Skólastjórinn hljóp í skarðið
Árshátíð yngsta- og miðstigs Varmahlíðarskóla var haldin í Menningarhúsinu Miðgarði fimmtudaginn 21. mars síðastliðinn þar sem börnin sýndu fyrir fullum sal og stóðu sig öll með stakri prýði. Það hefur svo sannarlega sýnt sig og sannað hvað það er mikils virði að byrja strax að þjálfa börn í að koma fram í sýningum sem þessum. Sem skilar sér svo í glæsilegum sýningum í eldri bekkjunum og jafnvel alla leið í framhaldsskólann.
Þar sem 1.-4. bekkur sýndi „Úlfa ævintýranna“ var stiklað á stóru í ævintýrum á borð við Rauðhettu og úlfinn og Grísina þrjá. Yngstu nemendurnir léku meðal annars sauðkindahóp í ævintýrinu Úlfur úlfur, sem er vissulega ekki ævintýrið um þá Helga Sæmund og Arnar Frey heldur smaladrenginn sem kallar ítrekað - úlfur úlfur - þangað til fólk hætti að trúa honum og hann lendir í vandræðum.
Að þessari úlfaævintýra-samsuðu lokinni tók við leikritið Vakað á jólanótt sem 5. bekkur sýndi. Alltaf er jafn gaman að sjá hvað krakkarnir, niður í fyrsta bekk, þjálfast í að koma fram og hvað það verður þeim eðlilegt að stíga á svið og syngja, dansa og leika á alsoddi. Meðan 6.-7. bekkur græjaði nýja leikmynd á svið var gestum boðið upp á kaffi og kanilsnúða í hléi. Krakkarnir sýndu Ævintýrakistuna þar sem sögumenn komu upp úr stórri kistu og búið var að sjóða saman Grimms-ævintýrin um Brimaborgarsöngvarana, Stígvélaða köttinn og Gullgæsina.
Ófyrirséðar aðstæður
Þegar hér var komið sögu, eins og gengur og gerist á þessum árstíma, þá eru óviðráðanlegar aðstæður eins og veikindi og vont veður sem ekki fæst ráðið við og þá verða oft góð ráð dýr. Forföll eins sögumanns varð til þess að hinir sögumennirnir tveir komu saman upp úr kistunni og tilkynntu áhorfendum að þeir væru sögumenn í afleysingum og lásu söguna saman og leystu þetta óvænta hlutverk með stakri prýði.
Í ævintýrinu um Stígvélaða köttinn koma fyrir kóngur og prinsessa, eins og flestir vita sem söguna hafa lesið, en það vakti óskipta athygli og mátti greina hlátur í salnum þegar skólastjóri Varmahlíðarskóla, Trostan Agnarsson, birtist á sviðinu í hlutverk konungsins. Það var vegna óvæntra forfalla. Frábær lausn við ófyrirséðum aðstæðum og frábært dæmi um að deyja ekki ráðalaus, gera gott úr hlutunum og biðja skólastjórann að bregða sér í hlutverk konungs.
Fleiri fréttir
-
Samvinnurými á Skagaströnd hlaut 15 milljón króna styrk
feykir.is Austur-Húnavatnssýsla 30.04.2024 kl. 12.25SSNV og sveitarfélagið Skagaströnd hafa undirritað samning vegna styrks til að skapa samvinnurými á Skagaströnd. Í frétt á vef SSNV segir að markmiðið með verkefninu sé að skapa samvinnurými á Skagaströnd með því að standsetja og markaðssetja húsnæði í eigu sveitarfélagsins, skapa forsendur fyrir léttan iðnað í hluta hússins og aðstöðu fyrir frumkvöðla og minni fyrirtæki í öðrum hluta þess.Meira -
Skagabyggð hlaut styrk vegna Verndun Kálfshamarsvíkur
feykir.is Austur-Húnavatnssýsla 30.04.2024 kl. 10.44Skagabyggð hlaut fyrir helgi styrk frá Framkvæmdasjóði ferðamannastaða að upphæð 3.600.000 kr. vegna verkefnisins Verndun Kálfshamarsvíkur sem miðar að því að hreinsa í burtu núverandi girðingar á deiliskipulagssvæðinu og girða svæðið af upp á nýtt. Einnig á að hnitsetja og merkja um 3 km langa gönguleið og setja tréstíga yfir blautustu svæðin á þeirri leið.Meira -
Karl Lúðvíks sæmdur Gullmerki UMFÍ
feykir.is Skagafjörður, Íþróttir 30.04.2024 kl. 10.06Það var ekki nóg með að Gunnar Þór Gestsson væri sæmdur Gullmerki ÍSÍ á ársþingi UMSS um liðna helgi því auk hans var íþróttakempan og kennarinn Karl Lúðvíksson sæmdur Gullmerki UMFÍ. Í frétt á vef Ungmennafélags Íslands segir að Karl sé þekktur fyrir störf sín og er fastagestur á Landsmóti UMFÍ 50+ sem haldið er ár hvert.Meira -
Heima í stofu í kvöld | Áskell Heiðar í spjalli
feykir.is Skagafjörður, Listir og menning 30.04.2024 kl. 09.06Viðburðaséníið Áskell Heiðar Ásgeirsson, sem við Skagfirðingar eignum okkur þó hann sé vissulega fæddur og uppalinn á Borgarfirði eystra, býður okkur „Heim í stofu“ núna í Sæluviku. Hann er vissulega ekki að bjóða okkur heim í sína stofu heldur getum við keypt okkur miða á tónleika sem verða haldnir á sex mismunandi heimilum og stöðum á Sauðárkróki. Nú er þetta að bresta á því Heima í stofu er einmitt í kvöld!Meira -
Jóhann Örn ráðinn í nýtt starf tengslafulltrúa hjá Húnaþingi vestra
feykir.is Vestur-Húnavatnssýsla 30.04.2024 kl. 08.33Jóhann Örn Finnsson var í gær boðinn velkominn í nýtt og spennandi starf sem styðja mun við farsæld barna í Húnaþingi vestra. Á heimasíðu sveitarfélagsins segir að hann hafi verið ráðinn í nýtt starf tengslafulltrúa á fjölskyldusviði sem auglýst var á dögunum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.