KFNV skorar á ríkisstjórnina að hætta árásum á landsbyggðina
Tuttugasta og sjötta kjördæmisþing Kjördæmasambands Framsóknarmanna í Norðvesturkjördæmi fór fram að Laugum í Sælingsdal dagana 11.-12. aptíl. Sendi þingið frá sér stjórnmálaályktun þar sem skoraö er á ríkisstjórnina að hætta árásum á landsbyggðina.
Ályktunina má lesa hér að neðan:
Stjórnmálaályktun kjördæmisþings Framsóknarflokksins í Norðurvesturkjördæmi
Kjördæmisþingið skorar á ríkisstjórnina að hætta árásum á landsbyggðina. Aðgerðir ríkisstjórnarinnar miða að því að þrengja að heimilunum og fyrirtækjunum. Ljóst er að kostnaður er að aukast verulega með auknum flutningskostnaði og sífelldum skattahækkunum. Brýnasta verkefnið er að ná niður verðbólgu og hvetur kjördæmisþingið ríkisstjórnina að ráðast í fleiri aðgerðir sem lækka verðbólgu og auka fyrirsjáanleika í efnahagsstjórninni. Þingfundarfulltrúar hafa verulegar áhyggjur af þróun efnahagsmála enda róðurinn að þyngjast hjá heimilum kjördæmisins.
Kjördæmisþingið leggst eindregið gegn aðild Íslands að Evrópusambandinu, þar sem það dregur úr sjálfsákvörðunarrétti þjóðarinnar. Kjördæmisþingið leggur áherslu á mikilvægi alþjóðasamvinnu í anda samvinnustefnunnar. Þess vegna hvetur kjördæmisþingið ríkisstjórnina til að auka verulega samskiptin við Kanada og leggja drög að því að Kanada verði boðin aðild að Fríverslunarsamtökunum EFTA.
Kjördæmissamband Framsóknar í Norðvesturkjördæmi
Fleiri fréttir
-
Skagamenn í Kára lögðu Kormák/Hvöt í Lengjubikarnum
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 15.04.2026 kl. 10.13Lið Kormáks/Hvatar spilaði sinn síðasta leik í Lengjubkarnum síðastliðið föstudagskvöld og var leikið í Akraneshöllinni. Andstæðingurinn var lið Kára en liðin hafa eldað grátt silfur síðustu árin og alls konar dramatík dúkkað upp. Nú voru aftur á móti allir upp á sitt prúðasta, engin spjöld fóru á loft en mörkin urðu sex og gerðu heimamenn fjögur þeirra. Lokatölur því 4-2 og rétt eins og lið Tindastóls þá fóru Húnvetningar stigalausir í gegnum Lengjubikarinn.Meira -
Áfram Vísnakeppni
feykir.is Hr. Hundfúll 15.04.2026 kl. 10.06Herra Hundfúll er pínu leiður – semsagt kannski ekki alveg hundfúll – yfir því að Vísnakeppni Safnahúss Skagfirðinga hafi fallið niður þessa Sæluvikuna. Það er Safnahúsið sem stendur fyrir keppninni en það þarf alltaf að finna einhvern sem hefur umsjón með henni. Því miður fannst enginn að þessu sinni sem var tilbúinn til að taka við keflinu.Meira -
Öflugt starf | Frá Flugbjörgunsveitinni í Varmahlíð
feykir.is Skagafjörður, Aðsendar greinar, Mannlíf 15.04.2026 kl. 09.50Aðalfundur félagsins var haldinn 14.apríl við góða mætingu. Stjórnin byrjaði kvöldið á að grilla ofan í félaga og síðan var farið í gegnum hefðbundin aðalfundarstörf. Guðmundur Guðmundsson stjórnarmeðlimur gekk úr stjórn og þökkum við honum fyrir óeigingjarnt starf í þágu félagsins.Meira -
„Við þurfum að vera klárir í þennan slag“
feykir.is Skagafjörður, Íþróttir, Lokað efni 15.04.2026 kl. 09.26Það varð ljóst í gærkvöldi hverjir yrðu andstæðingar Tindastóls í undanúrslitum Bónus deildarinnar í körfubolta. Þá áttust við lið KR og Stjörnunnar í hreint ótrúlegum tví framlengdum leik í Vesturbænum en það fór svo að lokum að Stjarnan hafði betur, 115-118. Stólarnir, sem enduðu í öðru sæti í deildinni, mæta því Stjörnunni, sem endaði í þriðja sæti, í undanúrslitum og verður fyrsti leikur liðanna því í Síkinu.Meira
