Lúðalegra getur það ekki orðið!
„Menningarhúsið Hof mun hristast, skjálfa og skreppa saman, útaf skellihlátri, þann sjötta mars langnæstkomandi. Þá verður haldið þar suddalega sögulegt og skelfilega skrautlegt skemmtikvöld undir yfirskriftinni "Lúðar og létt tónlist".
Hinir aleinu og dagsönnu Hvanndalsbræðu leika við hvern sinn fingur og einnig á vel valin hljóðfæri, ef allt fer að óskum,“ segir í fréttatilkynningu sem Feyki barst á dögunum.
„Bræðurnir úr Hvanndal eru fyrir norðan, sem fyrr, en lúðarnir koma að sunnan. Þeir eru útvarpströllið, eftirherman og öðlingurinn Sólmundur Hólm og Landabruggarinn, larfurinn og letiblóðið Gísli Einarsson. Þeir láta móðan mása af miklum móð og reita af sér brandara, bringuhár og annað sem hönd á festir. Rögnvaldur gáfaði stígur einnig á stokk og eys úr sínum viskubrunni með teskeið,“ segir enn fremur í tilkynningunni, en þess má geta að Gísli Einarsson er brottfluttur tengdasonur Skagafjarðar og Rögnvaldur gáfaði er af skagfirsku bergi brotinn.
„Hvanndalsbræður flytja öll sín skemmtilegustu lög, og þau lakari líka.
Þetta er eitthvað sem getur alveg klikkað, en alls ekki víst að það geri það.
Miðasalan er í fullum gangi og já, ótrúlegt en satt það er búið að selja helling,“ segir að lokum í fréttatilkynningunni.
Fleiri fréttir
-
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira -
Sundlaugargestir á Króknum ættu að kætast í byrjun júlí
feykir.is Skagafjörður, Lokað efni 27.06.2025 kl. 08.48Sumarið er tíminn sungu Bubbi og Rúnni Júl um árið. Margir taka sjálfsagt undir það og það má til sanns vegar færa að sumarið er tíminn fyrir framkvæmdir. Feykir forvitnaðist um það hjá Sigfúsi Ingi Sigfússyni, sveitarstjóra Skagafjarðar, hverjar væru helstu framkvæmdirnar sem sveitarfélagið stæði þessa dagana. Einnig var spurt út í opnun á nýjum hluta sundlaugar á Króknum og arftaka Lummudaga.Meira -
Vilt þú taka þátt í að skapa stemningu?
feykir.is Skagafjörður, Mannlíf, Lokað efni 27.06.2025 kl. 08.43Í sumar er von á fjölmörgum skemmtiferðaskipum til Sauðárkróks og á Hofsós. Í tilkynningu á vef Skagafjarðar er sagt frá því að sveitarfélagið ætli í tilefni af því að hrinda af stað tilraunaverkefni sem hefur það markmið að skapa lifandi og eftirminnilega stemningu fyrir farþega skipanna þegar þeir stíga í land.Meira -
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira
