Jón Gísli á skotskónum í Mjólkurbikarnum fyrir ÍA
Hinn 17 ára gamli Jón Gísli Eyland Gíslason var á skotskónum fyrir ÍA í Mjólkurbikarnum í gær þegar þeir spiluðu á móti FH í 16-liða úrslitunum. Jón Gísli er ungur og efnilegur leikmaður og er sonur þeirra Ingunnar Ástu Jónsdóttur og Gísla Eyland Sveinssonar.
Jón Gísli spilaði nefnilega fyrir meistaraflokk Tindastóls og á 37 leiki fyrir félagið og eitt mark. Einnig á hann að baki 24 leiki fyrir U17 ára landsliði Íslands og hefur skorað í þeim 2 mörk síðan á hann líka 3 leiki fyrir U16. Núna í vor gerði Jón Gísli félagskipti til knattspyrnufélagsins ÍA sem er undir stjórn Jóhannesar Karls Guðjónssonar.
Jón Gísli byrjaði á bekknum í leiknum en kom síðan inn á í hálfleik en markalaust var í hálfleik. Lars Marcus Johansson fór útaf fyrir Jón Gísla og var hann settur í hægri bakvörðinn sem hann er búinn að vera spila með landsliðinu og spilaði nokkra leiki hjá Tindastóli í bakverðinum. FH-ingarnir náðu að komast 2-0 yfir með mörkum frá Steven Lennon og Jákup Ludvig Thomsen en mörkin komu á 71 mínútu og 80 mínútu og staðan þar með 2-0. En það stóð ekki lengi, því rúmlega mínútu eftir mark FH-inga átti Jón Gísli fast skot á mark FH-inga sem markvörðurinn Vignir Jóhannesson réði ekki við og endaði boltinn í netinu og minnkaði hann þar muninn fyrir ÍA, en lengra komust þeir ekki og þar með FH-ingar komnir áfram í Mjólkurbikarnum.
Feykir heyrði í kauða og spurði hann nokkurra spurninga út í leikinn.
Hvernig var tilfinningin þegar þú komst inn á í fyrsta alvöru leiknum þínum með ÍA?
„Tilfinningin var mjög góð, gott að fá sénsinn á þessum tímapunkti og var ég sáttur með mína innkomu“
Hvernig leið þér inná vellinum?
„Mér leið mjög vel inn á vellinum og var tilbúin þegar kallið kom og nýtti tækifærið vel"
Hvernig var síðan að sjá boltann syngja í netinu?
„Það var mjög gaman að sjá boltann í netinu og koma okkur inn í leikinn aftur en svekkjandi að ná ekki jöfnunarmarkinu eftir að við lágum á þeim þarna í lokinn“
Eitthvað að lokum?
„Það er rosalega góð stemming í liðinu og liðsheildin er mikill en við látum þetta ekki stoppa okkur við förum bara fulla ferð áfram í næstu leiki“ segir Jón Gísli
Þetta er fyrsta markið hans fyrir félagið og einnig var hann að spila sinn fyrsta alvöru leik fyrir ÍA. Vonandi fáum við að sjá hann oftar í leikjum liðsins í sumar.
Markið hans má sjá fyrir neðan
/EÍG
Fleiri fréttir
-
Plokkað um allt land á sunnudaginn
feykir.is Skagafjörður, Austur-Húnavatnssýsla, Vestur-Húnavatnssýsla 23.04.2024 kl. 13.29Stóri plokkdagurinn á Íslandi verður sunnudaginn 28. apríl en þá ætla allir sem vettlingi geta valdið að fara út og plokka. Það geta allir tekið þátt í þessu ótrúlega skemmtilega og nauðsynlega verkefni því ruslið er víða. Rótarýhreyfingin á Íslandi hefur tekið þetta verkefni upp á sína arma og hvetur landsmenn alla; einstaklinga, fjölskyldur, vinahópa, vinnustaði og stofnanir, til að taka þátt.Meira -
Stórtjón á gervigrasvellinum á Króknum
feykir.is Skagafjörður, Íþróttir 23.04.2024 kl. 12.11Í leysingunum síðastliðinn laugardag fór gervigrasvöllurinn glæsilegi á íþróttasvæðinu á Sauðárkróki undir vatn og var völlurinn ekki leikhæfur á sunnudegi. Spilað var á vellinum í gær en ljóst var að völlurinn var ekki í góðu ástandi. „Í morgun mætti galvaskur hópur leikmanna Tindastóls og starfsmenn sveitarfélagsins og flettu gervigrasinu af á parti og kom í ljós að gúmmipúðinn undir er ónýtur,“ tjáði Adam Smári Hermannsson, formaður knattspyrnudeildar, Feyki.Meira -
Einvígi Tindastóls og Aþenu hefst á föstudag
feykir.is Skagafjörður, Íþróttir 23.04.2024 kl. 09.48„Einvígi við Aþenu leggst vel í mig. Aþena er með vel mannað lið í öllum stöðum og spila af mikilli ákefð. Það er mikil stemning í kringum bæði þessi lið og heimavöllurinn öflugur þannig að ég á von á hita og látum, bæði á vellinum og í stúkunni,“ segir Helgi Freyr Margeirsson, þjálfari kvennaliðs Tindastóls, en í gær varð ljóst að andstæðingur Stólastúlkna í einvíginu um sæti í Subway-deildinni yrðu lærisveinar Brynjars Karls, Aþena.Meira -
Upplýsingafundur Íslandspósts á Hvammstanga
feykir.is Vestur-Húnavatnssýsla 23.04.2024 kl. 09.36Feykir sagði frá því fyrr í vetur að Íslandspóstur hefði tekið ákvörðun um lokun fimm pósthúsa á landsbyggðinni og fimm útibúa að auki. Byggðarráð Húnaþings vestra mótmælti ákvörðun um að loka pósthúsinu á Hvammstanga en fá að öllum líkindum ekki snúið ákvörðuninni. Nú boðar Íslandspóstur til upplýsingafundar í Félagsheimilinu Hvammstanga mánudaginn 29. apríl kl. 17.Meira -
Baldur og Felix á Sauðárkróki og á Blönduósi í dag
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf 23.04.2024 kl. 08.34Það hefur efalaust ekki farið framhjá neinum að það eru forsetakosningar framundan en kosið verður 1. júní. Næsta mánuðinn verða því forsetaframbjóðendur, sem stefnir jú í að verði nokkrir, á faraldsfæti og munu taka í hendur eins margra og auðið er. Í dag verða þeir Baldur og Felix á ferðinni hér norðan heiða og í dag heimsækja þeir Sauðárkrók og Blönduós – þar sem Felix bjó einmitt um tíma.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.