Mark Watson dagurinn á sunnudag
Mark Watson dagurinn verður haldinn hátíðlegur í Glaumbæ sunnudaginn 19. júlí. Vakin er athygli á því að vegna slæmrar veðurspár laugardaginn 18. júlí, var viðburðurinn færður aftur um einn dag, til 19. júlí. Í tilefni af afmæli skoska aðalsmannsins Mark Watson 18. júlí, stendur Byggðasafn Skagfirðinga fyrir dagskrá í Glaumbæ. Watson var mikill Íslandsvinur og er honum margt að þakka, þar með talið rausnarleg peningagjöf til viðgerða á gamla torfbænum í Glaumbæ árið 1938 sem átti sinn þátt í að bærinn er enn varðveittur.
Watson hefur jafnframt verið titlaður bjargvættur íslenska fjárhundakynsins og er afmælisdagur hans "Dagur íslenska fjárhundsins". Af því tilefni ætla íslenskir fjárhundar að heimsækja safnið. Hundarnir eru ljúfir og spakir og óhætt er að klappa þeim með leyfi eigenda. Venju samkvæmt er boðið upp á gamla leiki á safnsvæðinu kl. 12 og leiðsögn kl. 13. Leiðsögnin verður þó með öðru sniði en venjulega þar sem áhersla verður lögð á mann dagsins, Mark Watson. Þá verður ungum gestum boðið á bak á hestum frá Syðra–Skörðugili kl. 14.
Gamli bærinn í Glaumbæ opnar dyr sínar alla daga frá kl. 10-18 í sumar og býður velkomna alla þá gesti, innlenda og erlenda, sem leggja land undir fót. Áskaffi er opið frá kl. 12-18 með gómsætar veitingar að venju.
Við minnum lögheimilisíbúa Svf. Skagafjarðar og Akrahrepps á ársmiðann sem gildir í eitt ár frá kaupum hans óháð fjölda heimsókna.
Verið velkomin í Glaumbæ!
/Fréttatilkynning
Fleiri fréttir
-
Uppskriftir að hætti Jóhanns Daða
feykir.is Skagafjörður, Í matinn er þetta helst 15.06.2025 kl. 10.00Jóhann Daði er 24 ára Skagfirskur viðburðastjóri, fæddur og uppalinn á Sauðárkróki. Foreldrar hans eru Gísli Sigurðsson og Lydía Ósk Jónasdóttir. Jóhann býr fyrir sunnan, nánar tiltekið í Kópavogi, og vinnur sem sölumaður hjá Sýn. Jóhann spilar knattspyrnu með Tindastól og er trommuleikari í þeirri víðfrægu hljómsveit Danssveit Dósa.Meira -
Níu marka veisla á Sauðárkróksvelli
feykir.is Skagafjörður, Íþróttir, Lokað efni 14.06.2025 kl. 21.17Það var leikið í 3. deildinni í knattspyrnu á Króknum í dag en þá tóku Stólarnir á móti liði Árbæjar í áttundu umferð. Liðin voru bæði um miðja deild en gestirnir þó ofan við miðlínuna en Stólarnir neðan hennar. Eftir nokkurt ströggl síðasta mánuðinn þá sýndu heimamenn sparihliðarnar og rúlluðu gestunum upp eins og gómsætri vöfflu með rjóma og rabarbarasultu. Lokatölur 7-2 og allt í gúddi.Meira -
Vel heppnuð vinnustofa um íþróttir fatlaðra
feykir.is Skagafjörður, Íþróttir, Mannlíf, Lokað efni 14.06.2025 kl. 20.04Í byrjun mánaðar héldu Ungmennasamband Skagafjarðar (UMSS), Svæðisstöðvar íþróttahéraða og Íþróttasamband fatlaðra (ÍF) sameiginlega vinnustofu um íþróttir fyrir fatlaða á Sauðárkróki. Vinnustofan var fyrir foreldra, forsjáraðila, íþróttaþjálfara, starfsfólk skóla og áhugafólk um íþróttir í sveitarfélaginu. „Vinnustofan var vel sótt og greinilegt að mikil þörf var á þessum viðburði. Miklar og góðar umræður sköpuðust um íþróttir fatlaðra í Skagafirði. Það verður gaman að vinna úr þeim punktum sem fram komu og koma þeim í farveg,“ segir Halldór Lárusson, svæðisfulltrúi íþróttahéraða á Norðurlandi vestra.Meira -
Þjóðhátíðardagsskráin á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 14.06.2025 kl. 14.00Þjóðhátíðin 17 júní er á næsta leyti og af því tilefni ætlar Feykir að taka saman það helsta sem í boði verður á Norðvesturlandi.Meira -
„Ég er sveitavargur og hefur alltaf liðið vel að koma í Skagafjörðinn“
feykir.is Skagafjörður, Íþróttir, Lokað efni 14.06.2025 kl. 13.47Blaðamaður Feykis hitti nýjan þjálfara meistaraflokks Tindastóls föstudaginn 7. júní þegar hann skrifaði undir tveggja ára samning. Blaðamaður settist niður með Arnari og spjallaði aðeins við kauða og tók stöðuna. Fyrst var kannski að fá að vita hver Arnar Guðjónsson er en hann er sveitastrákur úr Borgarfirði, sonur tveggja íþróttakennara, sem hefur alla tíð haft ótrúlega gaman af íþróttum og fólki og lá þá kannski beinast við að fara í þjálfun.Meira
