Átta ný störf verða til á Sauðárkróki í átaki á sviði brunamála
Í dag var haldinn kynningarfundur í höfuðstöðvum Húsnæðis- og mannvirkjastofnunar (HMS) við Ártorg 1 á Sauðárkróki þar sem kynntar voru fyrirhugaðar breytingar á bruna- og eiturefnavörnum á Íslandi. Frá og með deginum í dag munu bætast við um átta ný stöðugildi á sviðið brunaeftirlits og brunavarna hjá HMS á Sauðárkróki.
Ásmundur Einar Daðason, félags- og barnamálaráðherra, kynnti breytingar sem fyrirhugaðar eru, bæði á brunaeftirliti og störfum því tengdu, sem og þörfinni fyrir auknar fjárveitingar á mörgum sviðum brunavarna. Bæði til að styðja einstök slökkvilið og til að bæta sérhæfðan viðbúnað við mengunarslysum, stórbrunum og öðrum alvarlegum atvikum.
Þá fór Davíð Snorrason, forstöðumaður brunamála hjá HMS, yfir stefnu og framtíðarsýn HMS í málaflokknum og heyra má á myndbandi frá fundinum, eins og bent er á í lok fréttarinnar.
„Þessi nýja skýrsla starfshóps HMS, sem skipaður var sérstaklega til að fara yfir þetta verkefni, brýnir okkur til aðgerða en þar kemur fram að þótt staða okkar sé góð í samanburði við nágrannalönd okkar þá hafa tjón verið að aukast hér á landi á síðustu árum, og við sjáum nýjustu fréttir úr Hrísey frá í morgun. Það er eitthvað sem við ætlum ekki að sætta okkur við. Brunamálin eru gríðarleg hagsmunamál eins og við erum reglulega minnt á. Líkamstjón, svo ekki sé talað um manntjón, er hræðilegt gjald sem við greiðum fyrir skort á fræðslu, skort á brunaeftirliti og brunavörnum almennt. Við getum ekki komið í veg fyrir allt brunatjón en við getum fækkað tilfellum og stuðlað að því að þau verði ekki of dýru verði keypt fyrir samfélagið allt. Við viljum, og eigum, að stórefla brunavarnir. Einn liður í því er að fjölga þeim sem að sinna eftirliti með að lögum og reglum sé framfylgt á öllum stigum, allt frá byggingum mannvirkja til þjálfunar slökkviliða, rannsókna á orsökum og fræðslu til almennings. Það hyggjumst við gera með eflingu brunavarna sem heyra undir hina nýju og öflugu stofnun sem við erum í hér í dag í Húsnæðis- og mannvirkjastofnun.
Húsnæðis- og mannvirkjastofnun er með hluta af starfsemi sinni hér á Sauðárkróki en frá og með deginum í dag munu bætast við um átta ný stöðugildi á sviðið brunaeftirlits og brunavarna,“ sagði Ásmundur Einar í ávarpi sínu. Einnig kom fram í máli hans skýr vilji ríkisstjórnarinnar væri að styðja við þær fáu starfsstöðvar sem eru utan höfuðborgarinnar. „Ég hef einsett mér það innan félagsmálaráðuneytisins að þá munu við leggja okkar lóð á vogarskálarnar í því.“
Ásmundur Einar segist vonast til þess að í næstu viku geti HMS auglýst störf í starfsstöð HMS á Sauðárkróki sem lúta bæði að almennum eftirlitsstörfum og stjórnendastöðum. „Það mun þurfa fólk með háskólamenntun, verkfræðimenntun og annað sem þarf til þess að halda utan um þessa nýju starfsstöð og þau verkefni, sem við erum að fara að hefja saman sem samfélag, að hefja átak í brunavörnum á næstu árum,“ sagði Ásmundur.
Streymt var beint frá fundinum og hægt að nálgast myndband HÉR
Fleiri fréttir
-
Er botninum náð, vísnavinir góðir?
feykir.is Skagafjörður, Listir og menning 20.04.2024 kl. 11.27Það styttist í Sæluviku Skagfirðinga og því rétt að minna á Vísnakeppni Safnahússins sem sagt var frá fyrr í mánuðinum hér í Feyki. Vísur og botnar verða að hafa borist Safnahúsi Skagfirðinga Faxatorgi 55, Sauðárkróki í síðasta lagi á miðnætti 23. apríl nk.Meira -
Umhverfisdagur FISK Seafood 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 20.04.2024 kl. 00.12Umhverfisdagur FISK Seafood verður haldinn 4. maí nk. frá klukkan 10-12. Áætlað er að tína rusl á strandlengjunni á Sauðárkróki (sem verður skipt upp í svæði), Nöfunum, í Varmahlíð, á Hólum og á Hofsósi. Frá 12:15 mun FISK Seafood bjóða öllum þátttakendum að þiggja veitingar að Sandeyri 2.Meira -
Ævintýrið úti hjá liði Tindastóls
feykir.is Skagafjörður, Íþróttir 19.04.2024 kl. 23.34Strax í haust voru bara þrjú hjól undir bíl meistara Tindastóls og eftir það var nánast sama hvaða hindrun varð á vegi hans, það varð allt til að hægja ferðina. Hann hökti reyndar inn í bikarúrslit og í úrslitakeppnina þó með naumindum væri. Stólakagginn sem allir biðu eftir að hrykki í gírinn, kæmi sterkur inn á endasprettinum, var eiginlega hálf vélarvana allt tímabilið. Leikurinn í Smáranum í kvöld var reyndar góður en enn og aftur voru Stólarnir sjálfum sér verstir. Lokakarfan var Grindvíkinga og hún skipti sköpum – lokastölur 91-89. Stólarnir því snemma í sumarfrí þennan veturinn og kannski allir fegnir – þessi bíll þarf í allsherjar yfirhalningu.Meira -
Gul viðvörun á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 22.24Veðurstofan hefur smellt á okkur gulri veðurviðvörun mest allan laugardaginn og fram á aðfaranótt sunnudags. Gert er ráð fyrir ört hækkandi hita og því má búast má við miklum leysingum, auknu afrennsli og vatnavöxtum í ám og lækjum. Mikilvægt er að hreinsa frá niðurföllum til að forðast vatnstjón vegna rigningar og leysingavatns. Gula viðvörunin gildir fyrir Vestfirði og allt Norðurland.Meira -
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.