Besta afkoma KS í 130 ára sögu félagsins
Aðalfundur Kaupfélags Skagfirðinga var haldinn sl. laugardag en rekstur félagsins á síðasta ári samanstóð af sömu fyrirtækjum og mynduðu rekstrarsamstæðu þess árið á undan. Rekstrarhagnaður 2018 eftir skatta er 5 milljarðar og eigið fé við árslok um 34 milljarðar króna.
Í inngangsorðum Þórólfs Gíslasonar, kaupfélagsstjóra, kom fram að öflug framleiðsla í sveitum Skagafjarðar væri forsenda jákvæðrar byggðaþróunar í dreifbýli héraðsins. „Leggja ber áherslu á að í engu má kvika frá arðbærum rekstri og til að vera samkeppnishæft þarf félagið að hafa á að skipagóðu starfsfólki og framsæknum en raunsæjum stjórnendum. Mikilvægt er að góð samstaða haldist um fyrirtækið og hagsmunir þess séu settir framar einstaka persónum eða þröngum hagsmunum í víðtækri merkingu,“ sagði Þórólfur.
Umhverfismál voru mikið í umræðunni á fundinum og var samþykkt að vinna umhverfisstefnu fyrir félagið. Afmælisnefnd er að störfum og nú þegar er búið að halda tónleika í Miðgarði og afsláttardagur var í Skagfirðingabúð. Verður 130 ára afmæli KS fagnað í Skagafirði út árið. Samþykkt var að veita 25 milljónum króna í Menningarsjóð KS og Bjarni Maronsson, stjórnarformaður endurnýjaði umboð sitt í stjórn ásamt Sigríði Gunnarsdóttur.
Tengd frétt: Kaupfélag Skagfirðinga 130 ára í dag
Fleiri fréttir
-
Flest í þokkalegri rútínu
feykir.is Skagafjörður, Lokað efni, Hvað segja bændur? 07.06.2025 kl. 16.49Bessi Freyr Vésteinsson í Hofsstaðaseli, nánar tiltekið í Viðvíkursveit í Skagafirði, býr þar ásamt konu sinni Sólrúnu Ingvadóttur. „Einnig búa hér sonur okkar Ingvi Þór Bessason og kona hans Fanndís Viðarsdóttir ásamt sonum þeirra Braga Frey sex ára, Bjarka Viðari fjögurra ára og Birki Þór tveggja ára.“ Öll vinna þau við reksturinn auk 4-6 starfsmanna, en það fer aðeins eftir árstíma. Feykir heyrði í Bessa til að taka stöðuna í sveitinni en viðtalið var birt í fréttablaðinu Feyki í byrjun febrúar á þessu ári.Meira -
Stólastúlkur náðu í stig gegn liði Vals í fyrsta sinn
feykir.is Skagafjörður, Íþróttir, Lokað efni 07.06.2025 kl. 15.18Í gær mættust lið Tindastóls og Vals í Bestu deild kvenna og var spilað við ágætar aðstæður á Króknum. Úr varð hörkuleikur og fór svo að lokum að liðin deildu stigunum en lokatölur voru 2-2. Þetta var í fyrsta skipti sem Stólastúlkur ná í stig gegn liði Vals og máttu eiginlega vera svekktar með að þau urðu ekki fleiri.Meira -
Taiwo beit á Krókinn á ný
feykir.is Skagafjörður, Íþróttir, Lokað efni 07.06.2025 kl. 14.08Það stefnir í alvöru hvítasunnuhelgi hjá stuðningsmönnum Tindastóls í körfunni. Í gær var Arnar Guðjónsson kynntur til sögunnar sem næsti þjálfari meistaraflokks karla og í morgun laumaði körfuknattleiksdeild Tindastóls út í kosmósið myndbandi þar sem Taiwo okkar Badmus tilkynnir endurkomu sína á Krókinn.Meira -
„Ungt fólk sjálfstæðara og ákveðnara en áður“
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 07.06.2025 kl. 13.17Eins og fram hefur komið þá láta nú af störfum þrír máttarstólpar Fjölbrautaskóla Norðurlands vestra og þar með talinn skólameistarinn sjálfur. Ingileif Oddsdóttir tók við starfi skólameistara af Jóni F. Hjartarsyni árið 2011 en þau tvö eru ein um að hafa gegnt þessari stöðu í 46 ára sögu skólans sem er auðvitað magnað í sjálfu sér. Feykir lagði nokkrar spurningar fyrir Ingileif.Meira -
Þrír hressir hundar á heimili Gunndísar | Ég og gæludýrið mitt
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni, Ég og gæludýrið mitt 07.06.2025 kl. 13.03Í þessum gæludýraþætti ætlum við að fara yfir á Skagaströnd en þar býr Gunndís Katla Þrastardóttir og fjölskyldan hennar. Gunndís er á þrettánda ári og er dóttir Vigdísar Elvu Þorgeirsdóttur, kennara í Höfðaskóla, og Þrastar Árnasonar, sjómanns á Drangey SK-2. Hún á einnig eina systur og tvo bræður. Það má svo ekki gleyma öllum loðdýrunum á heimilinu en þau eiga þrjá hunda, Óm, Dreka og Brúnó. Feyki langaði að forvitnast aðeins um gæludýrin hennar Gunndísar og sendi henni nokkrar spurningar.Meira
