Allt upp á tíu og rúmlega það :: Upplifun í leikhúsi – Á svið
Undirritaðar brugðu undir sig betri fætinum í gær, renndu í næstu sýslu á frumsýningu Sæluvikuleikrits Leikfélags Sauðárkróks Á svið og urðu ekki fyrir vonbrigðum, allt upp á tíu og rúmlega það.
Verkið gerist á æfingum og frumsýningu áhugaleikfélags og telur ellefu leikara. Upplifunin er eins og að vera mættur á æfingu. Þarna er stressaði og óþolinmóði leikstjórinn Guðröður sem er leikinn snilldarvel af Árna Jónssyni. Við hittum líka prímadonnuna, sem öll leikfélög eiga, og er leikin af Ingu Dóru, sem skilar því mjög vel.
Þarna er líka leikarinn sem má bara alls ekkert vera að því að vera þarna, leikin af hinni ungu Herdísi Maríu og verður gaman að sjá meira til hennar í framtíðinni.
Ingi Sigþór og Eysteinn Ívar eru með einhvern samhljóm sem skilar sér svo skemmtilega til áhorfenda og eru orðnir svo þaulreyndir, þrátt fyrir ungan aldur.
Systurnar Fanney Rós og Kristey Rut eru skemmtileg viðbót við hópinn og eiga vonandi eftir að gleðja okkur meira í framtíðinni með sínum leik.
Og ekki má gleyma unga gítarleikaranum Finni sem leikinn er af Finni L. Sorinsyni og er bara alls ekki í þessu leikriti en spilar undurvel á gítarinn sinn og skilar hlutverki sínu með sóma.
Svo er það Láki tækni-, hljóð- og alltmugligtmaður, sem er kannski ekki alveg með allt á hreinu og vottar kannski á örlitlu ADHD. Kristján Örn kemur honum vel frá sér eins og hann gerir í öllum sínum hlutverkum. Guðbrandur Jón er skemmtilegur í sínum hlutverkum, er svona hálfgerður lúði og hlýðinn eiginmaður, bara óborganlegur eins og alltaf.
Að öllum öðrum ólöstuðum er alger unun að horfa á Elvu Björk í sínu hlutverki, nýbakaða og óþolandi erfiða leikskáldsins Sigdísar, sem gerir stanslausar breytingar alveg fram að lokametrunum og reynir verulega á þolrifin á öllum.
Elva hreinlega talar við áhorfendur með öllum líkamanum og salurinn grét úr hlátri yfir hoppunum, skoppunum, kippunum og grettunum sem henni tekst að framkvæma og allt á sömu sekúndunni. Það sem gerir þetta „stykki“ sérstakt er að það eru flestir að leika tvær persónur og því er erfitt að lýsa persónum og leikendum. Textinn skilar sér vel út í sal. Hraðinn góður og aldrei dauð stund. Leikmyndin er einföld, engar leiðinlegar skiptingar og gaman að sjá myndir af eldri meisturum Leikfélags Sauðárkróks prýða veggina í æfingarhúsnæðinu.
Framtíðin er björt með alla þessa ungu og efnilegu leikara sem eru svo lánsamir að fá að vinna með og læra af „gömlu hundunum“. Sem fyrr tekst Ingrid Jónsdóttur og leikurum, sem margir hverjir eru að stíga sín fyrstu skref á leiksviði, vel upp við að halda stemmingu í húsinu.
Takk fyrir okkur LS. Þið gerðuð þetta einu sinni enn!
Hanna Bryndís Þórisdóttir
Vibekka Arnardóttir
Fleiri fréttir
-
Sæluvikan að bresta á
feykir.is Skagafjörður, Listir og menning 26.04.2024 kl. 08.34„Skipulagning Sæluviku gengur vel og viðburðir eru enn að bætast við,“ segir Heba Guðmundsdóttir sem hefur veg og vanda af skipulagningu Sæluvikunnar líkt og undanfarin ár og má því mögulega kalla verkefnastjóra Sæluvikunnar. „Það verða flestir fastir liðir á sínum stað á Sæluviku og mér finnst alltaf vera metnaður og spenna fyrir því að vera með hjá þeim sem skapað hafa þá hefð að standa fyrir viðburði á Sæluviku.“Meira -
Vinnustofa um gerð loftlagsstefnu sveitarfélaga
feykir.is Austur-Húnavatnssýsla, Vestur-Húnavatnssýsla 26.04.2024 kl. 08.32SSNV stóð fyrir vinnustofu í félagsheimilinu á Hvammstanga nú í vikunni um gerð loftlagsstefnu sveitarfélaga í samtarfi við KPMG. Vinnustofan var sérstaklega fyrir Húnavatnssýslur. Góð þátttaka var á vinnustofunni og áhugaverðar umræður sköpuðust.Meira -
Áfram Hvöt er nýtt stuðningsmannalag þeirra hvítu og rauðu
feykir.is Austur-Húnavatnssýsla, Listir og menning 26.04.2024 kl. 07.47„Ungmennafélaginu Hvöt hefur lengi vantað gott stuðningsmannalag en þónokkur ár eru síðan Ekki vera löt, allir í Hvöt kom út. Þegar ég hafði samband við Einar Örn og Baldur síðsumars 2023 stóð ekki á svörum. Úr varð þessi frábæri hittari sem mun án efa fá góðar viðtökur hjá félagsmönnum Hvatar, íbúum Húnabyggðar og bara öllum öðrum. Áfram Hvöt!” segir Grímur Rúnar Lárusson, formaður Ungmennafélagsins Hvatar, í færslu á Facebook-síðu Umf. Hvatar þar sem nýtt stuðningsmannalag, Áfram Hvöt, er kynnt til sögunnar.Meira -
Skagamenn höfðu betur gegn Stólum í bikarnum
feykir.is Skagafjörður, Íþróttir 25.04.2024 kl. 21.04Lið Tindastóls fór á Skagann í dag og lék gegn heimamönnum í ÍA í 32 liða úrsltum Mjólkurbikarsins. Leikið var í Akraneshöllinni og fóru leikar þannig að Skagamenn, sem eru með lið í Bestu deild karla, höfðu betur og enduðu þar með bikarævintýri Stólanna. Lokatölur þó aðeins 3-0.Meira -
Erum allar ready í alvöru seríu - segir Brynja Líf
feykir.is Skagafjörður, Íþróttir, Ljósmyndavefur 25.04.2024 kl. 14.22Það hefur verið gaman að fylgjast með liði Stólastúlkna í körfunni í vetur og nú spilar liðið til úrslita um sæti í Subway-deildinni að ári. Það er mikil breyting á liðinu frá því árið áður, mörg púsl bættust í hópinn síðasta haust sem Helgi þjálfari hefur náð að sameina í heilsteypta mynd. Eitt lykilpúslið er Brynja Líf Júlíusdóttir, 16 ára stúlka frá Egilsstöðum, sem kom á Krókinn til að spila með liði Tindastóls og stunda nám á náttúruvísindabraut og í körfuboltaakademíu FNV. Hún er ein efnilegasta körfuboltastúlka landsins í sínum árgangi og í síðasta leiknum gegn Snæfelli á dögunum þá gerði hún átta af tíu stigum Tindastóls í framlengingu.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.