Frá Seattle í sveitasæluna í Skagafirði
Í Flatatungu á Kjálka í Skagafirði býr ein af „tengdadætrum Skagafjarðar“, sem kemur að eigin sögn héðan og þaðan. Hún kennir m.a. ensku, leiklist og myndlist við Varmahlíðarskóla, fæst við þýðingar í hjáverkum en syngur og prjónar í frístundum.
Söngferillinn hófst með sturtusöng en vatt upp á sig og varð að heilum kór. Íris Olga Lúðvíkdsdóttir er í opnuviðtali Feykis, en blaðamaður hitti hana önnum kafna á milli kennslustunda og kóræfinga fyrir tónleika Sóldísar á konudaginn.
Aðspurð hvernig kórinn varð til segir Íris Olga: „Ég hef sagt frá því nokkrum sinnum en það var bókstaflega þannig að Drífa kom í kaffi til mín um sumarið 2010 og spurði hvort við ættum ekki að stofna kvennakór, hún og Sigurlaug frænka hennar væru búnar að velta þessu fyrir sér.“
Íris Olga tók vel í hugmyndina og þær gæddu sér á kaffi og kökum og héldu áfram að spjalla um eitthvað annað. „Viku seinna var Drífa búin að redda undirleikara og kórstjóra og finna húsnæði. Þetta gekk nokkurn veginn þannig fyrir sig og svo fór hún að reka á eftir mér að búa til auglýsingu til að setja í Sjónhornið. Hún er ekkert að hangsa með hlutina.“
Íris Olga er í opnuviðtali 7. tölublaðs Feykis sem kom út í dag.
Fleiri fréttir
-
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira -
Sundlaugargestir á Króknum ættu að kætast í byrjun júlí
feykir.is Skagafjörður, Lokað efni 27.06.2025 kl. 08.48Sumarið er tíminn sungu Bubbi og Rúnni Júl um árið. Margir taka sjálfsagt undir það og það má til sanns vegar færa að sumarið er tíminn fyrir framkvæmdir. Feykir forvitnaðist um það hjá Sigfúsi Ingi Sigfússyni, sveitarstjóra Skagafjarðar, hverjar væru helstu framkvæmdirnar sem sveitarfélagið stæði þessa dagana. Einnig var spurt út í opnun á nýjum hluta sundlaugar á Króknum og arftaka Lummudaga.Meira -
Vilt þú taka þátt í að skapa stemningu?
feykir.is Skagafjörður, Mannlíf, Lokað efni 27.06.2025 kl. 08.43Í sumar er von á fjölmörgum skemmtiferðaskipum til Sauðárkróks og á Hofsós. Í tilkynningu á vef Skagafjarðar er sagt frá því að sveitarfélagið ætli í tilefni af því að hrinda af stað tilraunaverkefni sem hefur það markmið að skapa lifandi og eftirminnilega stemningu fyrir farþega skipanna þegar þeir stíga í land.Meira -
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira
