Ár liðið frá opnun 1238
Í gær, 15. júní var eitt ár frá því að Sýndarveruleikasafnið 1238 á Sauðárkróki opnaði. Viðtökur hafa vægast sagt verið frábærar á fyrsta árinu sem hefur verið viðburðarríkt. Ýmsir viðburðir hafa verið í sal Gránu Bistro, s.s. tónleikar, fræðslukvöld og prjónakaffi svo eitthvað sé nefnt. Heimamenn hafa einnig verið duglegir að koma og gæða sér á þeim veitingum sem í boði eru.
Að sögn Áskels Heiðars Ásgeirssonar, framkvæmdastjóra 1238, hefur aðsókn verið mjög að glæðast. Íslendingarnir séu komnir af stað að skoða landið sitt og aðsókn hafi verið ágæt, sérstaklega um helgar. „Aðsókn í veitingarnar hjá okkur hefur verið frábær, þar erum við komin með nýjan matseðil og fullt af spennandi nýjum réttum úr skagfirsku héraði,“ segir Áskell.
Í tilefni afmælisins verður 20% afsláttur af öllum aðgöngumiðum til 1. Júlí. Frábært tækifæri til að sjá Örlygsstaðabardaga og aðra atburði Sturlungaaldar lifna við í sýndarveruleika. Einnig er hægt að lesa sér til um þetta merkilega tímabil í Íslandssögunni og staldra við á Gránu Bistro eftir skoðunarferðina og gæða sér á veitingum af nýjum matseðli sem var kynntur um helgina með fjölbreyttum kræsingum úr héraði.
Sýningin er opin alla daga í sumar frá 10 - 17 og veitingastaðurinn er opinn fram á kvöld. Tilvalið fyrir heimamenn að kíkja með gesti sína á fræðandi sýningu og gæða sér á girnilegum veitingum. /SHV
Fleiri fréttir
-
Áfram Hvöt er nýtt stuðningsmannalag þeirra hvítu og rauðu
feykir.is Austur-Húnavatnssýsla, Listir og menning 26.04.2024 kl. 07.47„Ungmennafélaginu Hvöt hefur lengi vantað gott stuðningsmannalag en þónokkur ár eru síðan Ekki vera löt, allir í Hvöt kom út. Þegar ég hafði samband við Einar Örn og Baldur síðsumars 2023 stóð ekki á svörum. Úr varð þessi frábæri hittari sem mun án efa fá góðar viðtökur hjá félagsmönnum Hvatar, íbúum Húnabyggðar og bara öllum öðrum. Áfram Hvöt!” segir Grímur Rúnar Lárusson, formaður Ungmennafélagsins Hvatar, í færslu á Facebook-síðu Umf. Hvatar þar sem nýtt stuðningsmannalag, Áfram Hvöt, er kynnt til sögunnar.Meira -
Skagamenn höfðu betur gegn Stólum í bikarnum
feykir.is Skagafjörður, Íþróttir 25.04.2024 kl. 21.04Lið Tindastóls fór á Skagann í dag og lék gegn heimamönnum í ÍA í 32 liða úrsltum Mjólkurbikarsins. Leikið var í Akraneshöllinni og fóru leikar þannig að Skagamenn, sem eru með lið í Bestu deild karla, höfðu betur og enduðu þar með bikarævintýri Stólanna. Lokatölur þó aðeins 3-0.Meira -
Erum allar ready í alvöru seríu - segir Brynja Líf
feykir.is Skagafjörður, Íþróttir, Ljósmyndavefur 25.04.2024 kl. 14.22Það hefur verið gaman að fylgjast með liði Stólastúlkna í körfunni í vetur og nú spilar liðið til úrslita um sæti í Subway-deildinni að ári. Það er mikil breyting á liðinu frá því árið áður, mörg púsl bættust í hópinn síðasta haust sem Helgi þjálfari hefur náð að sameina í heilsteypta mynd. Eitt lykilpúslið er Brynja Líf Júlíusdóttir, 16 ára stúlka frá Egilsstöðum, sem kom á Krókinn til að spila með liði Tindastóls og stunda nám á náttúruvísindabraut og í körfuboltaakademíu FNV. Hún er ein efnilegasta körfuboltastúlka landsins í sínum árgangi og í síðasta leiknum gegn Snæfelli á dögunum þá gerði hún átta af tíu stigum Tindastóls í framlengingu.Meira -
Kvenfélag Svínavatnshrepps hélt upp á 150 ára afmælið með kökuveislu af gamla skólanum
feykir.is Austur-Húnavatnssýsla, Mannlíf 25.04.2024 kl. 13.43Kvenfélag Svínavatnshrepps hélt upp á 150 ára afmæli sitt 20. apríl sl. Var öllum kvenfélagskonum í Austur-Húnavatnssýslu boðið í kaffi í Dalsmynni. Þar var mikil kökuveisla sem einkenndist af því að hafa kaffibrauð sem hugsanlega hefði getað verið á borðum er kvenfélagið var stofnað.Meira -
Gleðilegt sumar
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2024 kl. 11.55„Það er komið sumar...“ sungu Mannakorn um árið og það á við í dag. Í það minnsta er sumardagurinn fyrsti í dag og þó það sé kannski ekki sami stemmari fyrir þessum degi á þessari öld og var á þeirri síðustu þá fylgir deginum oftar en ekki bjartsýni og ylur í hjarta – já, eiginlega sama hvernig viðrar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.