamaður og áttu varnarmenn andstæðingana fá svör þegar hann fór inn í teiginn og stökk þráðbeint upp og lagði boltann ofan í körfuna. Leikmenn efstu deildar liða KR og ÍR vildu sjá Svein í landsliðinu eftir að hafa horft á leik Tindastóls og HSK á Íslandsmóti 2. deildar 1970. Segir það sitthvað um getu Sveins Sigfússonar í körfubolta,“ sagði Ágúst Ingi Ágústsson skrásetjari sögu körfuboltans á Króknum þegar Feykir spurði hann út körfuboltakappann Svenna Siffa.
Áhuginn á körfubolta dvínaði ekki með árunum og má geta þess að Svenni fylgdi landsliði Íslands út til Póllands síðasta haust á EM..
Feykir sendir aðstandendum og vinum samúðarkveðjur.
Fleiri fréttir
-
Veisluhöld valdhafanna | Jón á Stóra-Búrfelli skrifar
feykir.is Austur-Húnavatnssýsla, Aðsendar greinar, Sveitarstjórnarkosningar 13.05.2026 kl. 14.50Það er misjafnt hvað mennirnir hafast að. Nú standa sem hæðst veisluhöld valdhafanna, sínu meira þó hjá D-listanum enda hafa þeir fengið mest fjármagn frá sveitarfélaginu í sína kosningabaráttu vegna mesta fylgis í síðustu kosningum.Meira -
Sýslumaðurinn á Norðurlandi vestra. Atkvæðagreiðsla utan kjörfundar vegna sveitarstjórnarkosninga 2026
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Sveitarstjórnarkosningar 13.05.2026 kl. 14.35Opið verður fyrir atkvæðagreiðslu utan kjörfundar á skrifstofum embættisins á uppstigningardag, 14. maí, og kjördag, 16. maí, sem hér segir:Meira -
Sóknarfæri byggjast á traustum grunni | Frá Byggðalistanum
feykir.is Skagafjörður, Aðsendar greinar, Sveitarstjórnarkosningar 13.05.2026 kl. 14.15Davíð Logi Jónsson heiti ég og er kúabóndi. Ég bý ásamt Emblu konunni minni og tveimur dætrum okkar á bænum Egg í Hegranesi. Ég er fæddur og uppalinn í Réttarholti í Akrahreppinum hinum forna, og þar hafa foreldrar mínir og nú síðar bróðir minn og konan hans einnig búið með kýr. Þó ég sé einungis 38 ára gamall hef ég því yfir 30 ára reynslu í að mjólka kýr og afla þeim fóðurs. Landbúnaðarmál eru því ofarlega í huga mér flesta daga og í raun atvinnurekstur yfir höfuð.Meira -
Tindastóll - Grindavík 83-86 | Stólum stillt upp við vegg
feykir.is Skagafjörður, Íþróttir, Mannlíf, Lokað efni 13.05.2026 kl. 13.45Leikur númer tvö í einvígi Tindastóls og Grindavíkur um Íslandsmeistaratitilinn í körfuknattleik fór fram í Síkinu í gærkvöldi. Að vanda var rafmögnuð stemning og allt lagt undir. Hér verður í grófum dráttum farið yfir gang leiksins en annars var fókus blaðamanns aðallega á gesti og starfsfólk en hann var á vappi á svæðinu að taka myndir og viðtöl.Meira -
Vigdís Elva Þorgeirsdóttir – 1. sæti Fyrir Skagaströnd
feykir.is Skagafjörður, Austur-Húnavatnssýsla, Aðsendar greinar 13.05.2026 kl. 13.30Sókn í atvinnumálum á Skagaströnd Það er auðvelt fyrir lítil samfélög að festast í þeirri hugsun að tækifærin séu alltaf annars staðar. Að ný störf fari sjálfkrafa í stærri bæjarfélög og að uppbygging eigi sér aðeins stað þar sem fólksfjöldinn er mikill.Meira
